မှန်ကန်တဲ့ကျန်းမာရေးဂရုစိုက်မှု ဖြစ်အောင် သတိထားလုပ်ဆောင်သင့်တဲ့အချက် ၆ချက်

Related image

ဒီအလေ့အကျင့်လေးတွေကို သေချာမှတ်ထားပြီးသတိထားလုပ်ဆောင်သင့်ပါတယ်။

၁။ကောင်းမွန်တဲ့အိပ်စက်အနားယူမှုဖြစ်အောင် မအိပ်ခင်ကော်ဖီသောက်ပါ။ ဂျပန်တွေရဲ့ လေ့လာတွေ့ရှိချက်အရ ကောင်းမွန်တဲ့အိပ်စက်အနားယူမှုဖြစ်အောင် အိပ်ခါနီး ကော်ဖီတစ်ခွက်သောက်ပါတဲ့။ကော်ဖီမှာ ကဖင်းဓာတ်တွေအများကြီးပါဝင်ပါတယ်။ကော်ဖီသောက်ပြီး မိနစ်၂၀လောက်တရေးတမောအိပ်တာက ဦးနှောက်ဖိစီးမှုတွေလျှော့ချပေးပြီး အိပ်ရာကနိုးတဲ့အခါ လူကိုထုံထိုင်းလေးလံမနေစေပဲ လန်းဆန်းစေပါတယ်။

၂။အစားစားပြီး ချက်ချင်းသွားမတိုက်ပါနဲ့။ ထမင်းစားပြီးချက်ချင်းသွားတိုက်တတ်တဲ့အကျင့်ရှိရင် အခုကစပြီးရှောင်သင့်ပါတယ်။အထူးသဖြင့် အသီး၊အအေး၊ခရမ်းချဉ်သီးစတဲ့အက်ဆစ်ဓာတ်ပါဝင်တဲ့အစားအသောက်တွေစားပြီးတဲ့အခါ ချက်ချင်းသွားမတိုက်ပါနဲ့။တိုက်မိတဲ့အခါမှာ သွားထဲမှာရှိတဲ့ဓာတ်တစ်ချို့ကိုအလွယ်တကူထိခိုက်စေလို့ သွားတွေနာကျင်တာမျိုးဖြစ်စေပါတယ်။အစာစားပြီး နာရီဝက်၊တစ်နာရီကြာမှသွားတိုက်ပေးပါ။

၃။ပင်ပန်းနေတဲ့အချိန် အားဖြည့်အချိုရည်တွေမသောက်ပါနဲ့။ အားဖြည့်အချိုရည်တွေမှာကော်ဖီထက်တောင် ကဖင်းဓာတ်များစွာပါဝင်ပါတယ်။သကြားဓာတ်တွေလည်းအများကြီးပါဝင်လို့ ကိုလက်စထရောကိုအမြန်ဆုံးမြင့်တက်စေပါတယ်။ပင်ပန်းနေတဲ့အချိန် အားဖြည့်အချိုရည်မသောက်ဖုိ့ကို ကျန်းမာရေးတာဝန်ရှိသူတွေကသတိပေးထားပါတယ်။

၎။တစ်နေ့ကိုရေရှစ်ခွက်သောက်ပါတဲ့။ ရေများများသောက်လေကျန်းမာလေပါပဲ။ထမင်းမစားခင်ရေများများသောက်ပေးမယ်ဆိုရင် ထမင်းကိုလည်းအများကြီးမစားမိစေသလို ၀ိတ်တက်မှာကိုလည်းစိုးရိမ်စရာမလိုတော့ပါဘူး။

၅။ကိုယ်အလေးချိန်လျှော့ချနေတယ်ဆိုရင် ဆိုဒါပါဝင်တဲ့အချိုရည်တွေမသောက်ပါနဲ့။ ဆိုဒါပါဝင်တဲ့အချိုရည်တွေမှာကိုယ်အလေးချိန်မြင့်တက်စေတဲ့ဂတ်စ်တွေပါဝင်ပါတယ်။အချိုရည်ကြိုက်နှစ်သက်တဲ့သူတွေကလည်း လျှော့သောက်ပေးဖို့လိုပါတယ်။

၆။ဦးနှောက်စွမ်းရည်တိုးတက်စေဖို့ စာရေးပါ။ ဒီခေတ်ထဲမှာတော့ အလွယ်တကူဖုန်းနဲ့ပဲမှတ်ထားကြပါတယ်။ဒါပေမဲ့ စာရွက်အသေးလေးတွေပေါ်မှာစာရေးပြီးမှတ်ထားတာက ဦးနှောက်ကိုအလုပ်ပေးသလိုဖြစ်ပြီးမှတ်မိလွယ်တယ်လို့ဆရာဝန်တွေကပြောကြပါတယ်။

လမ်းခွဲပြီးတဲ့အခါ သင့်ခန္ဓာကိုယ်ကပြလာမယ့်လက္ခဏာ(၅)ရပ်

Image result for break love

လမ်းခွဲခြင်းက လူတိုင်းအတွက်ခက်ခဲတဲ့အရာတစ်ခုပါပဲ။ ကိုယ့်ရဲ့တက်လွယ်ကျလွယ်စိတ်ခံစားချက်တွေကြောင့် ဖိစီးမှုတွေများကာ ခန္ဓာကိုယ်ဟာလည်း တိုက်ရိုက်သက်ရောက်မှုတွေရှိနေပါတယ်။  ချစ်ရတဲ့သူနဲ့လမ်းခွဲပြီးတဲ့အခါ သင့်ခန္ဓာကိုယ်မှာဖြစ်လာမယ့် အရာတွေကို ဖော်ပြပေးလိုက်ပါတယ်…။

၁.) စိတ်ဓာတ်ကျပြီး အိပ်မပျော်ဖြစ်ခြင်း

ကိုယ်တွေ ဆုံးရှုံးမှုကိုခံစားရတဲ့အခါ၊ နာကျင်တဲ့အခါ တစ်ယောက်တည်းနေတာထက်စာရင် သူငယ်ချင်းနဲ့ပဲဖြစ်ဖြစ် တွေ့ဆုံလိုက်တာက အနည်းငယ်တော့စိတ်သက်သာရာရပါတယ်။ သိပံ္ပပညာရှင်တွေ လေ့လာချက်အရ ကိုယ်အရမ်းချစ်ရသူနဲ့ လမ်းခွဲပြီးတဲ့အခါ စိတ်ဓာတ်ကျခြင်းကိုခံစားလာရပြီး အိပ်မပျော်ဖြစ်ကာ အစားသောက်တွေပျက်လာတဲ့အထိဖြစ်လာနိုင်ပါတယ်။တစ်ခုမှတ်ထားရမှာက ဒါဟာအမြဲတသတ်မှတ်တည်းဖြစ်သွား
မှာမဟုတ်ကြောင်း အချိန်ပေးလိုက်ရင် အဆင်ပြေသွားမယ်ဆိုတာကိုလက်ခံထားရင် သင် နေသားကျသွားပါလိမ့်မယ်။

၂.) ရင်ဘတ်အောင့်ခြင်း

လမ်းခွဲပြီးတဲ့အခါ စိတ်ထိခိုက်သွားရုံတင်မက ခန္ဓာကိုယ်ပိုင်းဆိုင်ရာတွေပါ နာကျင်မှုဒဏ်တွေခံစားလာရတယ်လို့ လေ့လာမှုများအရသိရပါတယ်။ နေလို့ထိုင်လို့မကောင်းဖြစ်ကာ ရင့်ဘတ်အောင့်ခြင်း (သို့) နှလုံးအောင့်ခြင်း ဝေဒနာတွေကို
ခံစားလာရပါတယ်။ နှလုံးရောဂါအခံရှိပြီးသားလူဆို ဒီဖိစီးမှုဒဏ်တွေကိုခံစားနိုင်မှာမဟုတ်ပါဘူး။

၃.) အရေပြားပြဿနာ

စိတ်ဓာတ်ကျနေတဲ့အခါ အရေပြားတွေကအစ အရမ်းသိသာလာပါတယ်။ ဖိစီးမှုဒဏ်တွေကြောင့် ကိုယ့်ကိုကိုယ်ဂရုစိုက်ချင်စိတ်ကုန်သွားကာ အသားရေတွေလည်းညစ်ညမ်းလာတတ်ပါတယ်။ မျက်နှာမှာဆို ဝက်ခြံတွေထွက်လာတတ်ပြီး ဆံပင်တွေလည်းကျွတ်တတ်ပါတယ်။

၎.) ကြွက်သားများ နာကျင်လာခြင်း

စိတ်ဓာတ်ကျတဲ့အခါ လူတွေဟာ ပုံမှန်ထက်ပိုပြီး ပင်ပန်းနွမ်းလျနေတတ်ပါတယ်။
ဖိစီးမှုတွေကြောင့် ရုတ်တရက်အကြောဆွဲခြင်း၊ အကြောတွေ တောင့်နေခြင်းဖြစ်နေတတ်ပါတယ်။ ခန္ဓာကိုယ်ရဲ့မတူညီတဲ့နေရာတွေက နာကျင်မှုမျိုးစုံကိုခံစားရနိုင်ပါတယ်။

၅.) အစားချင်စိတ်လျော့ခြင်း (သို့) ဝိတ်တက်လာခြင်း

လမ်းခွဲပြီးတဲ့အခါ တော်တော်များများကတော့ အစားစားချင်စိတ်လျော့ကျတတ်ပါတယ်။
အချိန်အနည်းငယ်ကြာသွားရင်တော့ စားချင်စိတ်ပြန်ပေါက်ကာ ဝိတ်တက်လာနိုင်သလို၊
တစ်ချို့ကျတော့လည်း လမ်းခွဲပြီးတာနဲ့ အစားတွေချည်းဖိစားနေတာမျိုးလည်း တွေ့ဖူးပါတယ်။ ဝိတ်တက်လာရခြင်းအဓိကအကြောင်းရင်းကတော့ အိမ်မပျော်ခြင်းနဲ့ ကိုယ်လက်လှုပ်ရှားမှု သိပ်မရှိလို့ဖြစ်ပါတယ်။

လတ်တလောသွေးပူနေချိန်မှာတော့ အရမ်းငိုချင်တာတို့၊ အရက်သောက်ပြီး စိတ်ဖြေချင်
တာတို့ရှိပေမယ့် နောက်နေသားကျသွားတဲ့အခါ အရာအားလုံးကကောင်းဖို့ဖြစ်လာတယ်လို့သာတွေးလိုက်ပါ။

Gluta ဂလူတာဆေး ခဏခဏမေး

Image result for Gluta

၁။ ဆရာ အသားဖြူ ချင်လို့ ဒါတွေ သောက်လို့ရမလား။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

၂။ Dr. ဒီအသားဖြူဆေးကသောက်လို့ရမလားမသိဝူး side effect တွေရှိလောက်လား။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

၃။ ဆရာရှင့် Vistra ဆိုတဲ့အသားဖြူဆေးတွေက သောက်သုံးဖို့သင့်ပါသလားရှင့်။ သူ့ဆိုးကျိုးတွေလည်းသိချင်ပါတယ်ရှင့်။ သူငယ်ချင်းတွေကအရမ်းယုံကြည်ပြီး သောက်သုံးနေကြလို့ပါ။ ကလေးရဖို့ အနှောက်အယှက်ဖြစ်စေနိုင်သလားလဲ သိချင်ပါတယ်ရှင့်။ တကယ်ရောအသားဖြူလာစေပါသလား။ သမီးဓာတ်ပုံနဲ့တွဲပြီးတင်ပေးလိုက်ပါတယ်နော်။ ဆရာအားတဲ့အခါ သမီးကိုပြန်ဖြေထားပေးပါနော်။

မေးတဲ့သူ အသက် မသိ။ အခြေခံအချက်အလက်တွေ မသိ။

၎။ ကျွန်တော့် သူငယ်ချင်းတယောက်ပါ။ အသက်က ၁၈ Female ပါ။ သူက L-Glutathione ဆေးကို အသားဖြုချင်လို့ သောက်ချင်ပါတယ်တဲ့။ ဒါကြောင့် Glutathione နဲ့ပတ်သက်ပြီးတော့ သောက်သင့်မသောက်ရယ် ကောင်းကျိုး ဆိုးကျိုးလေးတွေရယ် ဖြေကြားပေးပါခင်ဗျ။ နောက်ပြီး L-Glutathione က male မှာရော သောက်လို့ ရမရပါ သိချင်ပါတယ်။ အသားအရေအတွက်ကောင်းတယ်ဆိုတာရော ဟုတ်ပါသလားခင်ဗျ။

၅။ GLUTA ပါတဲ့ အသားဖြူဆေးတွေကရော ဘာ side effect တွေ ရှိနိုင်မလဲဆရာ။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

၆။ ယခုမြန်မာပြည်မှာ ခေတ်စားနေတာ အသားဖြူဆေးတဲ့။ အကြောထဲထိုးပေးပါတယ်။ ဘယ်လိုဆေးမျိုးလည်း၊ အန္တရာယ် ရှိနိုင်လား၊ ဘယ်လိုဘေးထွက်ဆိုးကျိုးတွေရှိနိုင်ပါလဲ။ ဘယ်လိုရောဂါမျိုးရှိနေသူတွေ မထိုးသင့်ဘူးလဲဆရာ။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

ကြော်ငြာဆေး မကြာမကြာမေးကြတယ်။ ဆေးရောင်းတာက အလွန်ကြီးမားလှတဲ့စီးပွါးရေးဖြစ်တယ်။ ဆရာဝန်အနေနဲ့ အဖြေရခက်တယ်။ သူများစီးပွါးရေးကိုလည်း မထိခိုက်စေချင်ပါ။ အသားဖြူဆေး၊ ပိန်ဆေး၊ အရပ်ရှည်ဆေးမှန်သမျှ ကြော်ငြာဆေးတွေသာဖြစ်ပါတယ်။

ဆေးဝါးဗေဒအရပြောရရင် Glutathione ဆေးဟာ အင်တီအောက်ဆီဒင့်ဖြစ်တယ်။ (ဆဲလ်) တွေမပျက်စီးအောင် လုပ်ပေးတယ်။ ကြော်ငြာတွေထဲမှာ Cancer, HIV/AIDS တွေအပြင် အနာရင်းတာ၊ အနာဒဏ်ရာ၊ မီးလောင်နာ စတာတွေကိုပေးတယ်။ ရေတိမ်၊ အတွင်းတိမ်၊ နုပျိုဆေး၊ ပန်းနာ၊ နှလုံးရောဂါ၊ ကိုလက်စထောများတာ၊ အသည်းရောဂါ၊ အားနည်းတာ၊ အရိုးနာတွေမှာလည်း သုံးကြတယ်။ တခြားအတွက်တွေလည်း ကြော်ငြာတာတွေ ရှိသေးတယ်။ ဘေးထွက်ဆိုးကျိုး စိတ်ချရတယ်လို့ဆိုတယ်။ ကိုယ်ဝန်နဲ့နို့တိုက်ချိန်ကိုတော့ မသင့်ပါ။

နောက်တခုဖြစ်တဲ့ Skin Whitening Injection အသားဖြူဆေး ကြော်ငြာ ဝဘ်ဆိုက်မှာပါတာကိုသာ အရင်ရေးပါမယ်။ အကျိုးကျေးဇူးများ = သွေးပြန်ကြောထဲသွင်းပေးလျှင် အသားဖြူလာမယ်။ Vitamin C နဲ့ Glutathione ရောထားတယ်။ နောက်ထပ်လဲ အင်နာဂျီရမယ်။ ခုခံအားပိုကောင်းမယ်။ (ဒီအချက်က ဗီတာမင်စီ ကြောင့်ပြောတာပါ။) အသားအရေ ဖြူလာစေတာသာမက အမာရွတ်ထင်လို့ အရောင်ရင့်နေတာလဲစက်သာစေမယ်။ ဆေးသွင်းရတာ ၁ နာရီခွဲကနေ ၄ နာရီအထိကြာနိုင်လို့ ဆေးထိုးနေရင်း အိပ်တဲ့လူနာတွေရှိတယ်။

ဘေးထွက်ဆိုးကျိုးတွေ = ဆေးထိုးတာနာမယ်။ သွေးယိုတာရှိမယ်။ သွေးခြည်ဥမယ်။ ပိုးဝင်နိုင်တယ်။ အမာရွတ်ထင်မယ်။ ဆေးထိုးပြီးရင် နေရောင်နဲ့ မထိအောင် ရှောင်သင့်တယ်။ ကျောက်ကပ်မကောင်းသူနဲ့ အသည်းမကောင်းသူတွေ မထိုးသင့်ပါ။

Glutathione ဂလူတာသိုင်အုန်းဆိုတာ လူတွေစားသုံးနေတဲ့ အသား၊ အသီးတွေနဲ့ ဟင်းသီးဟင်းရွက်တွေထဲမှာပါတယ်။ gluta C, gluta white, glutathione, gluta 100000, glutamate, gluta power, gluta tren, gluta pearl, gluta injection ကြော်ငြာဆေးဖြစ်တယ်။ သောက်ဆေးလည်းရှိတယ်။ မျက်စိအတွင်းတိမ်၊ ရေတိမ်ကိုလဲပေးတယ်။ ဇရာကို သက်သာစေတယ်လို့လဲ ယူဆကြတယ်။ အရက်နာကိုလဲပေးတယ်။ ကင်ဆာ၊ နှလုံးရောဂါ၊ အသည်းရောင်၊ မှတ်ဉာဏ်နည်းတာ၊ အဇာမိုင်းယားရောဂါ၊ အဆစ်အအရိုးနာ၊ ပါကင်ဆန်ရောဂါ။ အဲတာတွေအကုန် ကြော်ငြာထဲမှာတော့ ပျောက်ပါသတဲ့။

ကြော်ငြာဆေးတွေသာဖြစ်လို့ ဆရာဝန်တွေကမသုံးပါ။ အကျိုးဘယ်လောက်များလို့ ဘယ်လောက်ထိရောက်သလဲ စနစ်ကျတဲ့လေ့လာမှုတွေ မစုံလင်သေးပါ။ ဘေးထွက်ဆိုးကျိုး သုတေသနမရှိပါ။ လူကြီးမင်းတို့သဘောပါ။

 

ဒေါက်တာတင့်ဆွေ
၂၆-၇-၂ဝ၁၇

H1N1 ရာသီတုပ်ကွေးပျံ့နှံ့မှု တိုင်းနဲ့ပြည်နယ်လေးခုမှာ အထူးစောင့်ကြည့်

မြန်မာနိုင်ငံမှာ လတ်တလော ဖြစ်ပွားနေတဲ့ H1N1 ရာသီတုပ်ကွေး ကူးစက်ရောဂါကိုကာကွယ်ထိန်းချုပ်နိုင်ရေးအတွက် ကျန်းမာရေး ဦးစီးဌာနက ချင်းပြည်နယ် အပါအဝင်၊ ရန်ကုန်၊ ပဲခူး၊ ဧရာဝတီတိုင်းတွေကို အထူးစောင့်ကြပ် ကြည့်ရှုနေတယ်လို့ ကျန်းမာရေးနဲ့ အားကစား ဝန်ကြီးဌာန တာဝန်ရှိသူတဦးက ပြောပါတယ်။ ဘယ်ဒေသတွေကို အဓိကထား စောင့်ကြည့်နေပါသလဲလို့ VOA ၀ိုင်းတော်သား ကိုဉာဏ်ဝင်းအောင်က မေးမြန်းရာမှာ ကျန်းမာရေးနဲ့ အားကစားဝန်ကြီးဌာန ပြည်သူ့ကျန်းမာရေး ဦးစီးဌာန ဒုညွှန်/ချုပ် ဒေါက်တာ သန်းထွန်းအောင်က ခုလို စတင်ဖြေကြားပါတယ်။

ဒေါက်တာ သန်းထွန်းအောင်။ ။အဓိကတော့ စဖြစ်တုန်းကတော့ ချင်းပြည်နယ်မှာ စဖြစ်တယ်ပေါ့နော် အခုလောလောဆယ် ရန်ကုန်တိုင်းဒေသကြီးက အရေးကြီးပါတယ်ခင်ဗျာ။ ကျနော်တို့ ဦးစားပေးဆောင်ရွက်နေပါတယ်။ နောက်တခုအရေးကြီးတာက ဧရာဝတီတိုင်း၊ ပဲခူးတိုင်းပါခင်ဗျ။ စုစုပေါင်း အရေးကြီးတဲ့ တိုင်းနဲ့ ပြည်နယ် ၄ ခုပါ။

ကိုဉာဏ်ဝင်းအောင် ။ ။ပထမဦးဆုံးစဖြစ်တဲ့ ချင်းပြည်နယ် မတူပီမြို့မှာ ဓါတ်ခွဲခန်းအတည်ပြုချက်အရ လူနာ ၁၀ ဦးပေါ့နော် ဆရာတို့ဘယ်လိုများဆက်ပြီးတော့ လုပ်ထားပါသလဲ။

ဒေါက်တာ သန်းထွန်းအောင်။ ။ ချင်းပြည်နယ် ၁၀ ဦးက အားလုံးကောင်းတယ်။ ဒါပေမယ့် ဆုံးသွားတဲ့ ကလေးကတော့ H1N1 ပိုးမတွေ့ဘူး။

ကိုဉာဏ်ဝင်းအောင် ။ ။ ဟုတ်ကဲ့ ဆရာတို့ ကူးစက်ရောဂါတိုက်ဖျက်ရေး အနေနဲ့ကပေါ့လေ ၊ လူနာတွေရဲ့ ရောဂါလက္ခဏာအခြေအနေ စောင့်ကြည့်အတည်ပြုတဲ့အဆင့်နဲ့ Lab confirmation ဓါတ်ခွဲခန်းတွေမှာ စမ်းသပ်စစ်ဆေးအတည်ပြုတဲ့အနေအထားပေါ့ ဘယ်လိုတွေ ဆောင်ရွက်နေပါသလဲ။

ဒေါက်တာ သန်းထွန်းအောင်။ ။ အခု ကျနော်တို့ကလေ Community base ရှိတယ် ၊ Hospital Base ၂ ခုရှိပါတယ်။ ဓါတ်ခွဲစစ်ဆေးတဲ့အခါမှာလေ Community base ဆိုတာက Community ထဲမှာဆိုတာက ရပ်ကွက်တွေ၊ ကျေးရွာတွေ မှာ နှာဆေးခေါင်းဆိုးပြီးတော့ တုပ်ကွေးနဲ့ ဆက်စပ်တဲ့ လူနာတွေဆိုရင် ကျနော်တို့က သက်ဆိုင်ရာ မြို့နယ် ကျန်းမာရေးဌာနဦးစီးဌာန ကနေ ပြီးတော့မှ သတင်းပို့တဲ့စနစ်ရှိပါတယ်။ သတင်းရရင် သက်ဆိုင်ရာ မြို့နယ် ကျန်းမာရေးဌာနဦးစီးဌာန ကနေ တိုင်းဒေသကြီး ပြည်နယ်ကျန်းမာရေးဌာနဦးစီးဌာန ကနေ သွားပြီးတော့ Rapid response Team ဆိုပြီးတော့ လွှတ်လိုက်ပါတယ်။ လွှတ်ပြီးရင်သူက သွားပြီးတော့ စစ်ဆေးပေးရပါတယ်။ စစ်ဆေးပြီးမှ ဓါတ်ခွဲနမူနာယူတာ ရှိပါတယ်။ နောက်တခုက Hospital Baseပေါ့ ဆေးရုံမှာဖြစ်တဲ့အခါမှာလည်း ဖျားနာပြီးတော့ ချောင်းဆိုးတယ် ဘာညာဆိုရင် ကျနော်တို့က ဆေးရုံကနေ သက်ဆိုင်ရာ ဆရာဝန်ကနေ ရာသီတုပ်ကွေးတွေဖြစ်နေမလား ဆိုပြီးတော့ ကြည့်ပြီးတော့ ဓါတ်ခွဲနမူနာယူတာတွေရှိပါတယ်။

ကိုဉာဏ်ဝင်းအောင် ။ ။ ကျနော်တို့ သတိထားမိတာက အရင်တုန်းကဆိုရင်လည်း ဒီကူးစက်မြန်ရောဂါတခုခုကို ကြုံလာရတဲ့ အခါမျိုးမှာ မြန်မာနိုင်ငံကို ၀င်ပေါက်တွေဖြစ်တဲ့ လေဆိပ်တို့၊ သဘောင်္ဆိပ်တို့လိုနေရာမျိုးမှာ စောင့်ကြည့်စစ်ဆေးမှုတွေ ရှိပါတယ်။ ဒီတခေါက်မှာရော ဘယ်နေရာတွေမှာ ဘယ်လိုဆောင်ရွက်ထားတာရှိပါသလဲ။

ဒေါက်တာ သန်းထွန်းအောင်။ ။ အခုကျနေ်ာတို့ဒီ airport entry ၀င်ပေါက်၊ထွက်ပေါက်တွေပေါ့နော် အရင်တုန်းကတော့ ကိုယ့်ဆီကို ၀င်လာတဲ့လူတွေကို စစ်ဆေးနေရပါတယ်။ ဒီတခါကျတော့ ကိုယ့်နိုင်ငံက ထွက်မယ့်လူတွေကိုလည်း စစ်ဆေးပေးပါတယ်။ အဲဒါကတော့ လေဆိပ်ထွက်ပေါက်တွေ၊ ရေဆိပ်ထွက်ပေါက်တွေ ၊ ကားလမ်းထွက်ပေါက်တွေ မြေပြင်ဖြတ်လမ်းတွေမှာလည်း ကျနော်တို့ ကျန်းမာရေး ၀န်ထမ်းတွေက ကျနော်တို့ ထွက်မယ့်လူတွေကိုလည်း အဖျားရှိမရှိစစ်ဆေးပါတယ်။ ရှိတယ်ဆိုရင်တော့ ကျနော်တို့က တုပ်ကွေးလားဆိုပြီးတော့ ကျနော်တို့က အပြင်ကို မထွက်နဲ့ ဦး ၊ ဒီလိုမျိုးလုပ်နေပါတယ်ခင်ဗျ။

ကိုဉာဏ်ဝင်းအောင် ။ ။ နောက်တခုက လူနာတွေရဲ့ရောဂါကို အတည်ပြုနိုင်ဖို့ ဓါတ်ခွဲခန်းတွေလည်း အလုံအလောက် ပြင်ဆင်ထားနိုင်ပါရဲ့လားခင်ဗျ။

ဒေါက်တာ သန်းထွန်းအောင်။ ။ဟုတ်ကဲ့အဓိကတော့ ကျနော်တို့က ပြည်သူ့ကျန်းမာရေးဌာန ရန်ကုန်မှာရှိပါတယ်။ National Health laboratory လို့ခေါ်ပါတယ်။ ဒီတုပ်ကွေးကို စစ်ဆေးတာလေ။ အဲဒီမှာပဲ အဓိကလုပ်ပါတယ်။ ဆိုတော့ ပြင်ပ laboratory မသုံးဘူး ၊ ဆေးရုံကြီး ဓါတ်ခွဲခန်း တွေမှာမသုံးဘူး။ နှာခေါင်း ထဲကနေ နမှုနာအစ ကိုယူပါတယ်။ ရန်ကုန်မှာရှိတဲ့ National Health laboratory မှာပဲ စစ်ပါတယ်ခင်ဗျ။ လောလောဆည်အနေအထားကတော့ လုံလောက်မှုတွေတော့ရှိပါတယ်။

ကိုဉာဏ်ဝင်းအောင် ။ ။အကယ်၍ H1N1 ကူးစက်ရောဂါတကယ်တွေ့လာရင် လူနာတွေကို ကုသဖို့အတွက် လိုအပ်တဲ့ဆေးဝါးနဲ့ ရောဂါကာကွယ်ရေးပစ္စည်းတွေရော ဆရာတို့ဆီမှာ အလုံအလောက်ရှိပါသလား။

ဒေါက်တာ သန်းထွန်းအောင်။ ။ Tamiflu တို့ ဘာတို့ ရှိသော်လည်း ၄၈ နာရီအတွင်း ကုသမှထိရောက်မယ်။ ၄၈ နာရီကျော်သွားရင် မထိရောက်ဘူး။ အထူးကု ဆရာဝန်ကြီးတွေ က antiviral drug ကို သိပ်အားမကိုးဘူး။ အဓိက အသက်ရှု အားကူတဲ့ ကိရိယာတွေလိုတယ်။ နောက် ICU equipment တွေလိုတယ်။ Intensive ကြပ်မက်ကုသတဲ့ ဆေးပစ္စည်းကိရိယာတွေ လိုတယ်။ နောက်တခုက ကုသမယ့် ကျန်းမာရေးဝန်ထမ်းတွေအတွက် လိုအပ်တဲ့ ကာကွယ်ရေးပစ္စည်းက mask တွေ၊ တဦးချင်းအကာအကွယ်ယူဖို့ ပစ္စည်းတွေ၊ anti septic တွေ အပြည့်အစုံ ရှိရပါမယ်။

ကိုဉာဏ်ဝင်းအောင် ။ ။ဟုတ်ကဲ့ ဒေါက်တာ သန်းထွန်းအောင် ကျေးဇူးအများကြီးတင်ပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com

သေဒဏ်ကျ မြန်မာ ၂ ဦးက အစိုးရကို မေတ္တာရပ်ခံ

သေဒဏ်ချမှတ်ခံထားရတဲ့ မြန်မာနိုင်ငံသား ၂ ဦး လွတ်မြောက်ဖို့ မတ်လ ၄ နေ့က ရန်ကုန်မြို့ မြို့တော်ခန်းမရှေ့မှာ ဆန္ဒပြတောင်းဆိုကြစဉ်။ Photo : Aung Thain Kha/RFA

ထိုင်းနုိုင်ငံတောင်ပိုင်းက လိပ်ကျွန်းမှာ ဗြိတိန်နိုင်ငံသားနှစ်ဦး အသတ်ခံရမှုနဲ့ သေဒဏ်ချမှတ်ခံထားရ တဲ့ မြန်မာနိုင်ငံသား ၂ ယောက်က မိသားစုဝင်တွေနဲ့ ဇူလိုင်လ ၂၆ ရက်နေ့က တွေ့ဆုံရာမှာ အခု နောက်ဆုံး အယူခံနဲ့ ပတ်သက်ပြီး နိုင်ငံတော်အစိုးရနဲ့ ရှေ့နေတွေက အတတ်နိုင်ဆုံးကူညီဖို့ မေတ္တာရပ်ခံလိုက်ပါတယ်။

ထိုင်းနိုင်ငံ ဘန်ကောက်မြို့အနီးက ဘန်ခွမ်ဗဟိုအကျဉ်းထောင်မှာ သေဒဏ်ချမှတ်ခံထားရတဲ့ မြန်မာနုိုင်ငံသား ဝင်းဇော်ထွန်း နဲ့ ဇော်လင်း တို့ကို သူတို့ရဲ့ မိခင်တွေ မနေ့က သွားရောက်တွေ့ဆုံရာမှာ လိုက်ပါသွားခဲ့တဲ့ အိမ်နီးချင်း ဦးကျော်အေးမောင် က RFA ကို ခုလို ပြောပါတယ်။

“ဇော်လင်း ပြောတာကတော့ အမှုနဲ့ပတ်သက်ပြီး ရှေ့နေတွေကို သူပြောလိုက်တာကတော့ အရင် နှစ်ကြိမ် သူတို့ကို သေဒဏ် အတည်ပြုထားပြီးပြီ ဒါက နောက်ဆုံး အမြင့်ဆုံး တရားရုံးကို တက်မှာဆိုတော့ အချိန်ယူပြီးမှ အကောင်းဆုံးဖြစ်အောင် အကူအညီပေးဖို့၊ နိုင်ငံတော် အစိုးရအနေနဲ့ကလည်း အတတ်နိုင်ဆုံးအကူအညီပေးဖို့ မေတ္တာရပ်ခံအပ်ပါတယ် ဆုိုပြီးတော့ အဲ့လိုမှာလိုက်ပါတယ်။”

မြန်မာနိုင်ငံသား ၂ ဦးကို ထိုင်းနုိုင်ငံ တောင်ပိုင်း ကော့စမွေတရားရုံးကနေ ၂၀၁၅ ခုနှစ် ဒီဇင်ဘာလ ၂၄ ရက်နေ့က သေဒဏ်ချမှတ်ခဲ့ပြီး တရားခံရှေ့နေတွေက နှစ်ကြိမ် အယူခံတင်ခဲ့ရာမှာ ပယ်ချခံခဲ့ရပါတယ်။ အခုနောက်ဆုံး အယူခံတင်ရမယ့်ရက်ကို တရားရုံးက လာမည့် သြဂုတ်လ ၂၁ ရက်နေ့အထိ ရက်ထပ် တိုးပေးခဲ့ပါတယ်။

ဒီအမှုကို လိုက်ပါဆောင်ရွက်ပေးနေတဲ့ ထုိုင်းရှေ့နေများကောင်စီနဲ့ မြန်မာရှေ့နေတွေက အပြီးသတ်ပြင်ဆင်မှုတွေ လုပ်ဆောင်နေပြီလို့ မြန်မာသံရုံး အထူးကိုယ်စားလှယ်အဖွဲ့ဝင် ရှေ့နေ ဦးအောင်မျိုးသန့် ကပြောပါတယ်။

RFA Burmese
http://www.rfa.org/burmese

သံလွင် မော်တော်ယာဉ်လိုင်းမှ ယာဉ်တစ်စီး တိမ်းမှောက်

၂၀၁၇ ခုနှစ် ဇူလိုင်လ (၂၇)ရက်နေ့ နံနက်လင်းအားကြီး ၀၀း၁၅ နာရီ အချိန်ခန့်တွင် ၊ ကျိုင်းတုံ-မိုင်းဖြတ်-တာချီလိတ် ပြည်ထောင်စုလမ်းမကြီး ၊ မိုင်းဖြတ်မြို့နယ် ၊ ဟိုနားကျေးရွာအနီး မိုင်တိုင်အမှတ် 713Km နှင့် 714 Km အကြား လမ်းအကွေ့တွင် ကျိုင်းတုံမြို့မှ တာချီလိတ်မြို့သို့ ယာဉ်မောင်း ဇော်ဇော် မောင်းနှင်လာသည့် သံလွင် မော်တော်ယာဉ်လိုင်း မှ ယာဉ်အမှတ် 8H / 8933 HICEACE (မီးခိုးရောင်) ယာဉ် သည် အရှိန် မထိန်းနိုင်ဘဲ လမ်းယာဘက်ဘေး ပေ(၂၀)ခန့်ရှိသော ချောက်အတွင်း သို့ ထိုးကျ တိမ်းမှောက်သွားခဲ့ကြောင်း သတင်းရရှိသည်။

ယင်းမော်တော်ယာဉ်တွင် ခရီးသည် (၅)ဦးလိုက်ပါလာသည့် အနက် အောက်ပါ ခရီးသည် (၃)ဦးမှာ ဒါဏ်ရာများ အသီးသီး ရရှိခဲ့ကြောင်းသိရှိရသည်-
(၁) ဒေါ်ခင်မျိုးသစ် (၅၃)နှစ် (အဘ- ဦးခင်မောင်) ၊ မိုင်းကိုးအုပ်စု ၊ တာချီလိတ်မြို့နယ်
(၂) ဒေါ်လှလှဝင်း (၃၆)နှစ် (အဘ- ဦးစံသိန်း) စိန်ပန်းရပ်ကွက် ၊ တောင်ကြီးမြို့
(၃) မောင်ရှိုင်းမောင်မောင် (၂၂)နှစ် (အဘ -ဦးစိန်တင်) (၁၃/ကလန-နိုင်-၁၂၇၁၃၈)

အဆိုပါ မော်တော်ယာဉ် အား ပြန်လည် ဆယ်တင်ရေးနှင့် ဒဏ်ရာရရှိသူများအား ပြည်သူ့ဆေးရုံသို့ ပို့ဆောင်ရေးတို့အတွက် မိုင်းဖြတ်မြို့နယ် အထွေထွေအုပ်ချုပ်ရေးဦးစီးဌာန နှင့် ဌာနဆိုင်ရာများ ၊ လူမှုရေးအသင်းအဖွဲ့များမှ ကူညီဆောင်ရွက်ပေးလျက်ရှိပြီး၊ ယာဉ်အား မဆင်မခြင် မောင်းနှင်သူ ဇော်ဇော် (၄၅)နှစ် (အဘ- ဦးကျော်သစ် ) ၁၃/ကတန(နိုင်)၀၀၀၂၄၃ ၊ပအို့ဝ်/ဗုဒ္ဓ ၊ကျောင်းကြီးစုရပ်၊ တောင်ကြီးမြို့ နေသူ အား မိုင်းဖြတ်မြို့မရဲစခန်းမှ ယာဉ် (ပ) ၁၉/၂၀၁၇ ၊ ရာဇသတ်ကြီးဥပဒေ ပုဒ်မ ၂၇၉/၃၃ရ အရ အမှုဖွင့်လှစ် အရေးယူ ဆောင်ရွက်လျက်ရှိကြောင်း သတင်းရရှိသည်။

(ဓါတ်ပုံ – မိုင်းဖြတ် ထွေ/အုပ်)
တာချီလိတ်ခရိုင် အထွေထွေအုပ်ချုပ်ရေးဦးစီးဌာန https://www.facebook.com/TachileikDistrictGAD

သူငယ်ချင်းတွေနဲ့အဆင်မပြေတဲ့အခါ ဘာလုပ်သင့်လဲ

တစ်ခါတစ်လေ သူငယ်ချင်းဆိုတာ စိတ်ပြောင်းလဲလွယ်သလို သစ္စာဖောက်ပြီး သင့်ကိုအောက်ဆုံးထိဆွဲချနိုင်ပါတယ်။ ဒါက သူငယ်ချင်းအမည်ခံ စိတ်ကောင်းမရှိတဲ့လူမျိုးတွေကိုပြောတာပါ။ သူငယ်ချင်းကောင်းဆိုတာရဖို့တကယ်ခက်ပါတယ်။နေရာအသစ်ရောက်တဲ့အခါ စိတ်တူ ကိုယ်တူလူမျိုးတွေ့ဖို့ မလွယ်ပါဘူး။ဒီလိုလူမျိုးရှားတယ်ဆိုလို့ သူငယ်ချင်းမထားတော့ဘူးလို့လည်းမဟုတ်ပါဘူး။ အပေါင်းသင်းမိတ်ဆွေမရှိတဲ့အခါ အထီးကျန်ပြီး စိတ်ဓာတ်တွေကျနိုင်ပါတယ်။ လူရယ်လို့ဖြစ်လာတည်းက အသိုင်းအဝိုင်းပတ်ဝန်းကျင်ဆိုတာ ကိုယ်စီမှာရှိပြီးသားပါပဲ။အပြန်လည်မှီခိုအားထားရတာမျိုးတွေ၊ တစ်ယောက်အကြောင်း တစ်ယောက်ရင်ဖွင့်ပြီးစိတ်ပူပန်မှုတွေလျော့ချပေးနိုင်တဲ့လူမျိုးတွေရှိမှလည်း လူဖြစ်ရတာ ပျော်ဖို့ကောင်းမှာပေါ့။သူငယ်ချင်းထားတယ်ဆိုတာ ခရီးသွားရသလိုပဲ။ ဒီနေရာမှာ ဒီလူနဲ့ဆုံပြီး ရေစက်ကုန်ရင်ခွဲခွာကြရမှာပါ။ အရာရာတိုင်းက မတည်မြဲပါဘူး။

၁).အရာအားလုံးက ခေတ္တယာယီမျှသာလို့သဘောထားပါ။ ဒီသူငယ်ချင်းမရှိရင်မဖြစ်ဘူးလို့ ဘယ်သူပြောလဲ။ဘာအကြောင်းကြောင့်ပဲဖြစ်ပါစေ.. ဒါတွေက ခဏပါပဲ သင့်ခေါင်းထဲမှာအမြဲမှတ်ထားလိုက်ပါ။ တစ်ဘဝလုံးနဲ့စာရင် ဒါတွေကအသေးအမွှားကိစ္စတွေလို့ သတ်မှတ်နိုင်ရမယ်။ တစ်ခါတစ်လေ အထီးကျန်တဲ့ခံစားချက်မျိုးကို လူတိုင်းခံစားဖူးကြပါတယ်။ ကိုယ့်ဘဝထဲကို ခဏလေးလာပြီး ပြန်ထွက်သွားကြတဲ့လူတွေလည်းရှိသလို… တကယ်မိတ်ဆွေကောင်းအဖြစ်ကျန်ရစ်နေတဲ့ လူမျိုးတွေလည်း ရှိပါတယ်။နေ့တိုင်း ကိုယ့်ရဲ့ခံစားချက်တွေဖွင့်ထုတ်ဖို့ ဒိုင်ယာရီလေးတစ်အုပ်ဆောင်ထားပါ။သူငယ်ချင်းတွေနဲ့ပတ်သတ်ပြီး စိတ်ထဲဘဝင်ကျတာတို့၊ ဝမ်းနည်းတာမျိုးအတွက် ဒိုင်ယာရီရေးခြင်းကအများကြီးစိတ်သက်သာစေပါတယ်။

၂.)တစ်ခုခုပေါ်စိတ်နှစ်ထားခြင်းက ရှုပ်ထွေးနေတဲ့စိတ်တွေကိုပျောက်စေပါတယ်။တစ်ခုခုဆိုတာက ကိုယ့်ဝါသနာပါရာအလုပ်တစ်ခုဖြစ်ဖို့လိုပါတယ်။ ဗဟုသုတအသစ်တွေကိုလေ့လာခြင်း ၊ကွန်ပျုတာပရိဂရမ်အသစ်တွေရေးဆွဲတာ၊ ပန်းစိုက်တာ၊ ဘာသာစကားအသစ်တစ်ခုသင်တာ ၊ဂစ်တာတီးခြင်း စသဖြင့်ပေါ့။ စိတ်ညစ်စရာတွေကိုထိုင်တွေးနေမယ့်အစား ဒီလိုအချိန်တွေကိုကုန်ဆုံးလိုက်တာက ပိုအကျိုးရှိပါတယ်။

၃.)လူတွေနဲ့ထိတွေ့ဆက်ဆံရမယ့် အလုပ်မျိုးကိုရွေးချယ်ပါ။ အိမ်မှာထိုင်နေပြီးတော့ သူငယ်ချင်းမရှိဘူးလို့ အော်နေလို့မရပါဘူး။ အပြင်ထွက်ရင် သင့်လိုပဲ စိတ်တူကိုယ်တူဖြစ်နိုင်လောက်မယ့်လူမျိုးတွေကိုတွေ့လာရပါလိမ့်မယ်။ ၀ါသနာပါရာ အားကစားတစ်ခုခုလုပ်တာ၊ ညဘက်ကလပ်သွားတာ၊ စေတနာ့ဝန်ထမ်းလုပ်ပေးတာမျိုးဆို လူအများစုနဲ့ပေါင်းသင်းဆက်ဆံရပါလိမ့်မယ်။ ဒီလိုလျှောက်သွားရင်း ကြုံတွေ့ရတဲ့လူတွေက သင်နေ့စဉ် ကျောင်းနဲ့အလုပ်မှာကြုံတွေ့နေရတဲ့လူတွေနဲ့မတူပါဘူး။ကိုယ်နဲ့ စရိုက်တူ၊ဝါသနာတူတဲ့လူမျိုး..၊ နောက် ကိုယ့်ရဲ့အတွေးမြင်တွေကိုပြောင်းလဲပေးနိုင်တဲ့လူမျိုးတွေနဲ့ တွေ့ချင်တွေ့သွားနိုင်ပါတယ်။

၎.)ကိုယ်ဘယ်နေရာပဲရောက်ရောက်၊ ဘာပဲလုပ်လုပ် အခြားလူတွေနဲ့ဆက်ဆံပေါင်းသင်းရတဲ့အခါရင်းနှီးနွေးထွေးစွာနေပါ။ ရည်ရည်မွန်မွန်ရှိပါ။ အမြဲတမ်းပြုံးပျော်ရွှင်နေပါ။ တွေ့တာနဲ့ပြုံးပြီးခေါင်းညိတ်ပြခြင်းက တစ်ဖက်သားအပေါ်အလေးနက်ထားရာရောက်ပါတယ်။ယဉ်ကျေးပျုငှာပြီး ရင်းနှီးစွာနေခြင်းက ဆွဲဆောင်မှုတစ်မျိုးပါပဲ။သင်ဟာ ရှက်တတ်တဲ့လြူုဖစ်ကောင်းဖြစ်လိမ့်မယ်။ သင့်ရဲ့အပြုံးတွေနဲ့အကာကွယ်ယူထားပါ။လူတွေအများကြီးနဲ့စကားလိုက်ပြောရမယ်လို့တော့မဟုတ်ပေမယ့် ကိုယ်တွေ့တဲ့လူနဲ့ စကားပြောတဲ့အခါကိုယ့်ဘက်က စိတ်ဝင်စားကြောင်းပြပါ။

၅.)ခရီးထွက်ပါ။ အခြားနေရာတွေသွားခြင်းဖြင့် ကိုယ့်ကိုကိုယ်ဘယ်သူလဲဆိုတာ ရှာဖွေကြည့်ပါ။ခရီးသွားရင် လူသစ်တွေနဲ့ပေါင်းသင်းဆက်ဆံရမယ်။ ကိုယ်တစ်ခါမှ မတွေ့ဖူး မကြုံဖူးတဲ့အရာတွေနဲ့လည်း ထိတွေ့ခွင့်ရမယ်။ သင်ကိုယ်တိုင်က ရင်းနှီးလွယ်ရင်လူတိုင်းကလည်း သင့်ကိုအချိန်ခဏတွင်း ရင်းနှီးကြသွားမှာပါ။မွေးရာပါ ရင်းနှီးလွယ်တဲ့လူတွေသင့်ကို စကားပြောတဲ့အခါ မကြောက်ပါနဲ့။ စိတ်အေးအေးထားပြီးသာ ပြောစရာရှိတာပြောပါ။သူလည်းလူ ကိုယ်လည်းလူပါပဲ။

Latest News For You