ကုလားတန် စီမံကိန်း ကာကွယ်ရေး အိန္ဒိယ မြန်မာနဲ့ လက်တွဲမည်

ကုလားတန်စီမံကိန်း ထိခိုက်မဲ့အရေးကို ကာကွယ်တားဆီးတဲ့ အနေနဲ့ အိန္ဒိယနဲ့ မြန်မာတပ်ဖွဲ့တွေ ညှိနှိုင်းလုပ်ဆောင်တဲ့ စစ်ဆင်ရေး တခုကို ဖေဖေါ်ဝါရီလ ၁၇ ရက်နေ့ကနေ မတ်လ၂ ရက်နေ့အထိ ပြုလုပ်ခဲ့တယ်လို့ အိန္ဒိယကလာတဲ့ သတင်းတွေမှာ မနေ့က ဖေါ်ပြထားပါတယ်။

အဓိကကတော့ ရခိုင့်တပ်မတော် AAနဲ့ KIA ကချင် လွတ်မြောက်ရေး တပ်ဖွဲ့ဝင်တွေကို နှိမ်နင်းဖို့ ဖြစ်ပါတယ်။ ဒီစစ်ဆင် ရေးအတွင်း သူပုန်စခန်း ၁၀ ခုကို ဖျက်ဆီးခဲ့တယ်လို့ ဆိုပါတယ်။

မြန်မာနိုင်ငံ အတွင်းမှာရှိတဲ့ သူပုန်စခန်းတွေကို ဖျက်ဆီးခဲ့တာဖြစ်ပြီး စစ်ဆင်ရေးမှာ အသုံးပြုဖို့ စစ်လက်နက် ကိရိယာတွေကို အိန္ဒိယက မြန်မာဘက်ကို ပေးခဲ့တယ်လို့ ဆိုပါတယ်။ AA အဖွဲ့ဝင်တွေဟာ အိန္ဒိယ မြန်မာနယ်စပ် မီဇိုရမ်ပြည်နယ်ရဲ့ နယ်စပ်မျဉ်းနားကို ကပ်လာခဲ့ပြီး အိန္ဒိယတပ်ဖွဲ့တွေကတော့ စစ်ဆင်ရေး ကာလအတွင်း နယ်စပ်ကို မဖြတ်ခဲ့ကြဘူးလို့ ဆိုပါတယ်။

မြန်မာနိုင်ငံထဲက သူပုန်တွေ အိန္ဒိယ နိုင်ငံထဲ ဖြတ်ကျော်မလာအောင် အိန္ဒိယတပ်ဖွဲ့ဝင်တွေက နာဂလန်းနဲ့ မနီပူရ်း ပြည်နယ်တွေမှာလည်း လုံခြုံရေး စောင့်ကြပ်ခဲ့ကြပါတယ်။ ကုလားတန်စီမံကိန်းဟာ အိန္ဒိယနိုင်ငံ ကိုလ်ကာတားမြို့ ကနေ ၂ နိုင်ငံနယ်စပ်မီဇိုရမ်ပြည်နယ်ကိုဖြတ်ပြီး ရခိုင်ပြည်နယ် စစ်တွေမြို့အထိ ဆက်စပ်လုပ်ဆောင်နေတဲ့ စီမံကိန်းဖြစ်ပါတယ်။

ဒီစီမံကိန်းဟာ ဒေါ်လာ ၃၈၄ သန်း ကုန်ကျမှာဖြစ်ပြီး အိန္ဒိယဘက်က ငွေကြေး စိုက်ထုတ်ထားပါတယ်။ လာမယ့်နှစ် ၂၀၂၀ မှာ ဒီစီမံကိန်း စတင် လည်ပတ်မယ်လို့ မျှော်လင့်ရပါတယ်။

Credit – VOA Burmese

Leave a Reply

This site uses Akismet to reduce spam. Learn how your comment data is processed.