မော်တော်ယာဉ်ဖြင့် သင်္ကြန်ရေကစားထွက်စဉ် ယာဉ်ပေါ်မှ လူသုံးဦး ပြုတ်ကျ၊ တစ်ဦးသေဆုံး

မကွေးတိုင်းဒေသကြီး တောင်တွင်းကြီးမြို့နယ် တောင်ပြင်(၂)ရပ်ကွက် ဆက်သွယ်ရေးရုံးရှေ့၌ ဧပြီ ၁၄ ရက် နံနက် ၁၁ နာရီ မိနစ် ၂ဝ က သင်္ကြန် ရေကစားထွက်သည့် ယာဉ်ပေါ်မှ လူသုံးဦး ပြုတ်ကျပြီး တစ်ဦးသေဆုံးမှု ဖြစ်ပွားခဲ့သည်။ြ

ဖစ်စဉ်မှာ ရွှေကြာအင်း(၂)ရပ်ကွက်မှ တောင်ပြင်(၂)ရပ်ကွက်ဘက်သို့ သင်္ကြန်ရေကစားရန် လည်ပတ်နေသည့် ယာဉ်မောင်း လှိုင်မင်းစိုး(၃ဝ နှစ်)ပြည့်ညင်ကျေးရွာနေသူ မောင်းနှင်သည့်2H/—- ယာဉ်နောက်ခန်းမှ လိုက်ပါ လာသူ ၃ဝ တို့က ကခုန်နေကြစဉ် ယာဉ်နောက်ခန်း ဝဲဘက်ခြမ်း သံချောင်း ကျိုး၍ ကျော်ကျော်(၃၆ နှစ်) ပြည့်ညင်ကျေးရွာနေသူ ပြုတ်ကျသည်ကို တစ်ရွာတည်းနေ ဇော်လွင်ဦး(၁၇ နှစ်)နှင့် ချစ်မျိုးဇော် (၁၈ နှစ်)တို့က လှမ်းဆွဲ ရာ သုံးဦးစလုံး ဝဲဘက်ခြမ်းသို့ ပြုတ်ကျကာ ကျော်ကျော်တွင် ဒဏ်ရာရရှိကာ အခင်းဖြစ်နေရာ၌ သေဆုံးခဲ့ပြီး ဇော်လွင်ဦးနှင့် ချစ်မျိုးဇော်တို့တွင် ဒဏ်ရာ များ ရရှိခဲ့သည်။

အဆိုပါ ဖြစ်စဉ်အား ယာဉ်/စည်း ရဲတပ်ကြပ်ကြီးရဲဝင်းနှင့်အဖွဲ့က အခင်းဖြစ်နေရာသို့ သွားရောက်စစ်ဆေးပြီး ယာဉ်မဆင်မခြင်မောင်းနှင်သူ လှိုင်မင်းစိုးကို ဥပဒေအရအရေးယူပေးရန် ရဲတပ်ကြပ်ကြီးရဲဝင်းက တရားလိုပြုတိုင်တန်းသဖြင့် မြို့မရဲစခန်းက အမှုဖွင့်စစ်ဆေးလျက်ရှိကြောင်း သိရသည်။

အမြန်လမ်းမကြီး ၁၂၈ မိုင်အနီးတွင် ဘုရားဖူးခရီးသည် ၁၀ ဦး လိုက်ပါလာသည့် ဟိုက်ဂျက်ယာဉ်တစ်စီး တိမ်းမှောက်ကာ တစ်ဦးသေဆုံးပြီး ၉ ဦး ဒဏ်ရာရ

ပဲခူးတိုင်းဒေသကြီး အုတ်တွင်းမြို့နယ် အမြန်လမ်းမကြီး ၁၂၈ မိုင်အနီးတွင် ယနေ့ (ဧပြီ ၁၅ ရက်) အတာသင်္ကြန် ဒုတိယ အကြတ်နေ့က ဘုရားဖူးခရီး အလည်သွားရာမှာ ပြန်လာသည့် လူ ၁၀ ဦးပါ ဟိုက်ဂျက်ကားတစ်စီး ကားဘီးပေါက်ကာ အရှိန်မထိန်းနိုင်ပဲ တိမ်းမှောက်မှု ဖြစ်ပွားခဲ့ရာ တစ်ဦးသေဆုံးပြီး ၉ ဦး ထိခိုက်ဒဏ်ရာ ရရှိခဲ့ကြောင်း သိရသည်။
 “သူတို့က ဘုရားဖူးရင်း အပန်းဖြေစခန်းတွေကို သွားပြီး ပြန်လာကြတာလို့ ပြောတယ်။ စက်စဲတို့ ဘာတို့ဘက်ကိုလား မသိဘူး။ အဲဒီဘက်ကနေ ပြန်လာကြတာပဲ။ ဖြစ်တဲ့အချိန်ကတော့ နံနက် ၇ နာရီ ၄၅ မိနစ်လောက်မှာဖြစ်တာ။ ကားကတော့ ဟိုက်ဂျက်ကားလေးပေါ့။ မှောက်တာက ဘီးပေါက်ပြီး မှောက်တာ။ ဘီးပေါက်ပြီး အရှိန်ထိန်းမရတာပေါ့။ ကားရဲ့ ၀ဲဘက်နောက်ဘီး ပေါက်ပြီးမှ လမ်းရဲ့ ညာဘက်နံဘေး မြေသားပေါ်ကိုပဲ မှောက်သွားတာ။ ကားမှောက်ပြီး ဒဏ်ရာရတဲ့ သူတွေ အကုန်လုံးကို ကျွန်တော်တို့ အမြန်လမ်း ရဲစခန်းက ကားတွေနဲ့ပဲ အုတ်တွင်းဆေးရုံကို အရင်ပို့လိုက်တယ်။ နောက်ပြီး တောင်ငူဆေးရုံကိုလည်း လွှဲပို့လိုက်ရတယ်။ တစ်ယောက်ကတော့

တောင်ငူဆေးရုံရောက်တော့မှ ဆုံးသွားတယ်” ဟု ဗောဓိကုန်း အမြန်လမ်း ရဲစခန်းမှ တာဝန်ရှိသူ တစ်ဦးက ပြောကြားသည်။

 အဆိုပါ ခရီးသွားယာဉ်သည် ဧပြီ ၁၅ ရက် သင်္ကြန် ဒုတိယ အကြတ်နေ့ နံနက် ၇ နာရီ ၄၅ မိနစ်ခန့်က စတင်ထွက်လာခြင်းဖြစ်ပြီး ယာဉ်ပေါ်တွင် ကျား ၅ ဦး၊ မ ၅ ဦး စုစုပေါင်း လူ ၁၀ ဦး လိုက်ပါလာခြင်းဖြစ်သည်။ ယာဉ်မောင်းဖြစ်သူ ဇော်လင်း ၃၈ နှစ်၊ တနိုင်းမြို့၊ ကချင်ပြည်နယ်နေသူက အမြန်လမ်းမကြီးအတိုင်း ရန်ကုန်မှ နေပြည်တော်ဘက်သို့ မောင်းနှင်လာစဉ် အမြန်လမ်းမကြီး ၁၂၈ မိုင် ၁ ဖာလုံအနီးသို့ အရောက်တွင်

ယာဉ်ဝဲဘက်နောက်ဘီး ပေါက်ကာ အရှိန်မထိန်းနိုင်ပဲ လမ်းမကြီး၏ ညာဘက်ဘေး မြေသားလမ်းပေါ်သို့ လဲကျတိမ်းမှောက်သွားခဲ့ခြင်းဖြစ်သည်။

 ယာဉ်တိမ်းမှောက်မှု ဖြစ်ပွားပြီး ထိခိုက်ဒဏ်ရာ ရရှိသွားသူများအား ဗောဓိကုန်း အမြန်လမ်း ရဲစခန်းမှ တာဝန်ရှိသူများက အမြန်လမ်း ရဲစခန်းကားဖြင့် နီးစပ်ရာ အုတ်တွင်းမြို့နယ် ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

ထိုသို့ ပို့ဆောင်ပြီးနောက် ဒဏ်ရာပြင်းထန်သူ အချို့အား တောင်ငူမြို့ ပြည်သူ့ဆေးရုံကြီးသို့ လွှဲပြောင်းကုသစဉ် ကိုဆန်းမင်း ၃၅ နှစ်၊ ချမ်းမြသာစည်မြို့နယ်၊ မန္တလေးတိုင်းဒေသကြီးနေသူမှာ ယာဉ်တိမ်းမှောက်မှုဖြစ်ပွားစဉ် ရရှိသော ဒဏ်ရာဖြင့် တောင်ငူဆေးရုံကြီး၌ သေဆုံးသွားခဲ့ကြောင်း သိရသည်။

 အဆိုပါ ယာဉ်တိမ်းမှောက်မှုဖြစ်စဉ်နှင့် ပတ်သက်ပြီး ယာဉ်မောင်းဖြစ်သူ ဇော်လင်းအား ဗောဓိကုန်း အမြန်လမ်း ရဲစခန်းမှ ယာဉ်(ပ) ၁၅/၂၀၁၆၊ ပြစ်မှုပုဒ်မ ၃၀၄(က)/၃၃၇/၃၃၈ တို့ဖြင့် အမှုဖွင့် အရေးယူ ဆောင်ရွက်ထားကြောင်း သိရသည်။

 “ယာဉ်မောင်းကို အမှုဖွင့်ထားတယ်။ အစကတော့ ၃၃၇/၃၃၈ နဲ့ပဲ အမှုဖွင့်ထားတာ။ ဆေးရုံရောက်မှ တစ်ယောက်သေသွားတဲ့အတွက် ပုဒ်မ ၃၀၄ (က) နဲ့ ထပ်ပြီး အမှုပြောင်း ဖွင့်လိုက်ရတယ်။ ဒဏ်ရာရတဲ့ သူတွေထဲမှာ ကျန်တဲ့သူတွေကတော့ အခြေအနေကောင်းတယ်။ အဲထဲက အမျိုးသမီး တစ်ယောက်ကတော့ ကျွန်တော်လည်း သိပ်မပြောတတ်ဘူး။ သူ့ကိုလည်းေ တာင်ငူဆေးရုံကြီးကိုပဲ ပို့ထားရတယ်” ဟု ဗောဓိကုန်း အမြန်လမ်း ရဲစခန်းမှ တာဝန်ရှိသူက ဆက်လက်ပြောကြားသည်။

Writer: ဇော်ဝင်းချစ် (တောင်ငူ)

ရန်ကုန်သင်္ကြန် မှုခင်းကျဆင်း

ရေကစားသူများကို စစ်ဆေးနေတဲ့ ရဲလုံခြုံရေးဝန်ထမ်းများ။ ( ဧပြီ ၁၄၊ ၂၀၁၆- သင်္ကြန်အကြတ်နေ့) သတင်းဓာတ်ပုံများ Credit to Yangon Police FB.

ရန်ကုန်မဟာသင်္ကြန်ပွဲတော်ကာလ အရင်နှစ်တွေလိုမဟုတ်ပဲ လုံခြုံရေးကောင်းမွန် လာတဲ့ အပြင် ပြည်သူတွေဘက်က ရဲတပ်ဖွဲ့နဲ့ အပြုသဘော ပူးပေါင်းပြီး စနစ်တကျ ဆောင်ရွက်လာကြောင်း ရန်ကုန်တိုင်းဒေသကြီး အာဏာပိုင်တွေ ကပြောပါတယ်။ ဒါ့အပြင် ရန်ကုန်မြို့မှာ စီးပွားဖြစ် ရေကစား မဏ္ဍပ်ကြီးတွေ ပိတ်ပင်ခဲ့တဲ့အပေါ် ဝေဖန်မှုတွေရှိခဲ့ပေမဲ့မြို့နယ်၊ ရပ်ကွက် အလိုက် ရေကစား မဏ္ဍပ်တွေ၊ ဖျော်ဖြေရေးစင်တွေ အများအပြားရှိ လာတာကြောင့် ပြည်သူ အများပျော်ရွှင်စွာ ရေကစားနိုင်ကြောင်းလဲ ရန်ကုန်ဒေသခံတွေက ဆိုပါတယ်။ ဆက်သွယ်မေးမြန်းထားတဲ့ မအင်ကြင်းနိုင်က ပြောပြမှာပါ။

NLD ရန်ကုန်တိုင်းအစိုးရသစ်ကနေ ဒီနှစ်သင်္ကြန်ပွဲတော်မှာ အများပြည်သူ စိတ်လက်အေးချမ်းနဲ့ ပျော်ရွှင်မှုရစေဖို့ လုံခြုံရေးကို အရင်နှစ်တွေကထက် အဆပေါင်းများစွာ နဲ့ အထူးစောင့်ကြည့် တာဝန်ယူထားကြောင်း ပူးပေါင်းဆောင်ရွက်ရေးကော်မတီမှာ ပါဝင်နေသူ ရန်ကုန်တိုင်းလွှတ်တော် ဘဏ္ဍာရေး စီမံကိန်းနှင့် စီးပွားရေးကော်မတီ ဥက္ကဋ္ဌ ဒေါ်စန္ဒာမင်းက ဗွီအိုအေကိုပြောပါတယ်။

“ကျမတို့ ရဲလုံခြုံရေးအင်အားကို မနှစ်ကထက်လည်း အများကြီး ဖြန့်ပြီးတော့ ချထားတယ်။ နောက်ပြီးတော့ အရပ်ဝတ်သဏ္ဍာန်နဲ့လည်း မဏ္ဍပ်တိုင်း မဏ္ဍပ်တိုင်း နေရာတိုင်း ရန်ကုန်မြို့တမြို့လုံး ၊ ရန်ကုန်တိုင်း တတိုင်းလုံးပါပဲ တတ်နိုင်သလောက် အင်အားတွေကို မနှစ်ကထက် လုံခြုံရေးအင်အားကို ပိုတိုးမြှင့်ပြီး ချထားပါတယ်။ ”

ဒါအပြင် NLD အစိုးရသစ်လက်ထက် ဒီနှစ်သင်္ကြန်ကာလ ထူးခြားချက် အဖြစ် ပြည်သူတွေဘက်က ရဲတပ်ဖွဲ့နဲ့ အပြုသဘောဆောင်ပူးပေါင်းပြီး ပွဲတော်ကာလတလျှောက် စနစ်တကျဖြစ်အောင် ဆောင်ရွက်လာတယ်လို့ ရဲတပ်ဖွဲ့ဘက်က တာဝန်ရှိသူတွေကပြောပါတယ်။

ဒါနဲ့ပတ်သက်လို့ ရန်ကုန်အနောက်ပိုင်းခရိုင်ရဲတပ်ဖွဲ့မှူး ဒုတိယရဲမှူးကြီး ကျော်ထွဋ် ကလည်း သတင်းထောက်တွေကို ပြောသွားတာက-

“မနေ့ကတုန်းက အကျနေ့ပေါ့။ ၁၃ရက်နေ့မှာတော့ သင်္ကြန်နဲ့ပတ်သက်တဲ့ မှုခင်းပေါင်း အားလုံး ၂၀ ဖြစ်ပါတယ်။ သင်္ကြန်နဲ့မပတ်သက်တဲ့အမှု ၁၈မှုဖြစ်ပါတယ်။ သင်္ကြန်နဲ့ပတ်သက်တဲ့ အမှု ၂၀မှာလည်းပဲ ထိခိုက်ဒဏ်ရာရတာ ငါးယောက်လောက်ပဲ ရှိပါတယ်။ သာမာန်အားဖြင့် ဒဏ်ရာရခြင်းဖြစ်ပါတယ်။ ကားပေါ်ကနေ ပြုတ်ကျတာတို့ သာမာန်အားဖြင့် ထိုးကြိတ်တာတို့ ဒီလောက်ပါပဲ။ ကျန်တာ ကြီးကြီးမားမား လူ့အသက်ကို ထိခိုက်တဲ့  ဒဏ်ရာရတဲ့ အနေအထားမျိုးတွေ သေဆုံးတာတို့ မရှိခဲ့ပါဘူး။ မူးယစ်ဆေးဝါးနဲ့ပတ်သက်လို့လည်း ကျနော်တို့ သင်္ကြန်အကြိုကာလကတည်းက မူးယစ်ဆေးဝါးတွေရော ကာမစိတ်ကြွဆေးတွေရော စသည်ဖြင့် ဒါတွေကိုလည်း အသိပညာပေးတာတွေ ရှာဖွေဖမ်းဆီးတာတွေကို ကျနော်တို့ပိုင်ပိုင်နိုင်နိုင် လုပ်ထားပါတယ်။

အခုချိန်အထိတော့ သင်္ကြန်မဏ္ဍပ်တွေနဲ့ ပတ်သက်လို့ အရေးယူထားတာမရှိပါဘူး။ သူတို့ကလည်း စည်းကမ်းဖောက်ဖျက်တာ ကြီးကြီးမားမား မရှိပါဘူး။ နည်းနည်းပါးပါး သတ်မှတ်ထားချိန် ဆယ်မိနစ် ဆယ့်ငါးမိနစ်ထက် ပိုပြီး ရေကစားတာ ဒါမျိုးတော့ ရှိပါတယ်။ ကျနော်တို့က များသောအားဖြင့်တော့ ဒီမှာ ရှိနေတဲ့ တပ်ဖွဲ့ဝင်တွေနဲ့ ပူးပေါင်းပြီးတော့ သူတို့ကလည်း ပြည်သူတွေအနေနဲ့ရော နောက်တခုက မဏ္ဍပ်ကို ဦးဆောင်တဲ့သူတွေရော အားလုံးပေါ့ သူတို့ရဲ့ ကိုယ်ပိုင် တာဝန်ယူထားတဲ့ လုံခြုံရေးအဖွဲ့တွေရော  တကယ်နားလည်မှုရှိစွာနဲ့ စနစ်တကျနဲ့ ပူးပေါင်းပြီး ဆောင်ရွက်လာတာကို တွေ့ရပါတယ်ခင်ဗျ။   ”

အခုတက်လာတဲ့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းအစိုးရက စီးပွားဖြစ်ရေကစားမဏ္ဍပ်ကြီး အတော်များများကို ပိတ်ပင်ခဲ့တာကြောင့် အရင်အစိုးရ လက်ထက်ကလိုမဟုတ်ပဲ လူငယ်တွေရဲ့ ပျော်ပါးမှုကို အာဏာနဲ့ပိတ်ပင်တားဆီးတဲ့ သဘောမျိုးဖြစ်နေတယ်လို့ ဝေဖန်မှုတွေထွက်ခဲ့ပါတယ်။

ဒါပေမဲ့လည်း ရန်ကုန်မြို့ခံ လူငယ်အမျိုးသမီး ပိုပိုကတော့ ဒီနှစ်သင်္ကြန်မှာ လုံခြုံစိတ်ချမှု အပြည့်နဲ့ ပျော်ရွှင်မှုအပြည့်ရှိတယ်လို့ဆိုပါတယ်။

“ဒီနှစ်သင်္ကြန်က ဟိုးအရင်တုန်းက ညီမတို့ငယ်ငယ်တုန်းက သင်္ကြန်လိုပြန်ဖြစ်သွားတယ်ပေါ့။ ပိုစည်သွားတယ်။ လူတွေကလည်း ပိုပြီးတော့ စည်းကမ်းရှိရှိ ပိုမြင်ရတယ်ပေါ့။ အရင်နှစ်တွေကလို တနေရာတည်းမှာပဲ ပြုံပြီးတော့ လမ်းကျပ်တာမျိုး မဖြစ်ပဲနဲ့ ဒီနှစ်မှာ လမ်းတွေ ဘာတွေလည်း ချောင်တယ် သွားရလာရတာလည်း အဆင်ပြေတယ်။”

မေး။   ။ ညီမတို့လူငယ်တွေရော ရေပက်ကစားရတာ ပျော်ရွှင်မှုအပြည့်ရှိလား။

” ဟုတ် ပျော်ပါတယ် လုံခြုံရေးတွေ ဘာတွေလည်း ကောင်းတော့ ဘာပဲဖြစ်ဖြစ် သွားရတာ ပိုပြီး အဆင်ပြေပြီးတော့ ပိုပြီး လုံလုံခြုံခြုံရှိတယ်လို့မြင်တယ်အမ။

မေး။    ။ ညီမတို့ ဒီနှစ်သင်္ကြန်ပေါ့နော် အခုက အစိုးရသစ်လည်းဖြစ်လာတယ်။ အထူးသဖြင့် ရန်ကုန်တိုင်းမှာလည်း အစိုးရသစ်ဖြစ်လာပြီဆိုတော့ အရင်နှစ်သင်္ကြန်တွေနဲ့မတူပဲ ညီမတို့ လူငယ်တွေအနေနဲ့ရော ဘယ်လိုခံစားမိလဲ။ ဘယ်လိုတွေ့မြင်ရလဲ။

“ကောင်းပါတယ်။ အစစအရာရာ အဓိကကတော့ လုံခြုံရေးပေါ့ အမရယ်။ အဓိက သွားလာနေတဲ့အချိန် လုံခြုံရေးပေါ့ ရန်မဖြစ်ဖို့ရယ် အဓိက အရေးကြီးတာပေါ့ အဲ့တာတွေ သိပ်မရှိတော့ ပိုပြီးတော့ ကောင်းတယ်လို့ မြင်ပါတယ်။”

ဒီနှစ်သင်္ကြန်မှာ ရေကစားမဏ္ဍပ်အများဆုံးရှိပြီး လူအစည်ကားဆုံးနေရာကတော့ ရန်ကုန်-ပြည်လမ်းမကြီး တလျောက်ဖြစ်ပါတယ်။ အင်းယားကန်ဘောင် တလျောက်မှာလည်း လူပေါင်း (၃၀၀နဲ့ ၄၀၀) နီးပါးဆန့်တဲ့ ရေကစား မဏ္ဍပ်ကြီးတွေကို စည်းကမ်းချက် (၄၅)ချက်နဲ့ သတ်မှတ်ပြီး ရန်ကုန်တိုင်းအစိုးရက ခွင့်ပြုထားပါတယ်။

အင်ကြင်းနိုင်/ ဗွီအိုအေ (မြန်မာပိုင်း)

၂၀၁၆ စီးပွားဖွံ့ဖြိုးမှု ထိပ်ဆုံးက မြန်မာ

 

အမေရိကန်ပြည်ထောင်စု ၀ါရှင်တန်ဒီစီမြို့တော် က နိုင်ငံတကာ ငွေကြေး ရန်ပုံငွေအဖွဲ့ IMF ရုံး။ ( ဧပြီလ ၁၄၊ ၂၀၁၆)

၂၀၁၆ခုနှစ်မှာ ကမ္ဘာ့ စီးပွားရေး တိုးတက်မှု နှေးကွေးနေပေမယ့် မြန်မာနိုင်ငံရဲ့ စီးပွားရေး ကတော့ ၈.၆ ရာခိုင်နှုန်းအထိ တိုးတက်လိမ့်မယ်လို့ နိုင်ငံတကာ ငွေကြေး ရန်ပုံငွေအဖွဲ့ IMF က ခန့်မှန်းလိုက်ပါတယ်။ ဒါဟာ ၂၀၁၆ခုနှစ် ကမ္ဘာ့စီးပွားရေး ခန့်မှန်း သုံးသပ်ချက် အစီရင်ခံစာမှာ ပါတဲ့ နိုင်ငံပေါင်း ၂၀၀နီးပါးအနက် အမြင့်ဆုံး ဖြစ်ပါတယ်။ မြန်မာနိုင်ငံနဲ့ ကမ္ဘာ့ စီးပွားရေး အခြေအနေ ကြိုတင်ခန့်မှန်းချက်တွေနဲ့ ပတ်သက်လို့ IMF က စီးပွားရေး ပညာရှင်တွေ ရဲ့ ပြောကြားချက်တွေကို ဆက်သွယ်မေးမြန်းထားတဲ့ ကိုရဲခေါင်က ပြောပြပါမယ်။

တကမ္ဘာလုံး စီးပွားရေး တိုးတက်မှု နှေးကွေးနေတဲ့အချိန်မှာ မြန်မာနိုင်ငံရဲ့ စီးပွားရေး တိုးတက်မှုကတော့ အားကောင်းနေပြီး၊ ကမ္ဘာ့ နိုင်ငံအားလုံးထဲမှာ အမြင့်ဆုံးနှုန်းနဲ့ တိုးတက်လိမ့်မယ်လို့ IMF ရဲ့ အစီရင်ခံစာမှာ ခန့်မှန်းထားပါတယ်။

မြန်မာနိုင်ငံရဲ့အခြေအနေကို ခုလို အကောင်းမြင်ခန့်မှန်းထားတာနဲ့ ပတ်သက်လို့ IMF အဖွဲ့ရဲ့ သုတေသန ဌာန၊ ကမ္ဘာ့ စီးပွားရေး လေ့လာရေးဌာနခွဲက အကြီးအကဲ Oya Celasun က ဗွီအိုအေကို အခုလို ပြောပြခဲ့ပါတယ်။

“မြန်မာနိုင်ငံနဲ့ ပတ်သက်လို့ ၂၀၁၆ ခုနှစ်အတွက် ကျွန်မတို့ ခန့်မှန်းထား တာကတော့ ကမ္ဘာ့ နိုင်ငံတွေထဲမှာ အားအကောင်းဆုံး နှုန်း နဲ့ တိုးတက်လာမယ်ဆိုတာပဲ ဖြစ်ပါတယ်။ ၈.၆ ရာခိုင်နှုန်းဖြစ်ပါတယ်။ မြန်မာနိုင်ငံဟာ Frontier economy လို့ခေါ်တဲ့ အစွန်အဖျား စီးပွားရေး အခြေအနေ ရှိတဲ့ နိုင်ငံပါ။ နှစ်ပေါင်းများစွာကြာအောင် စီးပွားရေးအရ တံခါးပိတ်ထားခဲ့ပြီး၊ အခုမှ ပြန်လည် ပွင့်လင်းလာတာပါ။ နိုင်ငံရေး အခြေအနေ မသေချာ မရေရာမှုတွေကို ကျော်လွှားနိုင်ခဲ့ပြီး၊ ရင်းနှီးမြှုပ်နှံမှုတွေကလည်း အားကောင်းနေတဲ့ အတွက် မြန်မာနိုင်ငံရဲ့ စီးပွားရေးဟာ အလားအလာကောင်းတဲ့ အခြေအနေ ရှိနေပါတယ်။ ၂၀၁၆ ခုနှစ်နောက်ပိုင်း နှစ်တွေမှာလည်း မြန်မာနိုင်ငံရဲ့ စီးပွားရေး ဟာ ဂ ရာခိုင်နှုန်း ၀န်းကျင် နဲ့ ဆက်ပြီး တိုးတက်နေပါလိမ့်မယ်။”

အလားတူ ဖွံ့ဖြိုးဆဲနဲ့ စီးပွားရေး ထွန်းသစ်စ အာရှနိုင်ငံတွေထဲမှာ ဆိုရင် ဘင်္ဂလားဒေ့ရှ်၊ ဖိလစ်ပိုင်၊ လာအို၊ ကမ္ဘောဒီးယားနဲ့ ဗီယက်နမ်နိုင်ငံမှာ ၆ ရာခိုင်နှုန်းနဲ့ အထက် စီးပွားရေး တိုးတက်လိမ့်မယ်လို့ IMF ရဲ့ အစီရင်ခံစာက ခန့်မှန်းထားပါတယ်။

IMF နည်းတူ အာရှဖွံ့ဖြိုးရေးဘဏ် (အေဒီဘီ) ကလဲ ၂၀၁၆-၁၇ ဘဏ္ဍာနှစ် မှာ မြန်မာနိုင်ငံရဲ့ စီးပွားရေး တိုးတက်မှု ၈.၄ ရာခိုင်နှုန်း ရှိလိမ့်မယ်လို့ ခန့်မှန်းထားပါတယ်။

အလားတူ တစ်ကမ္ဘာလုံး စီးပွားရေးဟာ ဆက်ပြီး တိုးတက်နေပေမယ့် စိတ်ပျက်စရာကောင်းတဲ့ နှုန်းနဲ့ပဲ ဆက် တိုးနေပြီး၊ အပျက်ဘက် ကို ရောက်သွားနိုင်တဲ့ ဘေးအန္တရာယ်တွေ ရှိနေတယ်လို့အင်္ဂါနေ့က ၀ါရှင်တန်ဒီစီမြို့ IMF ရုံးမှာ ပြုလုပ်တဲ့ သတင်းစာ ရှင်းလင်းပွဲမှာ စီးပွားရေး ပညာရှင်တွေ က ပြောပါတယ်။

IMF ရဲ့ ကမ္ဘာ့ လုံးဆိုင်ရာ စီးပွားရေး ခန့်မှန်းသုံးသပ်ချက်အရ ၂၀၁၆ ခုနှစ်မှာ တကမာလုံး စီးပွားရေး တိုးနှုန်း ၃.၂ ရာခိုင်နှုန်းရှိပြီး၊ ၂၀၁၅ ခုနှစ်ကထက်စာရင် အနည်းငယ်အရှိန်မြင့်လာမယ်၊ အဲဒီနောက် ၂၀၁၇ခုနှစ်မှာ ပိုအရှိန်ရလာပြီး ၃.၅ ရာခိုင်နှုန်းအထိ တိုးတက်မယ်လို့ ခန့်မှန်းထားပါတယ်။

ခုလို တကမ္ဘာလုံးရဲ့ စီးပွားရေး အခြေအနေကျဆင်းနေတာဟာ ကမ္ဘာအရပ်ရပ်က ဖွံ့ဖြိုးပြီးနဲ့ ဖွံ့ဖြိုးဆဲ နိုင်ငံအားလုံး လိုလိုမှာ ပျံ့နှံ့ဖြစ်ပေါ်နေတာဖြစ်တယ်လို့ ကျွမ်းကျင်သူတွေက ပြောသွားပါတယ်။ တရုတ်နိုင်ငံရဲ့ စီးပွားရေး တိုးတက်မှု နှေးကွေးနေတာနဲ့ ကမ္ဘာအနှံ့ ကုန်စည်ဈေးနှုန်းတွေ အားပြော့နေတာကြောင့် ကမ္ဘာ့ စီးပွားရေးတိုးတက်မှုနှေးကွေးစေပြီး၊ စီးပွားရေး ထွန်းသစ်စ နိုင်ငံတွေရဲ့ ဈေးကွက်တွေအပေါ် ရိုက်ခတ်မှု ရှိလာမယ်လို့ အစီရင်ခံစာမှာ ဖော်ပြထားပါတယ်။

ကမ္ဘာ့နိုင်ငံတွေမှာ စီးပွားရေး တိုးတက်မှု နှေးကွေးတာအပြင်၊ ရထားတဲ့ တိုးတက်မှုကြောင့် ဖြစ်လာတဲ့ အကျိုးကျေးဇူးတွေကို အညီအမျှ မခံစားရတဲ့ ပြသနာ ရှိနေတာ ကိုလည်း Maurice Obstfeld က အခုလို ထောက်ပြ ပြောဆိုသွားပါတယ်။

“အဲဒီအတွက် နိုင်ငံပေါင်းစုံက မူဝါဒ ချမှတ်သူတွေအနေနဲ့ အနာဂတ်မှာ ပူးပေါင်းဆောက်ရွက်နိုင်ဖို့ ဆက်ပြီး ဆွေးနွေးသင့်ပါတယ်။ ကျွန်တော်တို့ ရနေတဲ့ စီးပွားရေး တိုးတက်မှုတွေဟာ လူများစုဆီကို ပျံ့နှံ့ရောက်ရှိသွားတာမျိုး မရှိပဲ ဖြစ်နေပါတယ်။ နိုင်ငံအများအပြားမှာ ၀င်ငွေ မညီမျှမှုတွေ တိုးလာနေလုပ်ခလစာ တိုးတက်မှုမရှိပဲ တန့်နေပြီး၊ ၀င်ငွေ မညီမျှမှုတွေ ဖြစ်တာ တိုးလာနေပါတယ်။ ဒါကြောင့် ဖြစ်သင့်တာကတော့ မူဝါဒတွေချမှတ်တဲ့ နေရာမှာ ၀င်ငွေ ခွဲဝေဖြန့်ဖြူးမှု ညီမျှမှုကို အလေးထားဖို့ပါ။”

ကမ္ဘာ့ စီးပွားရေး အခြေအနေဟာ တရုတ်နိုင်ငံရဲ့ သက်ရောက်မှုကြောင့်အပြင်၊ အခြား နိုင်ငံရေး အခြေအနေတွေကိုလည်း အမှီပြုနေကြောင်း၊ ပြည်တွင်း စစ်ဖြစ်နေတဲ့ ဆီးရီးယားနိုင်ငံရဲ့ အခြေအနေကြောင့် ဥရောပတိုက်ထဲကို ရွှေ့ပြောင်းနေထိုင်သူတွေ သန်းနဲ့ချီ ၀င်ရောက်လာတဲ့အတွက် ဖွံ့ဖြိုးပြီး ဥရောပနိုင်ငံတွေရဲ့ စီးပွားရေးအပေါ် ၀န်ထုပ်ဝန်ပိုးဖြစ်စေတဲ့အကြောင်း၊ အကျိုးဆက်အနေနဲ့ ဥရောပနိုင်ငံတွေမှာ အမျိုးသားရေး ၀ါဒီတွေ ပြန်လည် ခေါင်းထောင်လာပြီး၊ ဥရောပသမဂ္ဂအတွင်းမှာ နယ်စည်းမထားတဲ့ စီးပွားရေးပေါင်းစည်းမှု တွေဆက်လုပ်ဖို့ ခက်ခဲလာတဲ့အကြောင်း စတဲ့အချက်တွေကလည်း ကမ္ဘာ့လုံးဆိုင်ရာ စီးပွားရေးအပေါ် သက်ရောက်မှုရှိနေကြောင်း သူက ပြောသွားပါတယ်။

ရဲခေါင်/ ဗွီအိုအေ (မြန်မာပိုင်း)

ဂျပန်ငလျင် ၂ ဦးသေ

ဂျပန်ငလျင်ဘေးဒဏ်သင့်ဂျပန်ပြည်သူများ (ဧပြီ ၁၄၊ ၂၀၁၆)

ကြာသပတေးနေ့ညနေက ဂျပန်နိုင်ငံတောင်ပိုင်းမှာ ပြင်းထန်တဲ့ ငလျှင်တစ်ခု လှုပ်ခတ်ခဲ့တဲ့ အတွက် အနည်းဆုံး လူ၂ဦးသေဆုံးပြီး၊ ၄၅ဦး ဒဏ်ရာရသွားပါတယ်။ သေဆုံး၊ ဒဏ်ရာရသူအားလုံးဟာ ငလျှင် ဗဟိုချက် အနီးမှာတည်ရှိပြီး၊ ထိခိုက်မှုအများဆုံးဖြစ်တဲ့ Mashiki မြို့က ဖြစ်ပါတယ်။

ဂျပန်နိုင်ငံ ကျူရှူးကွန်းပေါ်က Kumamoto ခရိုင်မှာ ပြင်းအား ၆.၂ ရှိတဲ့ ငလျှင် စတင် လှုပ်ခတ်ပြီးတဲ့နောက် အများအပြား ထပ်လှုပ်ခဲ့တာဖြစ်တယ်လို့ အမေရိကန် ဘူမိဗေဒ လေ့လာရေးအဖွဲ့က ထုတ်ပြန်ခဲ့ပါတယ်။ ကနဦး လှုပ်တဲ့ ငလျှင်ကြောင့် အနည်းဆုံး အိမ် ၁၉လုံး ပြိုလဲခဲ့ပြီး၊ ကြောက်ရွံ့နေတဲ့လူတွေဟာ ပြိုကျနေတဲ့ အိမ်တွေထဲမှာ ပိတ်မိနေကြဆဲပဲလို့ ရဲတပ်ဖွဲ့တွေက ပြောပါတယ်။

ကနဦး လှုပ်ခတ်ခဲ့တဲ့ ငလျှင်ရဲ့ ဗဟိုချက်ဟာ ဂျပန်နိုင်ငံမှာ တစ်ခုတည်းသော လည်ပတ်နေတဲ့ နျူကလီးယား ဓါတ်ပေါင်းဖိုကနေ ကီလို မီတာ ၁၂၀ ကွာဝေးပြီး၊ အဲဒီ နျူကလီးယား စက်ရုံဟာ ပုံမှန် လည်ပတ်နေဆဲပဲလို့ တာဝန်ရှိသူတစ်ဦး က ပြောပါတယ်။

VOA (မြန်မာပိုင်း)

ကမာရွတ်မြို့နယ်တွင် အမျိုးသားတစ်ဦး ၈ လွှာတိုက်ခန်းမှာ ပြုတ်ကျ ဒဏ်ရာရရှိသဖြင့် ရန်ကုန်ဆေးရုံကြီး၌ ဆေးကုသမှု ခံယူ

ကမာရွတ်မြို့နယ် (၈) ရက်ကွက် အတွင်း၌ ၈ လွှာအမြင့်ရှိ တိုက်ခန်းပေါ်မှာ အမျိုးသားတစ်ဦး ပြုတ်ကျမှု ဧပြီ ၁၄ ရက်၊ ည ၉ နာရီခန့်က ဖြစ်ပွားခဲ့ကြောင်း အဆိုပါမြို့နယ် ရဲစခန်းမှ တာဝန်ကျ ရဲအရာရှိက ပြောကြားသည်။
အဆိုပါ ပြုတ်ကျသောသူသည် အခင်းဖြစ်ပွားချိန်တွင် အရက်သောက်သုံးထားမှုရှိပြီး ၈ လွှာတိုက်ခန်းမှ အောက်သို့ပြုတ်ကျစဉ် ဓာတ်ကြိုးနှင့်ငြိပြီးမှ မြေပြင်ပေါ်သို့ ပြုတ်ကျခြင်းဖြစ်ကြောင်း ကမာရွတ် ရဲစခန်း၏ ညပိုင်းတာဝန်ကျ ရဲအရာရှိက ဆိုသည်။
“အပေါ်ကနေ အောက်ကို ငုံ့ကြည့်တာကနေ ပြုတ်ကျတာလို့ သိရတယ်။ ၈ လွှာကအကျမှာ ဓာတ်ကြိုးနဲ့ငြိတယ်။ သူ့ရဲ့ဗိုက်မှာ ဒဏ်ရာရထားရှိလို့ ဆေးရုံကြီးမှာ ဆေးကုသမှု ခံယူနေပါတယ်” ဟု အဆိုပါ တာဝန်ကျ ရဲအရာရှိက ပြောကြားသည်။
တိုက်ပေါ်မှ ပြုတ်ကျသည့် အမျိုးသား၏ အမည်မှာ မြင့်မြတ်အောင် အသက် (၂၁) နှစ်ဆိုသူဖြစ်ပြီး ဖြစ်စဉ်နှင့် ပတ်သက်ပြီး ကမာရွတ်မြို့မ ရဲစခန်းတွင် အမှုဖွင့်ဆောင်ရွက်ခြင်း မရှိသေးကြောင်း ၎င်းရဲစခန်းမှ စုံစမ်းသိရှိရသည်။

နေ့စဉ်မိုးလေဝသသတင်း(၂၀၁၆ ခုနှစ်၊ ဧပြီလ (၁၄)ရက်နေ့ မွန်းလွဲ(၂း၀၀)နာရီအချိန် ထုတ်ပြန်ချက်)

  1. ယနေ့နံနက်(၀၉း၃၀)နာရီအချိန်ထိမိုးလေဝသတိုင်းထွာချက်အကျဉ်းချုပ်။ လွန်ခဲ့သော(၂၄)နာရီအတွင်းက ကချင်ပြည်နယ်တွင် နေရာစိပ်စိပ်၊ စစ်ကိုင်းတိုင်းဒေသကြီးအထက်ပိုင်း၊ မန္တလေးတိုင်းဒေသကြီး၊ ရှမ်းပြည်နယ်၊ ချင်းပြည်နယ်နှင့် ကရင်ပြည်နယ်တို့တွင် နေရာကွက်ကျား မိုးထစ်ချုန်းရွာခဲ့ပြီး၊ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်နှင့် မွန်ပြည်နယ်တို့တွင် တိမ်အသင့်အတင့် ဖြစ်ထွန်းခဲ့ကာ၊ ကျန်တိုင်းဒေသကြီးနှင့် ပြည်နယ်တို့တွင် အများအားဖြင့် သာယာခဲ့ပါသည်။ နေ့အပူချိန်များမှာ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ ရှမ်းပြည်နယ်(အရှေ့ပိုင်း)နှင့်‌ ကယားပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် (၃)ဒီဂရီစင်တီဂရိတ် ပိုခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် ဧပြီလ၏ ပျမ်းမျှအပူချိန်ခန့်သာ ရှိခဲ့ပါသည်။ ထူးခြားသည့် နေ့အပူချိန်များမှာ မုံရွာမြို့နှင့် ချောက်မြို့တို့တွင် (၄၃)ဒီဂရီစင်တီဂရိတ်စီ၊ ရွှေဘိုမြို့၊ ‌ရေဦးမြို့၊ မန္တလေးမြို့၊ မြင်းခြံမြို့၊ ညောင်ဦးမြို့၊ ရမည်းသင်းမြို့၊ ဂန့်ဂေါမြို့၊ ပေါက်မြို့နှင့် ဘော်လခဲမြို့တို့တွင် (၄၂)ဒီဂရီစင်တီဂရိတ်စီတို့ ဖြစ်ကြပါသည်။

တိုင်းထွာရရှိသည့် ခရမ်းလွန်ရောင်ခြည်ကျရောက်မှု အမြင့်ဆုံးအညွှန်းကိန်းများမှာ နေပြည်တော်တွင် (၇.၈)၊ ရန်ကုန်မြို့တွင် (၉.၄)နှင့် မန္တလေးမြို့တွင် (၉.၂)တို့ဖြစ်ကြပါသည်။ မှတ်သားဖွယ်ရာ မိုးရေချိန်များမှာ ပူတာအိုမြို့နှင့် ဟားခါးမြို့တို့တွင် (၀.၂၄)လက်မစီ၊ မြစ်ကြီးနားမြို့၊ ဗန်းမော်မြို့၊ လားရှိုးမြို့နှင့် မိုးကုတ်မြို့တို့တွင် (၀.၀၈)လက်မစီတို့ ဖြစ်ကြပါသည်။

ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့်အတင့် ဖြစ်ထွန်းနေပြီး၊ ကျန်ဘင်္ဂလားပင်လယ်အော်တွင် အများအားဖြင့် သာယာနေပါသည်။

မနက်ဖြန်ညနေထိခန့်မှန်းချက်။ ကချင်ပြည်နယ်တွင် နေရာကျဲကျဲ၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်နှင့်‌ မွန်ပြည်နယ်တို့တွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်း(၈၀) ဖြစ်ပါသည်။ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်။ 
မြန်မာ့ပင်လယ်ပြင်။ လှိုင်းအသင့်အတင့်ရှိမည်။
နောက်(၂)ရက်အတွက်ခန့်မှန်းချက်။ စစ်ကိုင်းတိုင်းဒေသကြီးအထက်ပိုင်းနှင့်‌ ကချင်ပြည်နယ်တို့တွင် မိုးဆက်လက်ထစ်ချုန်းရွာမည်။နေပြည်တော်နှင့်အနီးတစ်ဝိုက်အတွက်မနက်ဖြန်ညနေထိခန့်မှန်းချက်။ တိမ်အသင့်အတင့် ဖြစ်ထွန်းမည်။

ရန်ကုန်မြို့နှင့်အနီးတစ်ဝိုက်အတွက်မနက်ဖြန်ညနေထိခန့်မှန်းချက်။ တိမ်အသင့်အတင့် ဖြစ်ထွန်းမည်။

မန္တလေးမြို့နှင့်အနီးတစ်ဝိုက်အတွက်မနက်ဖြန်ညနေထိခန့်မှန်းချက်။ တိမ်အသင့်အတင့် ဖြစ်ထွန်းမည်။

Ref : မိုးေ လ ၀ သ နှ င့် ဇ လေ ဗ ဒ ညွှ န်ြ ကား မှု ဦး စီး ဌာ န 

 

ဒေါ်အောင်ဆန်းစုကြည် ရုံးတက်ကာ အရေးကြီးကိစ္စရပ်များဆောင်ရွက်

 နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မဟာသင်္ကြန် အကြတ်နေ့ဖြစ်သော ယနေ့(ဧပြီ ၁၄ ရက်) မွန်းလွဲ ၂ နာရီ ၄၅ မိနစ်မှ ညနေ ၆ နာရီ ၁၀ မိနစ်အထိ ရုံးတက်ကာ အရေးကြီးကိစ္စရပ်များဆောင်ရွက်ခဲ့ကြောင်း နိုင်ငံတော်၏ အတိုင်ပင်ခံပုဂ္ဂိုလ်ရုံး၏ သတင်းထုတ်ပြန်ချက်အရ သိရသည်။
ညာဘက်မျက်လုံးခွဲစိတ်ထားမှုအခြေအနေမှာ ကောင်းမွန်ပြီး အလင်းရောင်အနည်းငယ်စူးရှသည်မှအပ စာများ ကောင်းမွန်စွာဖတ်ရှုနိုင်ကြောင်းကိုလည်း ယင်းထုတ်ပြန်ချက်တွင် ထည့်သွင်းဖော်ပြထားသည်။
ဓာတ်ပုံ – နိုင်ငံတော်၏ အတိုင်ပင်ခံပုဂ္ဂိုလ်ရုံး

တန်ခူး

အော် တန်ခူး တန်ခူး အတော်မြူးမဝတဲ့ လတန်ခူး နှစ်သစ်ကိုကူး

ခေတ်သစ် ထူးဖို့ အတော် အရေးမလှတဲ့ နွေတန်ခူး

အတာရေဖြန်း သဒ္ဓါဝေလှမ်းတဲ့ မောင့်မေဦး

နှစ်သစ်ရောက်မှ ခေတ်စနစ် ဟြေက် ဇစ်မြစ်ကိုဖောက်

ဆန်းသစ်မရောက်အောင် စောင့်ထိန်းကြကွဲ့ ခင်ပျိုဦး မျိုး

ဖြောက်ဖျက် အကျိုး မရောက်တဲ့ ဒီသင်္ကြန်မြူး လူညွှန့် ခူးလို့ လည်ဖို့ မထူးကွဲ့

ဒီနှစ်ကူး ခိုး ခိုက်ခိုက် မိုး မိုက်မိုက် ကြိုး ကြိုက်ကြိုက် ရိုး ရိုက်ရိုက်ပါ ဖိုး ဖိုက်ဖိုက် တိုး တိုက်တိုက် လို လိုက်လိုက် ဆို ဆိုက်ဆိုက်ကာ ငို ငိုက်ငိုက် ရော် ရမ်းရမ်း ဖော် ဖွဲဖွဲ တော် တွဲတွဲ နေ မော် မွဲမွဲ လို့

ယင်း ယားယား ဖျင်း ဖျားဖျား တွင်း တွားတွား မှ ဒု ဒုက္ခ ပုပ်ထုပ်မရမှ လုပ် လုပ်ဟ လို့မအော်နဲ

့ စုတ်စုတ်ပဲ့တဲ့ ဒင်းလိုလူ ဟဟားဟားလို့ ရယ် ဒင်းလိုလူ

ဟြေဖို့မတန်ဖူး သွား သွားစို့ကွယ်

ထာဝရအိမ်

ဒီပကျော်(နည်းပညာ)

ဒီပကျော် (နည်းပညာ)မှ စာပေ အနုပညာ မြတ်နိုးသူများ၊ မြန်မာ့အရေးနှင့် နိုင်ငံတကာအရေး စိတ်ဝင်စားသူများ၊ ကျန်းမာရေး လိုက်စားသူများ၊ အလုပ်အကိုင် အခွင့်အလမ်းများကို ရှာဖွေနေသူများ၊ ဖက်ရှင်နှင့် အလှဒီဇိုင်း ဖန်တီးသူများ၊ အိုင်တီ ပညာရှင်များ အားလုံးအတွက် အသုံးဝင်ပြီး အကျိုးရှိစေမည့် လတ်တလော သတင်းများကို သုတ ရသ ကဏ္ဍ စုံလင်စွာဖြင့် ထည့်သွင်းပေးထားပါသည်။
ဆောင်းပါများပေးပို့လိုပါလျှင် contact@dpakyaw.com  (သို့) fb မှတစ်ဆင့် ပေးပို့လိုပါလျှင် Myanmar Media Group သို့ ဆက်သွယ်ပေးပို့နိူင်ပါတယ်။

Latest News For You