မန္တလေး-ပြင်ဦးလွင်ကားလမ်း(အတက်) ၊ (၁၆)မိုင်စစ်ဆေးရေး စခန်းတွင် မော်တော်ယာဉ်(၁)စီးနှင့် တရားမဝင်ပိတောက်ခွဲသားများ ဖမ်းဆီးရမိ

မန္တလေး-ပြင်ဦးလွင်ကားလမ်း(အတက်) ၊ (၁၆)မိုင်စစ်ဆေးရေး စခန်းတွင် မော်တော်ယာဉ်(၁)စီးနှင့် တရားမဝင်ပိတောက်ခွဲသားများ ဖမ်းဆီးရမိခဲ့ကြောင်း သစ်တောဦးစီးဌာနက သတင်းထုတ်ပြန်ထား သည်။

ဇန်န၀ါရီ ၁၁ ရက်နေ့တွင် မန္တလေးတိုင်းဒေသကြီး၊ မန္တလေးခရိုင်၊ သစ်တောဦးစီးဌာနမှ သစ်တော ဝန်ထမ်းများ၊ (၁၆)မိုင် စစ်ဆေးရေးစခန်းတာဝန်ကျ သစ်တောဝန်ထမ်းများ၊ အကောက်ခွန်ဦးစီးဌာနမှ ဝန်ထမ်းများပါဝင်သောပူးပေါင်းအဖွဲ့သည် တရားမဝင်သစ်နှင့်သစ်တောထွက်ပစ္စည်းများ ရှာဖွေဖော်ထုတ် ဖမ်းဆီးခြင်းဆောင်ရွက်ရာ ပုသိမ်ကြီးမြို့နယ်၊ မန္တလေး-ပြင်ဦးလွင် ကားလမ်း(အတက်) ၊ (၁၆)မိုင်စစ်ဆေးရေးစခန်းနေရာ၌ မော်တော်ယာဉ်အမှတ် (BGO 6J/6540) (NISSAN Diesel) (၂၂)ဘီး(အဖြူရောင်)ယာဉ်ပေါ်မှ တရားမဝင် ပိတောက်ခွဲသား (၄၄)ချောင်း (၁.၈၀၆၆)တန်အား ဖမ်းဆီးရမိခဲ့ပြီး၊ ဆက်စပ် တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိကြောင်း သိရသည်။

Leave a Reply

This site uses Akismet to reduce spam. Learn how your comment data is processed.