အမျိုးသမီးတွေ ကိုယ့်ချစ်သူကို သ၀န်တိုသင့်တဲ့ အချိန်က ဘယ်လိုအချိန်မျိုးတွေ ဖြစ်သင့်သလဲ

သ၀န်တိုတဲ့စိတ်ခံစားချက်ဟာ သင့်အတွက် ကောင်းတဲ့ ခံစားချက်မျိုးတော့ မဟုတ်ပါဘူး။ ကိုယ့်ရဲ့အချစ်ရေး၊ အိမ်ထောင်ရေးနဲ့ ပတ်သက်ပြီး သ၀န်တိုတဲ့စိတ်ခံစားတတ်ကြတာ မထူးဆန်းပါဘူး။ ဒါပေမယ့် အလွန်အကျွံကြီး ဖြစ်မနေဖို့တော့ လိုပါတယ်။ တစ်ခါတစ်လေ ဘာမဟုတ်တာလေးကို သ၀န်တိုနေတာမျိုးဆိုရင်တော့ ဒါ သင့်အတွက်ရော၊ သင်တို့အချစ်ရေးအတွက် ဘယ်လိုမှ မကောင်းနိုင်ပါဘူး။ ခုပြောပြပေးမယ့် အချိန်မျိုးတွေမှာ သင် သ၀န်တိုတာမျိုး ဆိုရင်တော့ ဒါဖြစ်သင့်ဖြစ်ထိုက်ပါတယ်။ သင့်အပြစ်မရှိပါဘူး။

၁။သူက အခြားအမျိုးသမီးတစ်ယောက်နဲ့ အီစီကလီ လုပ်နေတဲ့အခါ

သင်တို့နှစ်ယောက်စလုံးက ပါတီ၊ ဒါမှမဟုတ် လူများတဲ့ပွဲတစ်ခုခု ရောက်နေတယ်ဆိုပါစို့။ သင့်ချစ်သူက သင် မျက်နှာနည်းနည်းလွှဲလိုက်တာနဲ့ အခြားမိန်းမတစ်ယောက်နဲ့ အီစီကလီလုပ်နေတာကို သင်သိသွားလို့ သ၀န်တိုတာမျိုးက သဘာဝကျပါတယ်။ ဒီလိုမျိုးဆိုရင်တော့ သင့်ခံစားချက်ကို မဖုံးကွယ်ပါနဲ့။ သင့်ချစ်သူကို ဒီလိုအပြုအမူမျိုး သင်မနှစ်မြို့ကြောင်း ပြောပြပေးပါ။

Related image

၂။ကိုယ့်ချစ်သူနဲ့ ပတ်သက်တဲ့ အရေးကြီးတဲ့အကြောင်းအရာတစ်ခုခုကို တစ်ခြားလူပြောမှ သိရတဲ့အခါ

ကိုယ်နဲ့ ကိုယ်ချစ်သူ နှစ်ယောက်ဟာ အရမ်းကို ရင်းနှီးပြီး တစ်ယောက်အကြောင်း တစ်ယောက်သိပြီးသားလို့ ထင်ထားပေမယ့် အခြားတစ်ယောက်က ကိုယ့်ချစ်သူနဲ့ ပတ်သက်တဲ့ အရေးကြီးတဲ့ အကြောင်းအရာ တစ်ခုခုကို ဖွင့်ဟလိုက်တဲ့အခါ စိတ်မကောင်းဖြစ်သွားတာမျိုး၊ သ၀န်တိုသွားမိတာမျိုးတွေ ခံစားရတာကလည်း သဘာဝပါပဲ။ ဒီလိုအချိန်မျိုးတွေမှာ သူ့ကိုပြန်ပြီး တစ်ခြားလူသိတဲ့အရာ ကိုယ်ဘာ့ကြောင့် မသိရသလဲဆိုတာ မေးမြန်းနိုင်ပါတယ်။ ဒါပေမယ့် ပြသနာကြီးကြီးမားမား ဖြစ်အောင်တော့ မလုပ်ပါနဲ့။

၃။ကိုယ့်ချစ်သူက သူ့အလုပ်၊ သူ့ဝါသနာကို သင်နဲ့တန်းတူ အရမ်းအလေးပေးလွန်းတဲ့အခါ

ခုနောက်ပိုင်း ကိုယ့်ချစ်သူဟာ အလုပ်ကိုသာ ဦးစားပေးလွန်းတယ်။ ဒါမှမဟုတ် သူ့ရဲ့အခြားသောဝါသနာတစ်ခုခုအတွက် အချိန်တွေ ကုန်နေတတ်တယ်ဆိုရင်လည်း ဒါဟာ သင့်အတွက် သ၀န်တိုခွင့်ရှိတဲ့အရာပါပဲ။ သင်က သင့်ဝါသနာနဲ့ အလုပ်ကို ဘယ်လောက်ချစ်ချစ် မိသားစု၊ သူငယ်ချင်းတွေနဲ့တော့ အချိန်ကုန်ဆုံးတာမျိုးတွေရှိရမှာ ဖြစ်သလို သင့်ချစ်သူကိုလည်း အချိန်ပေးရမယ် မဟုတ်လား။ ဒီလိုပြန်စဉ်းစားကြည့်လိုက်ပေါ့။ ဒီလိုဆို၇င် သင့်ဘက်က ပွင့်ပွင့်လင်းလင်း ပြောပြညှိုနှိုင်းလိုက်ပါ။ သူသင့်ကို တကယ်ချစ်ရင် သူ့ရဲ့နေ့စဉ်ရှင်သန်နေထိုင်မှုပုံစံကို ပြောင်းလဲလာပါလိမ့်မယ်။

Image result for women

၎။သင့်ကို သူဂရုမစိုက်ဘူးလို့ ခံစားလာရတဲ့အခါ

သင်က အခက်အခဲတွေနဲ့ ကြုံတွေ့နေပြီး ပြသနာမျိုးစုံရှင်းနေရချိန် သင့်ချစ်သူကတော့ သူ့ရဲ့ ပျော်ရွှင်စရာကောင်းတဲ့နေ့အကြောင်း၊ အလုပ်မှာ ဘယ်လောက်အဆင်ပြေကြောင်း ပြောတယ်ဆိုရင် သင့်ဘက်က ဒီလို သ၀န်တို၊ ဂျေဝင်တဲ့ ခံစားချက်မျိုးဖြစ်တာ မဆန်းပါဘူး။ သင်က သူ့အတွက် ပျော်ရွှင်ပေးနိုင်တယ်ဆိုပေမယ့် သူကတော့ သင့်အတွက် ဘာခံစားချက်မှမရှိသလို ဖြစ်နေတာမျိုးကို သင်စိတ်တိုတာမျိုးက အပြစ်မဟုတ်ပါဘူး။

၅။ကိုယ့်ချစ်သူက ခရီးတွေချည်း ထွက်နေတဲ့အခါ

အားနေ ခရီးပဲ ထွက်နေတယ်ဆိုသလိုမျိုး သင့်ချစ်သူကလည်း တစ်လကို တစ်ခါလောက်တော့ အနည်းဆုံး ခရီးထွက်ဖြစ်နေတယ်ဆိုပါစို့။ သင်ကတော့ ခရီးထွက်ဖို့ ပိုက်ဆံလည်းမရှိဘူး။ တတ်လည်းမတတ်နိုင်ဘူးဆိုရင် သူ့ကို ဂျေဝင်တာမျိုးက ဖြစ်တတ်ပါတယ်။

၆။သူက သင့်ထက် သူငယ်ချင်းတွေနဲ့သာ အချိန်ကုန်ဆုံးတတ်တယ်ဆိုရင်

သင့်ချစ်သူက သင့်ထက် သူငယ်ချင်းတွေကိုသာ ပိုအချိန်ပေးတယ်။ ညနေတိုင်းနီးပါး တွေ့ဖြစ်ကြပြီး တစ်ခါတစ်လေ ကိုယ်နဲ့တွေ့မှာကိုတောင် ဖျက်ပြီး သူငယ်ချင်းတွေနဲ့ တွေ့ဖို့ချိန်းတယ်ဆိုရင်တော့ သင်ဂျေဝင်တာ မဆန်းပါဘူး။ ဘယ်သူပဲဖြစ်ဖြစ် ချစ်သူက နံပါတ်(၁) ဖြစ်စေချင်တာပဲလေ။

Ref:womanitely.com

One thought on “အမျိုးသမီးတွေ ကိုယ့်ချစ်သူကို သ၀န်တိုသင့်တဲ့ အချိန်က ဘယ်လိုအချိန်မျိုးတွေ ဖြစ်သင့်သလဲ”

Leave a Reply

This site uses Akismet to reduce spam. Learn how your comment data is processed.