ကိုယ်ဝန်ရှိ မရှိ ဘယ်လို သိနိုင်ပါလဲ ။ ဘယ်နှစ်လ မှာ သိနိုင်ပါသလဲ။


အမျိုးသမီး တစ်ယောက်အနေနဲ့ ကိုယ်ဝန်ရှိ ခဲ့မယ်ဆိုရင် သန္ဓေအောင်ပြီးသား သားလောင်းအနေနဲ့ မိခင်ရဲ့ သားအိမ်မှာ တွယ်ကပ်ပြီးဆိုတာနဲ့ ဟောမုန်းတစ်မျိုးထွက်လာပါတယ် ။ အဲ့ဒီဟောမုန်းကို မိခင်ရဲ့ ဆီးထဲမှာ တိုင်းတာတွေ့ရှိခြင်းအားဖြင့် ကိုယ်ဝန်ရှိ မရှိ အလွယ်တကူသိနိုင်ပါတယ် ။ မိမိရဲ့ ရာသီပုံမှန် မလာဘဲ ကျော်လာပြီး အစောဆုံးအနေနဲ့ တစ်ပတ်-နှစ်ပတ်အတွင်း သိနိုင်ပါတယ် ။ ဆီးစစ်တဲ့အခါမှာ ပထမဆုံး အနေနဲ့ မနက်စောစောသွားတဲ့ ဆီးကို စစ်သင့်ပါတယ် ။ စစ်ဆေးတဲ့အခါမှာ အကြောင်း နှစ်ကြောင်းပေါ်ရင်တော့ Positive တနည်းအားဖြင့် ကိုယ်ဝန်ရှိတယ်လို့ ပြောလို့ရနိုင်ပါတယ် ။ ဆီးစစ်လို့ Positive ဖြစ်ပြီဆိုရင် ပိုမိုသေချာအောင် Ultrasound ရိုက်သင့်ပါတယ် ။

Ultrasound က ကိုယ်ဝန်ရှိမရှိ သေချာစေရုံသာမက သန္ဓေသားတည်နေရာကိုပါ ပြောပြနိုင်တဲ့အတွက် မိခင်ကလေး ကျန်းမာရေးအတွက် တိကျတဲ့ စမ်းသပ်ချက် တစ်ခု ဖြစ်ပါတယ် ။ Ultrasound ကို လည်း ရာသီမလာဘဲ ကျော်လာပြီးနောက်ပိုင်း ၁ပတ်ကနေ ၁လအတွင်း စောနိုင်သမျှ စောစော ရိုက်သင့်တယ်လို့ အကြံပြုချင်တယ်။

Leave a Reply

This site uses Akismet to reduce spam. Learn how your comment data is processed.