Category Archives: ပြည်တွင်းသတင်း

ချင်းဒေသခံများ ဒေါ်အောင်ဆန်းစုကြည်နဲ့တွေ့ဆုံ

လမ်းပမ်းဆက်သွယ်မှုခက်ခဲပြီး ဖွံ့ဖြိုးတိုးတက်မှုအနည်းဆုံးပြည်နယ်တွေထဲကတခုဖြစ်တဲ့ ချင်းပြည်နယ်ထဲ ပြည်သူ့ဆေးရုံတွေမှာ ဆေးဝါးအခက်ခဲနဲ့ ကျန်းမာရေးဝန်ဆောင်မှု ညံ့ဖျင်းတာ၊ ပညာသင်ကြားမှုတွေမှာ ဘာာသာစကားအခက်ခဲဖြစ်ရတာစတဲ့အခက်အခဲတွေနဲ့ ဒေသခံတွေ အတော်လေးကြုံနေရတဲ့အတွက် အစိုးရအနေနဲ့ အလေးအနက်ထားဖြေရှင်းပေးဖိုို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ချင်းပြည်သူတွေက တောင်းဆိုလိုက်ကြပါတယ်။ ဒေါ်အောင်ဆန်းစုကြည် သူ့ချင်းပြည်နယ်ခရီးစဉ်အတွင်း ချင်းပြည်သူတွေနဲ့ တွေ့ဆုံချိန် ဒေသခံတွေက သူတို့အခက်အခဲတွေကို အသီးသီးရင်ဖွင့်ခဲ့ကြတာပါ။ မဆုမွန် စုစည်းတင်ပြထားပါတယ်။

မြန်မာနိုင်ငံထဲ လမ်းပမ်းဆက်သွယ်မှုအခက်ခဲဆုံးနဲ့ ဖွံ့ဖြိုးတိုးတက်မှုနောက်ကျတဲ့ပြည်နယ်တခုဖြစ်တဲ့ချင်းပြည်နယ်တွင်း ထန်တလန်မြို့နယ် မှာ တည်ဆောက်ထားတဲ့ သီကိရ်ရေလှောင်တမံကို လာဖွင့်လှစ်ပေးတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ချင်းပြည်နယ်ကို ရောက်ရှိလာချိန် ထန်တလန်၊ ဟားခါးက ဒေသခံချင်းပြည်သူတွေနဲ့ တွေ့ဆုံခဲ့တာပါ။ 

“အစိုးရတခုတာဝန်ဆိုတာ နိုင်ငံအနာဂတ်အတွက် စဉ်းစားပေးဖို့ ဖြစ်ပါတယ်။ လက်တွေ့ကျကျ ပစ္စုပန်မှာ ကျမတို့ တိုးတက်မှုတွေရအောင်လုပ်တယ်ဆိုတာက အမြဲတမ်း ရေရှည်အနေနဲ့ လုပ်ရပါလိမ့်မယ်။ ၁ နှစ်အတွက်မဟုတ်ဘူး၊ ၅နှစ်အတွက်မဟုတ်ဘူး၊ နောင်ရွေးကောက်ပွဲ အတွက်မဟုတ်ဘူး၊ နောင်မျိုးဆက်တွေ တဆက်ပြီးတဆက်အတွက် ကျမတို့ စဉ်းစားပြီးတော့ လုပ်ရမှာဖြစ်ပါတယ်။ ကျမတို့နိုင်ငံဟာ ပြည်ထောင်စုဖြစ်ပါတယ်။ ပြည်ထောင်စုဆိုတာက မတူကွဲပြားတဲ့ တိုင်းရင်းသားလူမျိုးပေါင်းစုံဖွဲ့စည်းထားတဲ့ နိုင်ငံဖြစ်ပါတယ်။ ကျမတို့ ပြောတဲ့ ဘာသာစကားတွေ မတူကြဘူး ၊ သမိုင်းအစဉ်အလာမတူကြဘူး၊ ကိုးကွယ်တဲ့ ဘာသာတွေ မတူကြဘူး ၊ သို့သော်လည်း ကျမတို့ အားလုံးဟာ ဒီပြည်ထောင်စုသားသမီးတွေ ဖြစ်ပါတယ် အဲဒီစိတ်ထားကို ခိုင်ခိုင်မာမာရှိဖို့ အရေးကြီးပါတယ်။”

မြန်မာနိုင်ငံထဲ လမ်းပမ်းဆက်သွယ်မှုအခက်ခဲဆုံးနဲ့ ဖွံ့ဖြိုးတိုးတက်မှုနောက်ကျတဲ့ပြည်နယ်တခုဖြစ်တဲ့ချင်းပြည်နယ်တွင်း သူတို့ရင်ဆိုင်ကြုံတွေ့နေရတဲ့အခက်ခဲတွေနဲ့ပတ်သက်လို့ ချင်းပြည်သူတွေက ရင်ဖွင့်ပြောကြားခဲ့ကြတာပါ။

အထူးသဖြင့်ကတော့ မိုးရာသီခ်ျိန် အိုးအိမ်အဆောက်ဦးတွေအပါဝင် ခရီးလမ်းတွေ မြေပြိုကျပျက်စီးမှုတွေတာ ကောက်ပဲသီးနှံစိုက်ခင်းတွေ ပိုးဖျက်ပျက်စီးတာတမျိုးလို စားနပ်ရိက္ခာအခက်ခဲတွေနဲ့ ကျမ်းမာရေးဝန်ဆောင်မှုညံ့ဖျင်းတာ ဆေးဝါးမလုံလောက်တာတွေကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ပြောကြားခဲ့ကြပါတယ်။

“စီးပွားရေးအခက်အခဲကြောင့် နေရာအသီးသီးမှာ ဖြန့်နေကြပါတယ်။ နီးစပ်ရာ ပြည်နယ်တွေမှာ ဝေစားပြီးတော့ နေထိုင်တဲ့ ဒေသမျိုးတွေ အများကြီးရှိပါတယ်။ အဲဒါတွေကို မိမိတိုင်းပြည်ကို အေးချမ်းပြည်ဆိုတော့ ကျနော်တို့လည်း အခြေအနေ အဆင်ပြေလာလိမ့်မယ်လို့ စိတ်အထင်နဲ့ ပြန်လာချင်တဲ့လူတွေရှိပါတယ်။တချို့တွေလည်း ပြန်လာတဲ့လူတွေလည်းရှိတယ်။ ဟိုဘက်မှာတော့ သူတို့ ကျောင်း ၄-၅-၆ တန်းအထိ တက်တယ်။ ဒီမှာ သူငယ်တန်းကနေ ပြန်စတယ် ဒါပေမယ့်လည်း ဘယ်လိုနည်းနဲ့ နဂိုအတန်းကို ပြန်တက်လို့ရမလဲ၊ အဲဒါနည်းလမ်းတွေရှိနိုင်သလား။ ဒီဘက်ပြန်လာတဲ့အခါမှာ အိမ်ထောင်စုစာရင်း ပြန်လုပ်ဖို့ အခက်အခဲတွေလည်း ရှိပါတယ်။” 

ဒေါ်အောင်ဆန်းစုကြည်ဘက်ကလည်း နိုင်ငံသူ နိုင်ငံသားတိုင်း သူတို့ရင်ဆိုင်ကြုံတွေ့နေရတာတွေကို သူတို့ကိုယ်တိုင် အသံနဲ့ ထုတ်ဖော်ပြောဆိုခွင့်ရှိတယ်လို့ ပြောပြီး လိုအပ်ချက်တွေကို ပြည်နယ်အစိုးရအနေနဲ့ရော ပြည်ထောင်စုအစိုးရအနေနဲ့ပါ အတတ်နိုင်ဆုံး ဖြည့်ဆည်းပေးဖို့စီစဉ်ပါမယ်လို့ ပြောဆိုခဲ့ပါတယ်။

“ချင်းပြည်နယ် တခုလုံးကို တာဝန်ယူရတဲ့ အစိုးရအဖွဲ့ကို မျှမျတတ အားလုံးအတွက် လုပ်ပေးရတဲ့ အခါကျတော့ ချင်းပြည်နယ်ထဲက ဒေသတွေအတွက် ညီညီမျှမျှ ဟားခါးဒေသအတွက်လုပ်ပေးပါမယ်လို့ ပြောတာဖြစ်ပါတယ်။ သဘောပေါက်ပါတယ်နော်။ အစိုးရအဖွဲ့နဲ့ ပြည်သူတွေ စကားပြောရင် ကောင်းလိမ့်မယ်။ ပိုပြီးတော့လည်း ချစ်ခင်မှုရှိရင်ကောင်းလိမ့်မယ်။” 

အထူးသဖြင့် ချင်းပြည်နယ်ထဲမှာ ကလေးသူငယ်ကြား ပညာသင်ကြားမှုတွေမှာ ဘာသာစကားအခက်အခဲကြုံနေရတာတွေကိုလည်း ချင်းပြည်သူတွေဘက်က ရင်ဖွင့်ခဲ့ကြပါတယ်။

ဘာသာစကားအခက်ခဲကြုံနေရတဲ့ ပညာရေးအခြေအနေအပါအဝင် ဆေးရုံဆေးခန်းတွေက ကျမ်းမာရေးဝန်ဆောင်မှုတွေနဲ့ပတ်သက်လို့ အတတ်နိုင်ဆုံး ဖြည့်ဆည်းဆောင်ရွက်ပေးဖို့ကိုလည်း ဒေါ်အောင်ဆန်းစုကြည်က ကတိပေးပြောဆိုခဲ့ပါတယ်။

“ကျမတို့က ဒီပြည်ထောင်စုတခုရဲ့ သားသမီးတွေဆိုတော့ မိသားစုစိတ်ဓါတ်နဲ့ အားလုံးလုပ်ရမယ်လို့ပြောလိုတာ။ အားလုံးဟာ တယောက်နဲ့ တယောက် ညှိနှိုင်းရမယ်၊ ဆွေးနွေးရမယ်၊ တိုင်ပင်ရမယ်။ သဘောမတူတဲ့အချက်တွေကို သဘောတူတဲ့ကိစ္စတခု အခြေအနေတခုကို ရောက်သွားအောင်ကြိုးစားပြီးတော့ဆောင်ရွက်ရမယ် ကျမတို့ အားလုံး ညီညွှတ်လို့ ရှိရင် ငြိမ်းချမ်းရေးရမယ်။ ကျမတို့ အားလုံးညီညွှတ်လို့ ရတဲ့ငြိမ်းချမ်းအပေါ်မှာ အခြေခံပြီးတော့ ကျမတို့ နိုင်ငံမှာ တနေ့နဲ့ တနေ့ စတင်ပြီးတော့ ဖွံ့ဖြိုးအောင်လုပ်နိုင်တယ်။” 

ပြည်နယ်နဲ့တိုင်းတွေထဲမှာ ဖွံ့ဖြိုးတိုးတက်မှု နောက်ကျသလို လမ်းပမ်းဆက်သွယ်ရေးအခက်ခဲတွေရှိတဲ့အပြင် ရာသီဥတုဒဏ်နဲ့ ပြည်နယ်အတွင်းမှာလည်း တိုင်းရင်းသားလက်နက်ကိုင်တပ်ဖွဲ့တချို့နဲ့မြန်မာအစိုးရ စစ်တပ်တို့ကြား စစ်ရေးတင်းမာမှုတွေကြောင့် ချင်းဒေသခံပြည်သူတွေ စစ်ဘေးလွတ်ရာကို တိမ်းရှောင်နေရပြီးတော့ နယ်မြေမတည်ငြိမ် မအေးချမ်းမှုတွေနဲ့ ရင်ဆိုင်ခဲ့ကြရတာတွေလည်းရှိပါတယ်။

မြစ်ဆုံစီမံကိန်း ပြည်သူရဲ့သဘောအတိုင်းသာ ဖြစ်ကြောင်း ဒေါက်တာ ဇော်မြင့်မောင် ပြော

မြစ်ဆုံစီမံကိန်းနဲ့ ပတ်သက်လို့ အမျိုးသားဒီမိုကရေစီအဖွဲ့ချုပ် ပါတီရဲ့ သဘောထားက ပြည်သူနဲ့ တစ်သားတည်းပဲရှိကြောင်း၊ ပြည်သူကိုပဲ မျက်နှာမူမှာဖြစ်ကြောင်း ပါတီရဲ့ ဒုတိယ ဥက္ကဋ္ဌ ၂ ဖြစ်တဲ့ မန္တလေးတိုင်းဝန်ကြီးချုပ် ဒေါက်တာ ဇော်မြင့်မောင် က သူ့ရဲ့ တာချီလိတ်ခရီးစဉ်မှာ မနေ့က ပြောကြားခဲ့ပါတယ်။

ဒေါက်တာ ဇော်မြင့်မောင်က မြစ်ဆုံစီမံကိန်းနဲ့ပတ်သက်လို့ ဘယ်လိုသတင်းမျိုးတွေပဲ ထွက်ထွက် NLD ပါတီကတော့ ပြည်သူ့အကျိုးကိုပဲ ရှေးရှုလုပ်ဆောင်ကြောင်း၊ ပြည်သူတွေနဲ့ ဆန့်ကျင်တာ မလုပ်ကြောင်း မနေ့က တာချီလိတ်ကို ရောက်ရှိချိန်မှာ ရွှေတြိဂံဒေသ သတင်းဌာနရဲ့ မေးမြန်းမှုကို ပြန်လည်ဖြေကြားခဲ့တာဖြစ်ပါတယ်။

NLD ပါတီ အစိုးရတာဝန်လွှဲပြောင်းရယူခဲ့ပေမယ့် မြစ်ဆုံစီမံကိန်းနဲ့ပတ်သက်လို့ တရုတ်နိုင်ငံနဲ့ တပ်မတော်အစိုးရတို့အကြား ချုပ်ဆိုခဲ့တဲ့ စာချုပ်တွေကို ဖတ်ရှုခွင့်မရခဲ့ကြောင်း၊ ဒါကြောင့် စုံစမ်းရေးကော်မရှင် ဖွဲ့စည်းပြီး စိစစ်လေ့လာနေတာ ပြီးစီးတော့မှာဖြစ်ကြောင်း၊ မကြာခင်မှာ အဖြေပေါ်လာတော့မှာဖြစ်ကြောင်းလည်း ဒေါက်တာ ဇော်မြင့်မောင်က ပြောကြားခဲ့ပါတယ်။

မြန်မာနိုင်ငံဆိုင်ရာ တရုတ်သံအမတ်ကြီး မစ္စတာ ဟုန်လျှံရဲ့ ဒီဇင်ဘာလအတွင်းက မြစ်ကြီးနားခရီးစဉ်မှာ မြစ်ဆုံရေအားလျှပ်စစ်စီမံကိန်းကို ပြန်လည်စတင်ဖို့ နိုင်ငံရေးပါတီတွေနဲ့ လူမှုအဖွဲ့အစည်းတွေကို ဖိအားပေးပြောဆိုတာတွေ ရှိခဲ့တာကြောင့် ပြည်သူတွေအကြား ဝေဖန်တာတွေ ပြန်လည်ထွက်ပေါ်ခဲ့သလို လက်ရှိ NLD အစိုးရကိုလည်း မေးခွန်းထုတ်တာတွေ ရှိလာခဲ့တာဖြစ်ပါတယ်။

Credit – Rfa Burmese

အခြေခံပညာကျောင်း စာမေးပွဲကာလ တိုက်ပွဲမဖြစ်ရေး SSPP ထိန်းသိမ်းမည်



ရှမ်းပြည်နယ် မြောက်ပိုင်း သီပေါမြို့နယ်မှာ ရှမ်းပြည်တိုးတက်ရေးပါတီ SSPP နဲ့ ရှမ်းပြည်ပြန်လည်ထူထောင်ရေး ကောင်စီ RCSS တို့ တိုက်ပွဲကြောင့် ထွက်ပြေးနေရတဲ့ ကျောင်းသူ၊ ကျောင်းသားတွေ စာမေးပွဲဖြေဆိုရေး အခက်အခဲမဖြစ်ဖို့အတွက် တိုက်ပွဲတွေမဖြစ်အောင် ထိန်းသိမ်းသွားမယ်လို့ SSPP က ပြောပါတယ်။

နေရပ်စွန့်ခွာထွက်ပြေးနေရသူတွေ သက်ဆိုင်ရာနေရပ်ကို ပြန်သွားပြီး လုပ်ငန်းခွင်မှာ အေးအေးချမ်းချမ်း လုပ်ကိုင်နိုင်ဖို့နဲ့ ကျောင်းသားတွေကို စာမေးပွဲ ကျင်းပပေးဖို့ သက်ဆိုင်ရာ ပညာရေးဌာန တာဝန်ရှိသူတွေကို စာပို့တောင်းဆိုသွားမယ်လို့ SSPP သတင်းနှင့် ပြန်ကြားရေး တာဝန်ခံ ဒုဗိုလ်မှူးကြီး စိုင်းစုက RFA ကို ဒီနေ့မနက်မှာ ပြောပါတယ်။

ရှမ်းတိုင်းရင်းသားများ ဒီမိုကရေစီအဖွဲ့ချုပ်ကလည်း ကျောင်းသူ၊ ကျောင်းသားတွေ စာမေးပွဲဖြေဆိုမယ့် အချိန်မှာ တိုက်ပွဲတွေမဖြစ်ဖို့ SSPP နဲ့ RCSS အဖွဲ့တွေကို စာပေးပို့တောင်းဆိုထားပါတယ်။

Credit – RFA Burmese

ရိုဟင်ဂျာဒုက္ခသည်တွေ ယန်ဟီးလီနဲ့ တွေ့ဖို့ပြင်ဆင်


မြန်မာပြည်ဝင်ခွင့်ပိတ်ပင်ခံထားရတဲ့ ကုလသမဂ္ဂရဲ့မြန်မာဆိုင်ရာ လူ့အခွင့်အရေး အထူး ကိုယ်စားလှယ် ယန်ဟီလီဟာ ထိုင်းနိုင်ငံကနေ ဘင်္ဂလားဒေ့ရ်ှနိုင်ငံဘက် ခရီးဆက်နေ ပါပြီ။ သူသွားရောက်ဖို့ရှိတဲ့ ရိုဟင်ဂျာဒုက္ခသည်စခန်းတွေမှာတော့ ကုလ လူ့အခွင့်အရေး အထူးကိုယ်စားလှယ် ရောက်လာရင် ရခိုင် ပြည်နယ်မှာ ဆိုးဆိုးရွားရွား သူတို့ ကြုံတွေ့ ရင်ဆိုင်ခဲ့ရတဲ့ လူ့အခွင့်အရေးချိုးဖောက်မှုတွေကို မျက်မြင်သက်သေ၊ မှတ်တမ်း အထောက်အထားတွေနဲ့တကွ တင်ပြနိုင်ရေး ဘင်္ဂလားဒေ့ရ်ှရောက် ရိုဟင်ဂျာဒုက္ခသည် တွေ ပြင်ဆင် နေကြတယ်လို့ ဒုက္ခသည်တွေကပြောပါတယ်။ ဒါ့အပြင် ရိုဟင်ဂျာဒုက သည်တွေ မြန်မာပြည် အမြန်ပြန်နိုင်ရေး မြန်မာအစိုးရကို တွန်းအားပေးဖို့အပါအဝင် သူတို့ကို ဘင်္ဂလားဒေ့ရ်ှအစိုးရက ပို့ဖို့ပြင်ထားတဲ့ Bhashan Char ကျွန်းကိစ္စကိုလည်း တင်ပြဆွေးနွေးသွားဖို့ရှိတယ်လို့ သိရပါတယ်။ မဆုမွန် စုစည်းတင်ပြထားပါတယ်။

ကုလသမဂ္ဂရဲ့ မြန်မာဆိုင်ရာ လူ့အခွင့်အရေး အထူးကိုယ်စားလှယ် ယန်ဟီးလီရဲ့ ထိုင်းနိုင်ငံနဲ့ ဘင်္ဂလားဒေရှ့် နိုင်ငံ ၁၁ ရက်ကြာ ခရီးစဉ်ကတော့ ကုလသမဂ္ဂလူ့အခွင့် အရေး မဟာမင်းကြီးရုံး ထုတ်ပြန်ချက်အရ ထိုင်းနိုင်ငံ ခရီးစဉ် အဆုံးသတ်ပြီး ဒီကနေ့ ဇန်နဝါရီလ ၁၉ မှာတော့ ဘင်္ဂလားဒေ့ရ်ှခရီးစဉ် စတင်ပြီဖြစ်ပါတယ်။ ဒီကနေ့ မှာတော့ ဘင်္ဂလားဒေရှ့် နိုင်ငံ မြို့တော် ဒါကာကို ဆိုက်ရောက်မှာဖြစ်သလို အဲ့ဒီ့ကတဆင့် ရိုဟင်ဂျာ ဒုက္ခသည်တွေ ရှိရာ ကောဇ့်ဘဇားက ဒုက္ခသည်စခန်းတွေကို သွားရောက်ဖို့ လည်း အစီအစဉ်ရှိပါတယ်။

မြန်မာနိုင်ငံတွင်း အထူးသဖြင့် ရခိုင်ပြည်နယ်တွင်း စစ်တပ်နဲ့ နယ်စပ်လုံခြုံရေး တပ် စခန်းတွေကို ဝင်ရောက်တိုက်ခိုက်ခဲ့တဲ့ ARSA အစွမ်းရောက်အဖွဲ့ရဲ့ အကြမ်းဖက် တိုက်ခိုက်မှုတွေနောက်ပိုင်း စစ်တပ်ရဲ့ နယ်မြေရှင်းလင်းမှုတွေကြား သူတို့ရင်ဆိုင်ခဲ့ရတဲ့ လူ့အခွင့်အရေးချိုးဖောက်မှုတွေနဲ့ပတ်သက်လို့ ကုလအထူးကိုယ်စားလှယ် ယန်ဟီးလီ ရိုဟင်ဂျာ ဒုက္ခသည်စခန်းတွေကို လာရောက်ချိန် ပြသဖို့ မျက်မြင်သက်သေ မှတ်တမ်း အထောက်အထားတွေ လူ့အခွင့်အရေးချိုးဖောက်ခံရမှုတွေကို တင်ပြနိုင်ဖို့ ပြင်ဆင်နေ ကြတယ်လို့ ရိုဟင်ဂျာဒုက္ခသည်တွေကပြောပါတယ်။ 

ကိုယ်တိုင်တွေ့ဆုံနိုင်ဖို့ စီစဉ်ထားတဲ့ ဘင်္ဂလားဒေ့ရ်ှနိုင်ငံ ကော့ဇ်ဘဇားအနီး ဘာလုခါလီ ဒုက္ခသည်စခန်းနေ ရိုဟင်ဂျာဒုက္ခသည် ဦးအီစလံက ယန်ဟီးလီခရီးစဉ်နဲ့ပတ်သက်ပြီး သူတို့ကို ဒုက္ခသည်စခန်းတာဝန်ရှိသူတွေက ပြောပြထားတာနဲ့ ယန်ဟီးလီလာရင် သူတို့ တင်ပြဖို့ ပြင်ဆင်နေတာတွေကို အခုလိုရှင်းပြပါတယ်။

“ဟုတ်ကဲ့ပါ။ သူလာမယ်ဆိုပြီးတော့ ဒုက္ခသည်စခန်းရဲ့တာဝန်ခံအရာရှိက ကျနော်တို့ကို ကြိုပြီးတော့ ပြော ထားတာရှိတယ်။ ယန်းဟီးလီလာရင် ကျနော်တို့က ရခိုင်ပြည်နယ်မှာ ကြုံခဲ့တဲ့ပြဿနာရဲ့ ဖြစ်စဉ်နဲ့ပတ်သက်ပြီးတော့ ကျနော်တို့ သူ့ကို တင်ပြဖို့ရှိပါတယ်။ ကျနော် တို့က လူ့အခွင့်အရေး ချိုးဖောက်ခံခဲ့ရတာတွေ။ နောက် အစုလိုက် အပြုံလိုက် သတ်ဖြတ် ခံရတဲ့လူတွေရဲ့ အကြောင်းကို သူ့ကိုကျနော်တို့က တင်ပြဖို့ရှိပါတယ်။ သူလာမယ်ဆိုရင် ကျနော်တို့က ချိုးဖောက်ခံရတဲ့အမျိုးသမီးတွေ၊ အမျိုးသားတွေ ဒုက္ခသည်စခန်းမှာရှိတဲ့သူတွေ သူနဲ့တွေ့ဆုံဖို့ စီစဉ်ထား ပါတယ်ခင်ဗျ။ ကျနော်တို့ရဲ့အရေးကိစ္စကို ထိရောက်အောင် ဆောင်ရွက်ပေးဖို့အတွက် ကျနော်တို့က သူ့ကို အသေးစိတ် တင်ပြဖို့ရှိပါတယ်။ ”

ကုလအထူးကိုယ်စားလှယ် ယန်ဟီးလီ နဲ့တွေ့ဆုံရင်တော့ သူတို့ရဲ့ နေရပ်ရင်းတွေကို အမြန်ဆုံးပြန်လိုကြောင်းနဲ့ ရခိုင်ပြည်နယ်တွင်း တိမ်းရှောင်ထွက်ပြေးချိန် ချန်ရစ်ခဲ့ရတဲ့ ဥစ္စာပစ္စည်းတွေ၊ သူတို့ဆုံးရှုံးနစ်နာခဲ့ရတာတွေ အတွက် တရားမျှတမှုရစေဖို့ မြန်မာအစိုးရကို တိုက်တွန်းတောင်းဆိုပေးဖို့ ယန်ဟီးလီကို တင်ပြမယ်လို့လည်း ရိုဟင်ဂျာဒုက္ခသည်တဦးဖြစ်တဲ့ ဦးမောင်မောင်ကပြောပါတယ်။

“ဟုတ်ကဲ့ပါ။ အဓိက ပထမ အစိုးရဆီက တောင်းဆိုချင်တဲ့သဘောကတော့ ကျနော်တို့ မူလနေရာရရှိဖို့နဲ့ ကျနော်တို့ လူ့အခွင့်အရေး ချိုးဖောက်ခံရတဲ့ ကြုံခဲ့ရတာတွေကို သူ့ကိုကျနော်တို့ တင်ပြဖို့ စီစဉ်ထားပါတယ်။ သူ နယူးယောက်ကိုပြန်သွားပြီးတော့ ကုလသမဂ္ဂအထွေထွေညီလာခံမှာ ကျနော်တို့ရဲ့ အရေးကို အဲဒီအစည်းအဝေးမှာ သူက အစီရင်ခံစာတင်ပြီးတော့ ကျနော်တို့ကို မူလနေရာရောက်အောင်၊ ကျနော်တို့နိုင်ငံသားအခွင့်အရေးအပြည့်အဝရအောင် သွားလာခွင့်ရရှိအောင်၊ ကျနော်တို့ ဆုံးရှုံးခဲ့ရတဲ့ ဥစ္စာပစ္စည်း ဟူသမျှပြန်ရအောင် ကျနော်တို့က အဲဒါ တောင်းဆိုသွားမှာပါ။”

ကုလအထူးကိုယ်စားလှယ် ယန်ဟီလီဟာ သူ့ ဘင်္ဂလားဒေ့ရ်ှခရီးစဉ်အတွင်းမှာတော့ ဘင်္ဂလားဒေ့ရ်ှအစိုးရက ရိုဟင်ဂျာဒုက္ခသည်တချို့ကို နေရာချထားပေးဖို့ စီစဉ်နေတဲ့ Bhashan Char ကိုလည်း သွားရောက်မှာ ဖြစ်ပါ တယ်။ ရခိုင်ပြည်နယ်က ထွက်ပြေး လာကြတဲ့ ရိုဟင်ဂျာဒုက္ခသည်တွေ နေရပ်ပြန်ရေး အစီအစဉ်က တိုးတက် မှုတွေ မရှိသေး တဲ့အတွက် ယာယီစခန်းသစ်ကိုပြောင်းရွှေ့ဖို့ ဘင်္ဂလားဒေ့ရ်ှဝန်ကြီးချုပ် စီစဉ်ထားတာဖြစ် ပေ မယ့်လည်း ဒီကျွန်းကို ဒုက္ခသည်တွေဘက်က သွားလိုတဲ့ဆန္ဒမရှိကြောင်း အဲ့ဒီ့ကိစ္စနဲ့ ပတ်သက်ပြီး တော့ ကုလအထူးကိုယ်စားလှယ်လာရင် တင်ပြဖို့ ရှိတယ်လို့လည်း ရိုဟင်ဂျာဒုက္ခသည် ဦးအီစလံက ပြောပါတယ်။

“ဒုက္ခသည်စခန်းမှာ မနက်ဖြန် ၂၀ ရက်၊ သို့မဟုတ် ၂၁ ရက်မှာ ကျနော်တို့ ဘာလုခါလီ ဒုက္ခသည်စခန်းကို လာမယ်လို့ယူဆတယ်။ နောက် အဲ့ဒီ့ကနေ သူက Bhashan Char ကျွန်းကိုလည်း သွားရောက်ကြည့်ရှုမယ်လို့ သတင်းကြား ထားပါတယ်။ Bhashan Char ကျွန်းကတော့ ပင်လယ်သမုဒ္ဒရာရဲ့အလယ်ဗဟိုမှာ ကျရောက်နေတော့ ကျနော်တို့က အဲဒီကျွန်းကို သွားဖို့ဆိုတာ စိုးရိမ်ပါတယ်။ ကျနော်တို့က ကျနော်တို့ရဲ့နေရပ်ရင်း မြန်မာနိုင်ငံကို ပြန်နိုင်ရေးအတွက် လုပ်ဆောင်ပေးဖို့ အဓိက လုပ်စေချင်ပါတယ်။. ။ Bhashan Char ကျွန်းက ပင်လယ်သမုဒ္ဒရာရဲ့အတွင်း Bhashan Char ကျွန်းမှာ သွားဖို့ကတော့ စိုးရိမ်နေပါတယ်။”

ကုလအထူးကိုယ်စားလှယ် ယန်ဟီးလီ ဟာ သူ့ခရီးစဉ် အဆုံး ဇန်နဝါရီလ ၂၄ ရက်နေ့ မှာတော့ ဒါကာ မြို့တော်က Ascott Residence ဟိုတယ်မှာ သတင်းစာ ရှင်းလင်းပွဲ ကျင်းပမှာပါ။ သူ့ခရီးစဉ်အတွင်း တွေ့ရှိချက်တွေကိုတော့ ကုလ အထူးကိုယ်စားလှယ်က လာမယ့် မတ်လ လူ့အခွင့်အရေးကာင်စီရဲ့ အကြိမ် ၄၀ မြောက် ညီလာခံမှာ တင်ပြမှာ လည်း ဖြစ်ပါတယ်။

မြန်မာအစိုးရဘက်ကတော့ ကုလသမဂ္ဂရဲ့ မြန်မာဆိုင်ရာ လူ့အခွင့်အရေး အထူး ကိုယ်စားလှယ် ယန်ဟီးလီရဲ့ မြန်မာနိုင်ငံဆိုင်ရာ လူ့အခွင့်အရေး အစီရင်ခံစာတွေ ဟာ မှန်ကန်မှုမရှိဘူး တဖက်သတ် ဆန်တယ်လို့ ပြောဆိုထားပြီး ကုလသမဂ္ဂရဲ့ မြန်မာ ဆိုင်ရာ လူ့အခွင့်အရေး အထူးကိုယ်စားလှယ် ကို ပြီးခဲ့တဲ့ ၂၀၁၇ ခုနှစ် ဒီဇင်ဘာလ ကတည်းက ပြည်ဝင်ခွင့် ပိတ်ထားတာ ဖြစ်ပါတယ်။ ကုလသမဂ္ဂရဲ့ မြန်မာဆိုင်ရာ လူ့ အခွင့်အရေး အထူးကိုယ်စားလှယ်နဲ့ ပူးပေါင်းဆောင်ရွက်ဖို့ မြန်မာအစိုးရကို ကုလသမဂ္ဂ ဘက်က တိုက်တွန်းထားပေမဲ့လို့ မြန်မာအစိုးရဘက်ကတော့ ကုလသမဂ္ဂရဲ့ လူ့အခွင့် အရေးဆိုင်ရာ မူတွေကို ဆန့်ကျင်နေတာ မဟုတ်ဘဲ အထူးကိုယ်စားလှယ်ကို လူပုဂ္ဂိုလ် အနေနဲ့ ကန့်ကွက်နေတာ လက်မခံတာ ဖြစ်တယ်လို့ ကုလသမဂ္ဂဆိုင်ရာ မြန်မာ သံအမတ်ကြီး ဦးဟောက်ဒိုဆွမ် က ဗွီအိုအေမြန်မာပိုင်းကို ပြောဆိုထားပါတယ်။

Credit – VOA Burmese

မြန်မာကို ကမ္ဘာလှည့် လာရောက်မှု ၃% မြင့်တက်ခဲ့

မြန်မာနိုင်ငံကို ပြီးခဲ့တဲ့နှစ်ထဲ လာရောက်လည်ပတ်ကြတဲ့ ကမ္ဘာလှည့်ခရီးသွားဦးရေ မြင့်တက်ခဲ့တယ်လို့ ဟိုတယ်နဲ့ ခရီးသွားလာရေးဝန်ကြီးဌာနက ပြောဆိုလိုက်ပါတယ်။

ပြီးခဲ့တဲ့ ၂၀၁၈ ဒီဇင်ဘာမှာ ကုန်ဆုံးသွားတဲ့ ၁၂ လတာ ကာလအတွင်း မြန်မာနိုင်ငံကို လာရောက်လည်ပတ်သူ ခရီးသွားဦးရေဟာ ၃ % အထိ မြင့်တက်ခဲ့တဲ့အတွက် ခရီးသွားဦးရေ ၁ ဒဿမ ၄ သန်း ရှိခဲ့တာဖြစ်ပါတယ်။ ပြီးခဲ့တဲ့ ၂၀၁၇ တုန်းက မြန်မာနိုင်ငံကို လာရောက် လည်ပတ်သူဦးရေ ၁ ဒသမ ၁ သန်းသာ ရှိခဲ့တာပါ။

မြန်မာနိုင်ငံကို မနှစ်က အများဆုံး လာရောက်လည်ပတ်ခဲ့တဲ့နိုင်ငံကတော့ အမေရိကန်ဖြစ်ပြီး  ၆ သောင်း ၅ ထောင်ကျော် ရှိခဲ့တာပါ။ ဒုတိယအများဆုံးကတော့ ဥရောပနိုင်ငံတွေဖြစ်ကြတဲ့ ပြင်သစ်၊ ဗြိတိန်နဲ့ ဂျာမနီဖြစ်ပါတယ်။

အာရှကဆိုရင်တော့ မြန်မာနိုင်ငံကို လာရောက်လည်ပတ်သူ ၁ သန်းကျော်ရှိခဲ့တာပါ။ တရုတ်နိုင်ငံက အများဆုံးဖြစ်ပြီး၊ ထိုင်း၊ ဂျပန်၊ တောင်ကိုရီးယားနဲ့ စင်္ကာပူနိုင်ငံတွေက ဖြစ်ကြပါတယ်။

မြန်မာနိုင်ငံမှာ နိုင်ငံရေးပြဿနာတွေအပြင် ဒေါ်လာဈေးမတည်ငြိမ်မှုနဲ့ ရေကြီးမှုလို သဘာဝဘေးအန္တရာယ်တွေရှိခဲ့ပေမဲ့ ကမ္ဘာလှည့်ခရီးသွားဦးရေကတော့ မြင့်တက်လာနေတာလည်း ဖြစ်ပါတယ်။

Credit – RFA Burmese

သာသနာညှိုးနွမ်းစေမှုနဲ့ တရားစွဲခံထားရတဲ့ ခရစ်ယာန် ဓမ္မဆရာတော်ကို အာမခံပေး

စစ်ကိုင်းမြို့ မင်းကွန်းအကယ်ဒမီကျောင်း ဓမ္မစေတီအောင်မြေဘုံကျော်ကျောင်းတိုက်မှာ ဖြစ်ပွားခဲ့တဲ့ ခရစ်ယာန် ဓမ္မဆရာတော်တစ်ပါးက ဗုဒ္ဓဘာသာဝင်တွေကို ခရစ်ယာန်ဘာသာရေး အယူအဆတွေ ဟောပြောခဲ့တာနဲ့ ပတ်သက်ပြီး သာသနာညှိုးနွမ်းစေမှု ပုဒ်မ ၂၉၅ (က) တရားစွဲဆိုထားတာကို စစ်ကိုင်းမြို့နယ် တရားရုံးက အာမခံပေးလိုက်ပါတယ်။

ခရစ်ယာန်ဓမ္မဆရာ ဦးအောင်ထွန်းဦးအနေနဲ့ ဒီလထဲ နှလုံးခွဲစိတ်ကုသဖို့ရှိတဲ့အတွက် အာမခံလျောက်ထားတာကို စစ်ကိုင်းမြို့နယ် တရားရုံးက မနေ့က အာမခံပေးလိုက်တာဖြစ်ပါတယ်။

ပြီးခဲ့တဲ့ ဒီဇင်ဘာလ ၈ ရက်နေ့က ဓမ္မစေတီအောင်မြေဘုံကျော်ကျောင်းတိုက်မှာ သာမဏေတွေ၊ သီလရှင်တွေနဲ့ ကျောင်းသူ၊ ကျောင်း သားတွေကို လက်အုပ်ချီစေပြီး ခရစ်ယာန်ဘာသာရေးအရ ဆုတောင်းဟောပြောတာတွေ ပြုလုပ်ခဲ့တဲ့ ဗွီဒီယိုဖိုင် လူမှုကွန်ရက်စာမျက်နှာမှာ ပျံ့နှံ့ခဲ့ပြီးနောက်မှာ ဝေဖန်မှုတွေများခဲ့ပါတယ်။

ဗုဒ္ဓဘာသာဝင်တွေကို ခရစ်ယာန်ဘာသာရေးဟောပြောတာကို မကွေးကျောင်းဆရာတော် ဦးမောက္ခက သာသနာညှိုးနွမ်းစေမှုနဲ့ စစ်ကိုင်းမြို့နယ် တရားရုံးမှာ ဒီဇင်ဘာလ (၁၂) ရက်နေ့က တရားစွဲလိုက်တာဖြစ်ပါတယ်။

အမှုကို လာမယ့် ဇန်နဝါရီလ ၂၈ ရက်နေ့မှာ ထပ်မံစစ်ဆေးဖို့ ချိန်းဆိုလိုက်ပါတယ်။

Credit – RFA Burmese

ကြံ့ခိုင်ရေး လွှတ်တော်အမတ်ကို NLD က ပုဒ်မ ၅၀၅ (ခ) နဲ့တရားစွဲတာ တရားရုံးလက်ခံ

မန္တလေးတိုင်းဒေသကြီး ရမည်းသင်းခရိုင် ပျော်ဘွယ်မြို့နယ်က မဲဆန္ဒနယ် အမှတ်(၁) တိုင်းဒေသကြီး လွှတ်တော် ကိုယ်စားလှယ်ကို ရမည်းသင်းခရိုင် အမျိုးသားဒီမိုကရေစီအဖွဲ့ချုပ်ပါတီ ဒု-ဥက္ကဋ္ဌ က ပုဒ်မ ၅၀၅ (ခ) နဲ့ တရားစွဲဆို ထားတာကို ဒီကနေ့ တရားရုံးက လက်ခံလိုက်ပါတယ်။

ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ တိုင်းဒေသကြီးလွှတ်တော် ကိုယ်စားလှယ် ဦးတင်စိုးဟာ ပြီးခဲ့တဲ့နှစ် နိုဝင်ဘာလ ၁၁ ရက်နေ့က ပျော်ဘွယ်မြို့နယ် ကြက်တည်ရွာမှာ ပြည်သူတွေကို ဘာသာရေး၊ လူမျိုးရေးအရ မဟုတ်မမှန်တာတွေကို ဟောပြောခဲ့ပြီး ပြည်သူတွေ အထိတ်တလန့်ဖြစ်စေတာမို့ ရမည်းသင်းခရိုင် NLD ပါတီ ဒု-ဥက္ကဋ္ဌ ဦးညီညီလွင်က ပျော်ဘွယ်မြို့နယ် တရားရုံးကို ဦးတိုက်လျှောက်ခဲ့တာ ဖြစ်ပါတယ်။

မန္တလေးတိုင်းဒေသကြီး NLD ပါတီ ဗဟိုအလုပ်အမှုဆောင်အဖွဲ့ရဲ့ ညွှန်ကြားချက်အပါအဝင် ဦးညီညီလွင် ကိုယ်တိုင်ကလည်း အမှုဖွင့်လိုတဲ့အတွက် အခုလို တရားစွဲလိုက်တာဖြစ်ပြီး တစ်ဖက်ပါတီကို မလိုလားလို့ မဟုတ်ဘူးလို့ ဦးညီညီလွင်က RFA ကို ပြောပါတယ်။

ပြည်သူ့ကိုယ်စားလှယ်တစ်ဦးဟာ ဒေသဆိုင်ရာလုပ်ငန်းတွေ ကွင်းဆင်းလုပ်ဆောင်နေစဉ် ဒီမိုကရေစီစနစ်မှာ အခုလို လုပ်ဆောင်နေသူတွေကို တရားစွဲတာဟာ ဒီမိုကရေစီ အသွင်ကူးပြောင်းရေးကို နောက်ပြန်ဆွဲနေ တာလားလို့ သံသယဖြစ်မိတယ်လို့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ပြောခွင့်ရသူ ဦးသိန်းထွန်းဦးက RFA ကို  ပြောပါတယ်။

တရားစွဲခံရသူ ဦးတင်စိုးဟာ လက်ရှိကျန်းမာရေးမကောင်းဖြစ်နေတာမို့ ဒီကိစ္စနဲ့ပတ်သက်လို့ သူကတာဝန်ယူ ဖြေကြားပေးနေတာလို့လည်း ဦးသိန်းထွန်းဦးက ပြောပါတယ်။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

Credit – RFA Burmese

မြန်မာအိမ်အကူကိုနှိပ်စက်တဲ့ စင်္ကာပူအိမ်ရှင်လင်မယား အပြစ်ရှိကြောင်း တရားရုံးဆုံးဖြတ်

စင်္ကာပူနိုင်ငံမှာ အိမ်အကူ မြန်မာမိန်းကလေးကို နှိပ်စက်တဲ့ဇနီးမောင်နှံမှာ အပြစ်ရှိတယ်လို့ ခရိုင်တရားရုံး တခုက ဒီကနေ့ အမိန့်ချလိုက်ပါတယ်။

အိမ်အကူ မဖြူဖြူမာကို ရေနွေးပူနဲ့ ကိုယ့်ကိုကိုယ် လောင်းခိုင်းမှုအပါအဝင် ကိုယ်ထိလက်ရောက်ကျူးလွန်မှု ၅ မှု အပြင် ဓါတုဆေးရည်နဲ့ ကြမ်းတိုက်ထားတဲ့အရည်တွေကို အတင်းသောက်ခိုင်းမှုတို့နဲ့ အသက် ၃၉ နှစ်အရွယ် Linda Seah မှာအပြစ်ရှိတယ်လို့ တရားရုံးက ဆုံးဖြတ်ခဲ့ပါတယ်။ သူ့ရဲ့ခင်ပွန်း အသက် ၄၄ နှစ်အရွယ် Lim Toon Leng ကိုလည်း ကိုယ်ထိလက်ရောက်ကျူးလွန်မှု ၁ မှုနဲ့ အပြစ်ရှိကြောင်း တွေ့ရှိပါတယ်။

သူတို့ရဲ့နေအိမ်မှာ ကျူးလွန်ခဲ့မှုတွေကို တရားရုံးမှာ စစ်ဆေးကြားနာခဲ့တာမှာ အလုပ်ရှင် Seah က သူ့ကို ရေနွေးပူနဲ့ ကိုယ့်ကိုကိုယ်လောင်းချဖို့ ၂ ကြိမ်ခိုင်းခဲ့တယ်လို့ မဖြူဖြူမာက ထွက်ဆိုသွားပါတယ်။ အနာကို ဆေးခန်းပြပေးရမယ့်အစား အပ်ချွန်နဲ့လည်း ကိုယ့်ကိုကိုယ် ထိုးခိုင်းခဲ့တယ်လို့ ပြောပါတယ်။ ဒါတင်မက ကြမ်းတိုက်ထားတဲ့ရေကို အတင်းသောက်ခိုင်းတာ၊ ခေါင်းကိုကြမ်းပြင်နဲ့ဆောင့်တာ၊ ဆံပင်တွေ အများကြီး ကျွတ်သွားတဲ့အထိ ဆံပင်ဆောင့်ဆွဲတာ၊ Mobile လက်ကိုင်ဖုန်းနဲ့ အကြိမ်ကြိမ် ရိုက်တာတွေကိုလည်း Linda Seah က ကျူးလွန်ခဲ့ပါတယ်။

သူ့ရဲ့ယောင်္ကျားကလည်း မဖြူဖြူမာကို ၂ ကြိမ် လက်သီးနဲ့ ထိုးခဲ့ပါတယ်။ Linda နဲ့ Lim တို့ဟာ နားလည်မှုရှိတဲ့ အလုပ်ရှင်တွေအဖြစ် သူတို့ကိုယ်သူတို့ ပုံဖော်နေကြပေမယ့် လုံးဝအမှန်မဟုတ်ဘူးလို့ တရားသူကြီးက ဒီကနေ့ အမိန့်ချစဉ်မှာ ပြောကြားခဲ့ပါတယ်။ Orchard Road လမ်းမကြီးပေါ်က Anew Me Beauty Aesthetic အလှပြင် ဆိုင်မှာ မန်နေဂျာလုပ်တဲ့ Linda Seah က မဖြူဖြူမာကို သူ့အလုပ်ကိုခေါ်သွားရာက အလုပ်သမား တယောက် က အခြေအနေကို ရဲကိုအကြောင်းကြားခဲ့တာ ဖြစ်ပါတယ်။

၂၀၁၆ အောက်တိုဘာ ၁၅ ရက်နေ့မှာ သူတို့နေအိမ်ကိုရဲကဝင်ရှာပြီး မဖြူဖြူမာကိုလည်း Khoo Teck Puat ဆေးရုံပို့ခဲ့ပါတယ်။ မဖြူဖြူမာဟာ ဆေးရုံမှာ ၆ ရက် တက်ရောက် ကုသခဲ့ ရပါတယ်။

၂၀၁၆ ခုနှစ် ဖေဖော်ဝါရီကနေ အောက်တိုဘာလအတွင်း အလုပ်လုပ်ခဲ့တဲ့လစာကိုလည်း မပေးတာကြောင့် စင်္ကာပူ ပြည်သူ့အင်အား ဦးစီး ဌာနက ဝင်ရောက်ဖြေရှင်းလို့ အဲဒီနှစ် နိုဝင်ဘာလကျမှ လခကို အပြည့်ပြန်ရ တယ်လို့ အစိုးရရှေ့နေတွေက ပြောပါတယ်။ ဒီအမှုအတွက် ပြစ်ဒဏ်ကိုတော့ February လ ၁၁ ရက်နေ့မှာ အမိန့်ချမှာဖြစ်ပါတယ်။

ရခိုင်အခြေအနေမတည်ငြိမ်လို့ အာဆီယံအကူအညီ ယာယီဆိုင်းငံ့

ရခိုင်ပြည်နယ်အရေး အရှေ့တောင်အာရှ နိုင်ငံများအသင်း (Asean) က ကူညီဖို့ ကြိုးပမ်း နေပေမယ့် လတ်တလော အခြေအနေကြောင့် ဆိုင်းငံ့ထားရကြောင်း ထိုင်းနိုင်ငံက ပြောဆိုလိုက်ပါတယ်။

ရခိုင်ပြည်နယ်က လက်ရှိအခြေအနေတွေအရ အားလုံးကို ဆိုင်းငံ့ထားရကြောင်းနဲ့ အခြေ အနေတွေအားလုံး ရှင်းရှင်းလင်းလင်း ဖြစ်တဲ့အချိန်ရောက်ရင်တော့ မြန်မာနိုင်ငံနဲ့ ရခိုင်ပြည်နယ်မှာ အာဆီယံရဲ့ စုပေါင်းကြိုးပမ်းမှု တွေကို အထင်အရှားတွေ့ရမှာ ဖြစ်ကြောင်း အာဆီယံရဲ့ အလှည့်ကျဥက္ကဋ္ဌ ထိုင်းနိုင်ငံက နိုင်ငံခြားရေးဝန်ကြီး Don Pramudwinai ကပြောဆိုလိုက်တာ ဖြစ်ပါတယ်။ အာဆီယံ အလှည့်ကျ ဥက္ကဋ္ဌအဖြစ် အသင်းဝင် ၁၀ နိုင်ငံက နိုင်ငံခြားရေး ဝန်ကြီးတွေရဲ့ ထိုင်းနိုင်ငံ ချင်းမိုင်မြို့က ၂ ရက်ကြာ အစည်းအဝေး အဆုံးသတ်ချိန်မှာ ကျင်းပတဲ့ သတင်းစာရှင်းလင်းပွဲအတွင်း မြန်မာနိုင်ငံက အခြေအနေတွေနဲ့ ပတ်သက်လို့ အာဆီယံရဲ့ ဆောင်ရွက်ချက်တွေကို ထိုင်းနိုင်ငံခြားရေး ဝန်ကြီးက ပြောဆိုခဲ့တာပါ။

၂၀၁၇ ခုနှစ်တုန်းက ရခိုင်ပြည်နယ်မှာရှိတဲ့ ရဲကင်းစခန်းတွေကို စီးနင်းတိုက်ခိုက်ခဲ့တဲ့ ARSA အစွန်းရောက် အုပ်စုကို လိုက်လံရှင်းလင်းရာက သိန်းနဲ့ချီတဲ့ ရိုဟင်ဂျာတွေ အိမ်နီးချင်း ဘင်္ဂလားဒေ့ရ်ှနိုင်ငံကို ထွက်ပြေးခဲ့ ရတဲ့အတွက် မြန်မာနိုင်ငံအပေါ် နိုင်ငံတကာက ဝေဖန်နေသလို အာဆီယံအနေနဲ့လည်း အသင်းဝင်နိုင်ငံ တနိုင်ငံက ပြဿနာကို ဖြေရှင်းဖို့ တိုက်တွန်းမှုတွေလည်း ထွက်ပေါ်နေတာပါ။

မြန်မာအစိုးရကတော့ ရိုဟင်ဂျာဆိုတဲ့ အမည်ကို တရားဝင် အသိအမှတ်ပြု လက်ခံ မထားပေမယ့် နေရပ်စွန့်ခွာ သွားသူတွေကို ပြန်လည်လက်ခံဖို့ ကတိပြုထားပါတယ်။ တချိန်တည်းမှာပဲ ရခိုင်ပြည်နယ်မှာ ရခိုင် လက်နက်ကိုင် တပ်ဖွဲ့ AA က ပြီးခဲ့တဲ့ နှစ်ကုန်ပိုင်းမှာပဲ ရဲကင်းစခန်းတွေကို စီးနင်းတိုက်ခိုက်ရာက တကျော့ပြန် တိုက်ပွဲတွေ ကြီးထွားလာနေတဲ့အတွက် ပြည်တွင်းပြည်ပက စိုးရိမ်မကင်းသံတွေလည်း ထွက်ပေါ်နေတာ ဖြစ်ပါတယ်။

အတိုင်ပင်ခံနဲ့သမ္မတရုံး ညွှန်ကြားချက်အရ AA ကို စစ်ဆင်နေဟု စစ်တပ်ရှင်းလင်း

ရက္ခိုင့်တပ်မတော် AA ကို စစ်ဆင်ရေးလုပ်ဆောင်တာဟာ ဒေါ်အောင်ဆန်းစုကြည်ရဲ့ မှာကြားချက်၊ သမ္မတရုံးရဲ့ ညွှန်ကြားချက် အတိုင်း လုပ်ဆောင်နေတာ ဖြစ်တယ်လို့ တပ်မတော်ဘက်ကပြောဆိုလိုက်ပါတယ်။ ဒ့ါအပြင် လက်ရှိတိုက်ပွဲတွေ ရပ်တန့်လိုက်ဖို့ ရက္ခိုင့်တပ်မတော်ရဲ့ လုပ်ဆောင် ချက်တွေအပေါ်မှာသာ မူတည်တယ်လို့ တပ်မတော် ဘက်က ပြောလိုက်ပြီး ရက္ခိုင့်တပ်မတော်ဘက်က တောင်းဆိုထားတဲ့ ကိုယ်ပိုင် အုပ်ချုပ်ခွင့် တောင်းဆိုချက်ကို တပ်မတော်ဘက်က လုံးဝလက်မခံကြောင်း ပြောဆို လိုက်ပါတယ်။ ဒီသတင်းကို ဗွီအိုအေ သတင်းထောက် မေခက ပေးပို့ထားပါတယ်။

ဒီကနေ့နေပြည်တော်စစ်သမိုင်းပြတိုက်မှာပြုလုပ်တဲ့ သတင်းစာရှင်းလင်းပွဲမှာ တပ်မတော် ဘက်က အခုလိုပြောသွားခဲ့တာပါ။ လက်ရှ်ိ ရခိုင်ပြည်နယ်မှာဖြစ်ပွားနေတဲ့ တိုက်ပွဲ အခြေ အနေနဲ့ပတ်သက်လို့ ဒီသတင်းစာ ရှင်းလင်းပွဲမှာ တပ်မတော်သတင်းမှန် ပြန်ကြားရေး ကော်မတီ ဒုတိယဥက္ကဋ္ဌ ဗိုလ်ချုပ်ထွန်းထွန်းညီက အခုလို ပြောသွားခဲ့တာ ဖြစ်ပါတယ်။

“သမ္မတရုံးရဲ့ ညွှန်ကြားချက်အတိုင်း ဇန်နဝါရီလ ၄ ရက်နေ့မှာ သောင်းကျန်းသူ နှိမ်နင်း ရေးစစ်ဆင်ရေး လုပ်ခဲ့ တာမှာ ဇန်နဝါရီလ ၅ ရက်နေ့ကနေ ပြီးခဲ့တဲ့ ၁၆ ရက် နေ့အထိ ထိတွေ့တိုက်ပွဲ ၈ ကြိမ်။ နောက်ပိုင်းဖြစ်ချိန် ၅ ကြိမ် ဖြစ်ပွားခဲ့ပါတယ်။ အဲဒီမှာ AA သောင်း ကျန်းသူ ဆီကနေအလောင်း ၁၃ လောင်း ရရှိပြီးတော့ မိမိဘက်ကနေ အရာရှိ စစ်သည် အချို့ ကျဆုံးဒဏ်ရာရရှိခဲ့ပါတယ်။ ဒါကြောင့်မို့လို့ နယ်မြေစစ်ဆင်ရေးကို ထိထိ ရောက်ရောက် ဆောင်ရွက်လျက်ရှိကြောင်း ကျနော့်အနေနဲ့ ရှင်းလင်းတင်ပြ လိုက်ပါတယ်။”

လက်ရှိမှာ တပ်မတော်ဘက်က ပြီးခဲ့တဲ့ ဒီဇင်ဘာ ၂၁ ရက်နေ့က တဖက်သတ် အပစ်ရပ် ခဲ့ပြီးဖြစ်ပေမယ့် ဒီလို လုပ်ဆောင်တာမှာ တပ်မတော်ဘက်က လက်ရှိ AA နဲ့တိုက်ပွဲတွေ ဖြစ်နေတဲ့ အနောက်ပိုင်းတိုင်း စစ်ဌာနချုပ် မပါဝင်တဲ့အပေါ် ဝေဖန်မှုတွေ ရှိနေခဲ့ပါတယ်။ ဒီအပေါ်မှာ ဗိုလ်ချုပ်ထွန်းထွန်းညီပြောသွားတဲ့ အကြောင်းပြချက် တွေထဲမှာ ARSA က ဝင်တိုက်ထားဖူးတာ၊ နောက်ထပ် တိုက်ခိုက်နိုင်ခြေ သတင်းတွေရထားတာအပြင် –

“ရခိုင်ပြည်နယ် အခြေပြုပြီးတော့မှ လှုပ်ရှားဆောင်ရွက်နေတဲ့ AA က သူ့ရဲ့အခြေပြု နေရာက လိုင်ဇာမှာဖြစ်တဲ့ အတွက် ကျနော်တို့အနေနဲ့ကတော့ ARSA ရဲ့ အန္တရာယ်ကိုပဲ ကျနော်တို့က အဓိက ဦးစားပေးထားတာ ဖြစ်ပါ တယ်။ ဒါကြောင့်မို့လို့ ငြိမ်းချမ်းရေးနဲ့ ပတ်သက်တဲ့ အဖွဲ့အစည်းတွေနဲ့ ငြိမ်းချမ်းရေးနဲ့ပတ်သက်တဲ့ အခုနက ပြောတဲ့ အခြေအနေတွေ အားလုံးဟာ အခုနက ကျနော်တို့ ကြေညာချက်မှာပါတဲ့ နယ်မြေတွေပဲ ဖြစ်ပါတယ်။ ရခိုင်ဒေသနဲ့မဆိုင်ဘူးလို့ ကျနော့်အနေနဲ့ ပြောချင်ပါတယ်။” 

AA အဖွဲ့စစ်ဦးစီးချုပ် ဗိုလ်ချုပ်ထွန်းမြတ်နိုင်က ရခိုင်ပြည်နယ်ကို confederation အဆင့် အတန်း လိုချင်တယ်လို့ ဆက်သွယ် မေးမြန်းခန်းတခုမှာ ပြောထားဖူးပါတယ်။ ဒါနဲ့ ပတ် သက်ပြီး တပ်မတော်ရဲ့သဘောထားကို တပ်မတော်သတင်းအမှန် ပြန်ကြားရေး ကော်မတီ ဥက္ကဋ္ဌ ဗိုလ်ချုပ်စိုးနိုင်ဦးက အခုလို ပြောသွားပါတယ်။

“AA အနေနဲ့ AA ရဲ့လုပ်ဆောင်ချက်ပေါ်မူတည်ပြီး စဉ်းစားသွားမှာဖြစ်ပါတယ်။ သူတို့ ဘက်က ကျနော်တို့ ဘက်ကိုပြောနေ တာရှိတယ်။ Confederation ပေါ့။ သူပြော တာ ကတော့ Confederate ပေါ့။နိုင်ငံတော် အစိုးရရော၊ ပြည်သူရောသွားနေတာက ဒီမို ကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စု။ Confederationမဟုတ်ဘူး။ ဒါဆိုရင် သူ့အယူအဆသည် နိုင်ငံတော်အစိုးရရော၊ တပ်မတော်ရော၊ ပြည်သူရော သွားမယ်ဆိုတဲ့လမ်းကြောင်းနဲ့ သူသွားမယ်ဆိုတဲ့လမ်းကြောင်းက တခြားစီဖြစ်နေပါတယ်။ ဒါကြောင့်မို့ သူ့အယူအဆရော၊ သူ့ရဲ့လုပ်ဆောင်ချက်တွေရော ပြုပြင်ပြောင်းလဲမှသာ ဆက်လက်ပြီးတော့ ငြိမ်းချမ်းရေးကိစ္စတွေကို ဆောင်ရွက်သွားနိုင်မယ်လို့ ပြောချင်ပါ တယ်။”

နိုင်ငံတော်နဲ့ နိုင်ငံအကျိုးအတွက် သတင်းမီဒီယာတွေအနေနဲ့ သတင်းတွေဖော်ပြချိန်မှာ မလိုလားအပ်ဘဲနဲ့ အခြေအနေတွေကို ပိုမိုရှုပ်ထွေးသွားစေနိုင်တဲ့ အကြောင်းအရာတွေကို သေချာစုံစမ်းအတည်ပြုပြီးမှသာ ရေးသားပေးဖို့ တပ်မတော် ဘက်က တောင်းဆိုလိုက်ပြီး တပ်မတော်ဘက်ကထုတ်ပြန်ချက်အရ လက်ရှိ AA နဲ့ တပ်မတော်ကြားမှာ ၂၀၁၅ ခုနှစ်တွင် မှသာတိုက်ပွဲ ဖြစ်ပွားရတာဖြစ်ပြီး ၂၀၁၅မှာ ၁၅ ကြိမ်ထိတွေ့မှုရှိပြီး ၂၀၁၆ ခုနှစ်တွင် ၁၆ ကြိမ် ထိတွေ့ခဲ့ကာ မိုင်းပေါက်ကွဲမှု ၁၀ ကြိမ်ရှိခဲ့တယ်လို့ ဆိုပါတယ်ရှင်။

Credit- VOA Burmese