Category Archives: ဆောင်းပါးများ

၂ဝ၁၆ ခုနှစ်၊ မေ ၁ ရက်မှ ၇ ရက်အထိ

တနင်္ဂနွေသားသမီးများ

——————————————-

ဤရက်များအတွင်း၌ ထီပေါက်၊ မဲပေါက်၊ ရာထူးတိုးသလို အောင်မြင်မှုကြီးများ ရရှိတတ်ပါသည်။ ငွေကြေးကိစ္စ၊ ကား၊ ကျောက်၊ ကွန်ပျူတာ၊ ကင်မရာ၊ ကြက်၊ ငါး၊ ကြံ၊ ကွမ်း၊ အလှူပွဲ၊ မင်္ဂလာပွဲစီစဉ်ခြင်း ကိစ္စများ အထူးကောင်းပါသည်။ အိမ်ကိစ္စ၊ အဖွဲ့အစည်းကိစ္စ၊ မိသားစုရေးကိစ္စ၊ အဆောက်အအုံကိစ္စများတွင် စိတ်ရှုပ် ရတတ်ပါသည်။ အာရုံကြော၊ လေ၊ ဝမ်း ကျန်းမာရေးဂရုစိုက်ပါ။ ၂ အစ၊ ၇ အစ ထီကိုထိုးပါ။

ကံအထောက်အပံ့ကောင်းရရှိရန် – ဂုဏ်တော် ၉ ပါး ၉ ခေါက်ရွတ်ဆိုပါ။ ငွေ ၂ ဂဏန်း လှူဒါန်းပါလေ…။
တနင်္လာသားသမီးများ

——————————————

ဤရက်များအတွင်း၌ စိတ်ရှုပ်ထွေးစရာများ၊ မတင်မကျ မရေမရာများ ကြုံရတတ်ပါသည်။ နိုင်ငံ ခြားကိစ္စ၊ အထည်၊ ထီး၊ ဖိနပ်၊ ဓာတ်ဆီ၊ ဒီဇယ်၊ ဓာတ်သတ္တု၊ နှမ်း၊ နွားကိစ္စများ အထူးကောင်း ပါသည်။ အသီးအနှံ၊ သစ်၊ သံ၊ သွပ်၊ ရေထွက်ကုန်ကိစ္စများတွင် စိတ်ရှုပ်ရတတ်ပါသည်။ အကြောအဆစ်၊ အစာမှား၊ ဆေးမှား၊ သွား ကျန်းမာရေးဂရုစိုက်ပါ။ ၇ အစ၊ ၈ အစ ထီကိုထိုးပါ။

ကံအထောက်အပံ့ကောင်းရရှိရန် – ဗုဒ္ဓေါဂုဏ်တော် သက်စေ့ရွတ်ဖတ်ပါ။ ဘုရားစနေထောင့်မှာ ထီးဖြူ ၁၂ လက် လှူဒါန်းပါလေ…။
အင်္ဂါသားသမီးများ

———————————-

ဤရက်များအတွင်း၌ ရန်အန္တရာယ်များတတ်၊ ကျန်းမာရေး ချူချာတတ်ပါသည်။ အိမ်အဆောက်အအုံ ကိစ္စ၊ အလုပ်နေရာ၊ အိမ်နေရာကိစ္စ၊ ကြီးကဲသူများထံ အကူအညီတောင်းခံသောကိစ္စများ အထူးကောင်း ပါသည်။ အထည်၊ ထီး၊ ဖိနပ်၊ လျှပ်စစ်ပစ္စည်း၊ ဓာတ်ဆီ၊ ဒီဇယ်၊ ဓာတ်သတ္တု၊ နှမ်း၊ နွား၊ နိုင်ငံခြား လူမျိုးခြားကိစ္စများတွင် စိတ်ရှုပ်ရတတ်ပါသည်။ နား၊ နှလုံး၊ဒူး ကျန်းမာရေး ဂရုစိုက်ပါ။ ၁ အစ၊ ၄ အစ ထီကိုထိုးပါ။

ကံအထောက်အပံ့ကောင်းရရှိရန် – အရဟံသိဒ္ဓိ သက်စေ့ရွတ်ဖတ်ပါ။ မီးအလင်းရောင်နှင့်ပတ်သက်သော ကုသိုလ်ကောင်း မှု ပြုလုပ်ပါလေ…။
ဗုဒ္ဓဟူးသားသမီးများ

————————————-

ဤရက်များအတွင်း၌ ငွေနှင့် ပစ္စည်းများ အလေအလွင့် အဆုံးအရှုံး များနေတတ်ပါသည်။ ဆိုင်ကိစ္စ၊ အိမ်အဆောက်အအုံကိစ္စ၊ ဆန်၊ ဆီ၊ ဆေး၊ ဆား၊ စက်မှု၊ စားသောက်ကုန်၊ စာအုပ်စာတမ်း၊ စပ်တူ၊ စာချုပ်ကိစ္စများ အထူးကောင်းပါသည်။ ငွေကြေးကိစ္စ၊ ကားကိစ္စ၊ ကျောက်ကိစ္စ၊ ပွဲလမ်းသဘင်ကိစ္စများတွင် စိတ်ရှုပ်ရ တတ်ပါသည်။ ခါး၊ ဗိုက်၊ ခြေထောက်ပိုင်း ဂရုစိုက်ပါ။ ၃ အစ၊ ၉ အစ ထီကိုထိုးပါ။

ကံအထောက်အပံ့ကောင်းရရှိရန် – အရဟံဂုဏ်တော် သက်စေ့ရွတ်ဖတ်ပါ။ ညောင်ပင်မှာ သန့်ရှင်းရေးကုသိုလ်ပြုလုပ် ပါလေ…။
ကြာသပတေးသားသမီးများ

—————————————————

ဤရက်များအတွင်း၌ အခွင့်အရေးဟောင်း၊ ပြဿနာဟောင်းများ ပြန်ပေါ်တတ်ပါသည်။ ရွှေ၊ ရတနာ၊ လက်ဝတ်လက်စားကိစ္စ၊ သားသမီး၊ အောက်လက်ငယ်သားကိစ္စ၊ ဝက်၊ ဝါး၊ လှေ၊ လှည်း စသော ကိစ္စများ အထူးကောင်းပါသည်။ စပ်တူကိစ္စ၊ စာချုပ်စာတမ်းကိစ္စ၊ စာရင်းဇယားကိစ္စ၊ ဆန်၊ ဆီ၊ ဆေး၊ ဆား၊ စားသောက်ကုန် ကိစ္စများတွင် စိတ်ရှုပ်ရတတ်ပါသည်။ ဆီး၊ မျက်စိ၊ အစာအိမ်ကျန်းမာရေး ဂရုစိုက်ပါ။ ၄ အစ၊ ၁ အစ ထီကိုထိုးပါ။

ကံအထောက်အပံ့ကောင်းရရှိရန် – လောကဝိဒူဂုဏ်တော် သက်စေ့ရွတ်ဖတ်ပါ။ ကလေးငယ်များကို ခေါက်ဆွဲကြော် ဒါနလုပ်ပါလေ…။
သောကြာသားသမီးများ

——————————————

ဤရက်များအတွင်း၌ ဘာသာရေးအဓိဋ္ဌာန်ပြုလုပ်ခြင်းဖြင့် အောင်မြင်မှုကြီးများ ရရှိတတ်ပါသည်။ ပညာရေးကိစ္စ၊ ဘာသာရေးကိစ္စ၊ မြေကိစ္စ၊ အမွေကိစ္စ၊ ဖုန်းကိစ္စ၊ ပညာရပ်ဆိုင်ရာကိစ္စများ အထူးကောင်း ပါသည်။ ရွှေ၊ ရတနာ၊ လက်ဝတ်လက်စားကိစ္စ၊ သားသမီး၊ အောက်လက်ငယ်သားကိစ္စ၊ ဝက်၊ ဝါး၊ လှေ၊ လှည်းကိစ္စများ တွင် စိတ်ရှုပ်ရတတ်ပါသည်။ လေ၊ နှလုံး၊ ဒူး၊ နား ကျန်းမာရေး ဂရုစိုက်ပါ။ ၅ အစ၊ ၉ အစ ထီကိုထိုးပါ။

ကံအထောက်အပံ့ကောင်းရရှိရန် – ဘဂဝါဂုဏ်တော် သက်စေ့ရွတ်ဖတ်ပါ။ ဆေးဝါးနှင့်ပတ်သက်သော ကုသိုလ်ဒါန ပြုလုပ်ပါလေ ….။
စနေသားသမီးများ

———————————-

ဤရက်များအတွင်း၌ ဘာမဆို အပြိုင်အဆိုင်များ ကြုံပြီးမှ အောင်မြင်တတ်ပါသည်။ ခရီးသွားလာခြင်း၊ သယ်ယူပို့ဆောင်ရေး၊ အဝေးပြည်ပနှင့် ပတ်သက်သောကိစ္စများ အထူးကောင်းပါသည်။ မြေကိစ္စ၊ အမွေကိစ္စ၊ ဘာသာရေးကိစ္စ၊ ပညာရေးကိစ္စများတွင် စိတ်ရှုပ်ရတတ်ပါသည်။ ဝမ်းဗိုက်၊ အဆစ်အမျက် ကျန်းမာရေး ဂရုစိုက် ပါ။ ၆ အစ၊ ၃ အစ ထီကိုထိုးပါ။

ကံအထောက်အပံ့ကောင်းရရှိရန် – သမ္ဗုဒ္ဓေဂါထာတော် သက်စေ့ရွတ်ဖတ်ပါ။ ရေနှင့်ပတ်သက်သော ကုသိုလ်ကောင်းမှု ပြုလုပ်ပါလေ ….။

(Flower News Journal, 12-16)

“မိန်းမ မတက်ရတဲ့ ဘုရားများဆိုတာ”


မက္ကဆီကို နိုင်ငံဆိုတာ အားလုံးသိကြတဲ့ အတိုင်းပဲ ခရစ်ယာန်များတဲ့ နိုင်ငံ။ အဲဒီ မက္ကဆီကိုက ဗုဒ္ဓဘာသာ ဖြစ်စ လူ (၃၀) လောက် မြန်မာပြည် ရောက်လာတယ်။ ရောက်လာတဲ့အခါကျတော့ မန္တလေးက မဟာမြတ်မုနိဘုရားကြီး ဝင်ဖူးပြီးတော့ စစ်ကိုင်း ရောက်လာတယ်။ ရောက်လာပြီး ပါချုပ်ဆရာတော် ကျောင်း ရောက်လာပြီးတော့ ကျောင်းစောင့်တွေကို ခွင့်တောင်းတယ်။ “ဆရာတော်နဲ့တွေ့တုန်း မေးစရာရှိတာလေး မေးချင်ပါတယ်” တဲ့။

ဒါနဲ့ ဆရာတော်ကို နိုင်ငံခြားသားတွေကတွေ့တဲ့အခါ မက္ကဆီကန်သူ အမျိုးသမီး တစ်ယောက်က ဘာမေးတုန်း ဆိုရင် “ဘုရားကြီး ဝင်ပြီး ဖူးတဲ့အခါမှာ (အမျိုးသမီးမဝင်ရ) ဆိုတဲ့ ဆိုင်းဘုတ် တွေ့လာ တယ်တဲ့။ ဗုဒ္ဓဘာသာက အဲဒီလို ခွဲခြား ဆက်ဆံ သလား” တဲ့။ 

မြန်မာနိုင်ငံမှာ ဗုဒ္ဓဘာသာနဲ့ ထိစပ်နေတဲ့ နေရာ အတော်များများမှာ အဆိုပါ ဆိုင်းပုဒ်နဲ့ စည်းကမ်းလေး တွေ တွေ့ဖူးကြမှာပါ။ ဥပမာ – ရွှေတိဂုံဘုရားရဲ့ အလယ်ပစ္စယံ မှာဆိုရင် “အမျိုးသမီး မတက်ရ” ဆိုတဲ့ ဆိုင်းဘုတ်ထောင် ထားတာ ရှိတယ်။ ကျိုက်ထီးရိုး ဘုရားမှာ ကျတော့လဲ “တံတားကို အမျိုးသမီး မကူးရ” ဆိုတာမျိုးတွေ ရှိတယ်။ အဲဒါနဲ့ ပတ်သက်လို့ ဒီနိုင်ငံအကြောင်း သိပ်မသိတဲ့ နိုင်ငံခြားသား ဧည့်သည်တွေနဲ့ ဧည့်လမ်းညွှန် Tour Guide တွေ ခဏခဏ ပြဿနာတက်တတ် ကြတယ်။ 

ဆိုတော့ အခုလည်း မက္ကဆီကန်က အသစ်စက်စက် ဗုဒ္ဓဘာသာ ဖြစ်ခါစ နိုင်ငံခြားသူ က မကျေနပ် ဘူး။ သူတို့ နိုင်ငံခြားက လာတဲ့ အမျိုးသား၊ အမျိုးသမီးတွေက အင်မတန် စူးစမ်းကြတာလေ။ တစ်ခုခု ဆိုရင် တိကျတဲ့ အဖြေမရ မချင်း ဇွတ်ကို မေးနေမှာ။ ခုလဲ ဒီကိစ္စကို မရဘူး။ သူလက်မခံဘူးပေါ့။ သူက ယောက်ျားရှေ့က နေချင်တာ။ အဲ့တော့ ယောက်ျားတွေချည်း တစွက်စွက် ဝင်သွားပြီး မိန်းမသားတွေ မဝင်ရဘူး ဆိုတော့ ဒါက မိန်းမသားတွေကို ဘာသာရေးမှာ သက်သက် နှိမ်တယ်လို့ စိတ်ထဲမှာ ထင်ကြောင်း ပါချုပ် ဆရာတော်ကို လျှောက်တယ်။ 

ပါချုပ် ဆရာတော် က ဘာပြန်မိန့်သလဲဆိုတော့ – “This is not Buddhism. This is a tradition.” ဒါ ဗုဒ္ဓဘာသာနဲ့ မဆိုင်ဘူးလို့။ ဒါဟာ “tradition” မြန်မာတို့ရဲ့ ဓလေ့ထုံးစံ ခေါ်တယ်လို့ ပြောတော့မှ ကျေနပ် သွားတယ်။

Tour Guide လုပ်တဲ့ လူတွေကိုလည်း ပါချုပ်ဆရာတော်ဟာ တဆက်ထဲမှာလိုက်တယ်။ “မင်းတို့ ရှည်ရှည်ဝေးဝေးတွေ လျှောက်မပြောနဲ့။ Guide လုပ်တဲ့လူကို အဲဒီလိုမေးလိုက်လို့ Guide ဖြစ်တဲ့လူက အယောင်ယောင်အမှားမှားနဲ့ အမျိုးသမီးဆိုတာ ဘုရားရှေ့မှာ မတော်လို့လို့၊ ထမီတွေနဲ့ ဘာဖြစ်လို့ ညာဖြစ်လို့ ဆိုပြီး အဲဒီလိုတွေ မပြောနဲ့တဲ့။ သူတို့ဆီမှာ ထမီ ခေါင်းပေါင်းပြီး ရေချိုးတဲ့ ယောက်ျား တောင် ရှိသေးတယ်တဲ့” ဆရာတော်က မိန့်တယ်။ 

ဆက်လက်ပြီး ဆရာတော်က – “သီဟိုဠ်မှာဆိုရင် သူတလှည့် ကိုယ်တလှည့် ဝတ်နေတာ။ ထမီရယ် လုံချည်ရယ် ရှိတာ မဟုတ်ပဲ။ ဘာမှ မထူးဘူး။ ခေါင်းအုံးပေါ်လဲ ခြေထောက် တင်တာပဲ အဲဒီလူတွေ။ အဲဒီတော့ ခြေထောက်က နိမ့်ကျပြီး ခေါင်းက မြတ်တယ်လို့ ဘယ်လိုလုပ် ပြောလို့ ရမှာလဲ။ ခန္ဓာကိုယ်တစ်ခုလုံးဟာ တူတူပဲပေါ့။

သို့သော် ဗမာတွေ အယူအဆနော်။ ခေါင်းရင်းဆိုရင် အမွန်အမြတ် ထားတယ်လေ။ ခေါင်းရင်းကို ခြေထောက်ထားရင် အလွန်စိတ်ဆိုးမယ်။ ဒါက tradition ပဲပေါ့။ ခေါင်းမကိုင်နဲ့ ခေါင်းကိုင်ရင် မကြိုက် ဘူး။ ထိုင်းလေးတွေဆိုရင် ခေါင်းသွားကိုင်ရင် ရန်သူပဲ။ အဲဒါ သီဟိုဠ်တွေက ဘာရယ် မဟုတ်ဘူး။ လူကို ချစ်လို့ရှိရင် ခေါင်းကိုင်တယ်။ 

အဲဒီလိုမျိုးတွေ တစ်ဦးနဲ့တစ်ဦး tradition တွေက မတူဘူး။ ပြီးတော့ သီဟိုဠ်တို့ Chinese တို့က တစ်ခုခုပြရင် လက်နဲ့ မပြဘူး။ ခြေထောက်နဲ့ ပြတယ်။ (ဗမာကျတော့ ဒါ အင်မတန်ရိုင်းတယ်) ဒါ သူတို့ tradition ပဲလို့ ကိုယ်က နားလည်လို့ရှိရင် ပြဿနာ မဖြစ်ဘူး။ “ဟာ ဒီကောင် ရိုင်းလှချည်လား” ဆို ရန်ဖြစ်ကြ။ သူကလဲ ဘာရိုင်းမှန်း မသိဘူး။ ရိုင်းလှချည်လားဆို သူ့ကိုယ်သူလဲ ဘာရိုင်းမှန်းမှ မသိတာ။ သူ လုပ်နေကျပဲ ခြေထောက်နဲ့ ပြတယ်လေ။ ဒါ သူ့ ခြေထောက် အားလို့ ခြေထောက်နဲ့ ပြတာပေါ့။ ကိုယ်အားတာ ကိုယ်လုပ်တာ။ လက်နဲ့ ခြေထောက် တူတူပိုင်တာပဲ။ 

သို့သော် tradition အရ ဒါတွေ ရိုင်းစိုင်းတယ်လို့ ယူဆတယ်။ ယဉ်ကျေးတယ်လို့ ယူဆကြတယ်။အဲဒီလို ယူဆတာ။
သီဟိုဠ်ကျွန်း သွားကြည့်ရင် တရားနာပြီဆိုလို့ရှိရင် အမျိုးသမီးတွေက ဒူးတုပ်ပြီး မထိုင်နိုင်ဘူး။ ဘာလုပ်တုန်း။ ဘုန်းကြီးဘက် ခြေထောက်လေးတွေ ဆင်းပြီး ထိုင်ကြတယ်။ အမျိုးသားတွေက ဒူးထောင်ပေါင်ကား ထိုင်ကြတယ်။ အဲတော့ အမျိုးသမီးတွေထိုင်တာ ကြည့်လိုက်လို့ရှိရင် ဘုန်းကြီး ဘက်ကို ခြေဆင်းထိုင်ကြတယ်။ လက်အုပ်တော့ ချီထားတယ်။ ခြေစုံလက်စုံမိုးတယ် ဆိုတာ အဲဒါ ခေါ်တာ။ ဒါ ဗုဒ္ဓဂယာ သွားတဲ့လူတွေ သီဟိုဠ်အဖွဲ့ ဘုရားဖူးလာတယ်ဆိုရင် တွေ့လိမ့်မယ်။ ဒီအတိုင်းပဲ တွေ့ရတတ်တာပဲနော်။ ခြေစုံလက်စုံမိုး ဒါ သူတို့ tradition ပဲ။ သွားပြောလို့ မရဘူးလေ။ 

သူတို့မှာ ခြေထောက်ကို ယုတ်ညံ့တယ်လို့ မသတ်မှတ်ဘူး။ ဗမာကတော့ ခြေထောက်ကို အလွန် ယုတ်ညံ့တယ်။ ယုတ်ညံ့သည့်အတွက်ကြောင့် လူကြီး၊ သူကြီးရှေ့ဆိုရင် ခြေထောက်ဖော် မထိုင်ရဘူး။ နောက်ပစ်ထားရတယ်နော်။ သူတို့ကျတော့ ခြေထောက်နဲ့ ခေါင်း တူတူပဲ။ ဘာမှ မထူးဘူး။

အေး မြတ်စွာဘုရားရဲ့ အဆုံးအမ အမှန်တွေဟာ ဒီ tradition တွေကနေ ခွဲထွက်ဖို့ လိုအပ်တယ်။ tradition တွေကနေ ခွဲမထွက်နိုင်ဘူးဆိုရင် ဗုဒ္ဓရဲ့ အဆုံးအမလိုလို ဘာလိုလိုနဲ့ ရောထွေး ဝင်ရောက် နေတာ။ ဗုဒ္ဓရဲ့ အဆုံးအမ အစစ်က ခုနက ပြောတဲ့ အတိုင်းပဲ။

ဘယ်အချိန်လုပ်လုပ် ကောင်းတာ လုပ်ရင် ကောင်းတဲ့ နက္ခတ်ပဲ။ ကောင်းကင်က ကြယ်တွေက ကိုယ့် ကိုဘာမှ မတတ်နိုင်ဘူး။ ကောင်းကင် နက္ခတ်တွေက ကိုယ့်ကို ဘာမှ မတတ်နိုင်ဘူး။ ကိုယ် လုပ်သင့် မလုပ်သင့် ကိုယ့်ဟာ ကိုယ်ပဲ နားလည်ရမယ်။ အကုသိုလ် မဖြစ်အောင် လုပ်ရမယ်။ ကုသိုလ် ဖြစ် အောင် သတိဆောင်ရမယ်။ ဒါ မြတ်စွာဘုရားရဲ့အဆုံးအမ အခြေခံပဲ။

မြတ်စွာဘုရားရဲ့ အဆုံးအမကို အနှစ်ချုပ်ပြောရမယ် ဆိုလို့ရှိရင် ကုသိုလ်ဖြစ်တဲ့အလုပ် မှန်သမျှ လုပ် ကောင်းတယ်။ အကုသိုလ်ဖြစ်တဲ့ အလုပ်မှန်သမျှ မလုပ်ကောင်းဘူး။ ဒီလိုပဲ သတ်မှတ်တယ်။”

အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ်

ပါမောက္ခချုပ် ဆရာတော်

ဒေါက်တာ နန္ဒမာလာဘိဝံသ

ကမ္ဘာတစ်ဝန်းမှ စိတ်ဝင်စားဖွယ် အယူအဆများ


ဘယ်လောက်ပဲ နည်းပညာအသစ် အသစ်တွေ တိုးတက်လာတဲ့ ကမ္ဘာကြီး ဖြစ်ပါစေ။ ရှေးတုန်းကတည်းက လက်ခံလာတဲ့ အယူသည်းမှုတွေကို မစွန့်လွှတ်နိုင်သေးတဲ့ လူတွေ အများကြီးရှိပါတယ်။ တချို့ အယူအဆတွေက ခေတ်နဲ့ မလျော်ညီတာ၊ရယ်စရာကောင်းသလို ဖြစ်နေပေမဲ့ ယုံကြည်သူတွေရှိနေသရွေ့ ဆက်လက်တည်ရှိနေဦးမှာပဲ ဖြစ်ပါတယ်။ ဒီထဲက စ်ိတ်ဝင်စားဖွယ် အယူသည်းမှုလေးတွေကို သိရှိနိုင်အောင် မျှဝေပေးချင်ပါတယ်။
အီဂျစ်

ကတ်ကြေးကို မညှပ်ဘဲ ဖွင့်လိုက် ပ်ိတ်လိုက်လုပ်နေရင် ကံဆိုးတတ်တယ်လို့ ယုံကြည်ကြတယ်။
အီဂျစ်

ဇီးကွက်ကို ပထမဆုံးမြင်တဲ့သူနဲ့ အသံကြားတဲ့သူတွေက ကံဆိုးတတ်ပါတယ်တဲ့။
တရုတ်

တရုတ်တွေအတွက် ၄ ဂဏန်းက အမင်္ဂလာ ဂဏန်းဖြစ်ပါတယ်။ သူ့ရဲ့ အသံထွက်က သေခြင်းဆိုတဲ့ အသံထွက်နဲ့ တူနေလို့ ဖြစ်ပါတယ်တဲ့။
ပြင်သစ်

ခွေးချေးပုံပေါ်ကို ဘယ်ခြေထောက်နဲ့ တက်နင်းမိရင် ကံကောင်းပြီဲး ညာခြေထောက်နဲ့ တက်နင်းမိရင် ကံဆိုးပါတယ်တဲ့။
လစ်သူအန်းနီးယား

အိမ်ထဲမှာ လေချွန်ရင် မကောင်းဆိုးဝါးတွေကို ဖိတ်ခေါ်သလို ဖြစ်ပါတယ်တဲ့။
ဂျပန်

လူတစ်ယောက် အုတ်ဂူတစ်ခုကို ဖြတ်လျှောက်သွားရတယ်ဆိုရင် လက်မကို ဝှက်ပြီးလျှောက်မှ ကိုယ့်မိဘတွေ သေဆုံးခြင်းကို ကာကွယ်နိုင်ပါမယ်တဲ့။
ဂျပန်

ထမင်းပန်းကန်ထဲမှာ တူကို ဒေါင်လိုက်ထောင်ထားတာက ကံဆိုးမှုတွေ ရောက်ရှိစေတယ်လို့ ဆိုပါတယ်။
တူရကီ

တူရကီတွေက ညဘက်မှ ပီကေဝါးတာကို ရှောင်ကြဉ်ကြပါတယ်။ မှောင်သွားတဲ့အချိန်မှ ပီကေက လူသေတွေရဲ့ အသားတွေအဖြစ်ပြောင်းသွားတယ်လို့ ယုံကြည်ထားကြလို့ပဲ ဖြစ်ပါတယ်။
ရုရှား

ကိုယ့်အပေါ်ကို ငှက်ချေးပါချရင် စီးပွားတက်မယ်လို့ ယုံကြည်ပါတယ်။
စပိန်

အခန်းတစ်ခန်းထဲကို ဘယ်ဘက်ခြေထောက်နဲ့ စဝင်ရင် ကံဆိုးစေပါတယ်တဲ့။
ရဝမ်ဒါ

ရဝမ်ဒါ အမျိုးသမီးတွေက ဆိတ်သားမစားကြပါဘူး။ ဆိတ်သားစားရင် မုတ်ဆိတ်မွှေး၊ နှုတ်ခမ်းမွေးတွေ ပေါက်လာမှာ စိုးလို့ ဖြစ်ပါတယ်တဲ့။
ဂျာမနီ

ရေခွက်ကို မြှောက်ပြီးဂုဏ်ပြုတာက ကိုယ်နဲ့ အတူသောက်နေတဲ့သူတွေကို သေစေလိုတယ်ဆိုတဲ့ အဓိပ္ပါယ် သက်ရောက်ပါတယ်။
ဘရာဇီး

ပိုက်ဆံအိတ် ကြမ်းပြင်ပေါ်ကို ပြုတ်ကျရင် ဆင်းရဲတော့မှာကို ပြတာလို့ ယုံကြည်ပါတယ်။
အိန္ဒိယ

အင်္ဂါနေ့မှာ ဆံပင်ညှပ်တာက ကံဆိုးစေတယ်လို့ ယုံကြည်ကြပါတယ်။
ဗြိတိန်

ဖိနပ်အသစ်ကို စားပွဲပေါ်တင်ခြင်းက ကံဆိုးခြင်းကိုဖြစ်စေတယ်လို့ ယုံကြည်ကြပါတယ်။

Ref:twentytwowords

ခင်သူဇာ – Trend Myanmar

အဖေမေးခွန်းလေးရဲ့  အဖြေ

  
တစ်ခါတုံးက အဖေကကျွန်တော်ကို မေးခွန်းတစ်ခုမေးခဲ့ဘူးတယ်သားကြီးလာရင် ဘာဖြစ်ချင်လဲတဲ့

ကျွန်တော် ချက်ချင်းဘဲဖြေလိုက်တယ်

ကျွန်တော် အဖေလိုဘဲဖြစ်ချင်တယ်

အဖြေကပြန်မေးခဲ့တယ်

ဒီလောက်ရွေးချယ်စရာတွေအများကြီးရှိတာကို ဘာလို့သားက အဖေလို့ဖြစ်ချင်တာလဲတဲ့

ကျွန်တော်မြန်မြန်ဘဲ ပြန်ဖြေခဲ့တယ်

အဖေလိုမျိုးအဖေဖြစ်မှာ ကျွန်တော်လို့သားတစ်ယောက်ဖြစ်လာမှာလေ

အဖေမျက်ရည်တွေကျနေမယ်ဆိုတာကျွန်တော်သိပါတယ်

———————-

တကယ်တော့ မိဘနဲ့သားသမီးကြားမှာ နားလည်ပေးဖို့လိုပါတယ်

မိဘတွေက အကောင်းဆုံးသွန်သင်ဆုံးမနိူင်မှ သားသမီးကောင်းတွေဖြစ်လာမှာပါ။

ဘာပဲပြောပြော

ကျွန်တော်ကတော့ အဖေလိုဘဲဖြစ်ချင်နေမိပါတယ်

      ဒီပကျော်(နည်းပညာ)                  www.dpakyaw.com

မီဒီယာနဲ့ အစိုးရ (သို့မဟုတ်) ပြည့်မျက်စိနားနဲ့ ပြည့်နှလုံးသား

  

အစိုးရသစ် တက်လာပြီးတဲ့နောက် မီဒီယာနဲ့ အစိုးရငြိတဲ့ အဖြစ်အပျက်တွေ၊ မီဒီယာက အစိုးရသစ်အပေါ် ဝေဖန် ရေးသားတဲ့အခါ မီဒီယာများက တစ်ချက်တစ်ချက် လက်လွန်တာတွေ ရှိသလို အစိုးရသစ်ကို အထိမခံချင်တဲ့စိတ်နဲ့ ဆိုရှယ်မီဒီယာကနေ ကက်ကက်လန် ပြန်ရန်တွေ့ကြတာတွေလည်း အတွေ့ရများလာပါတယ်။ ဒီလို ရန်တွေ့ရာမှာလည်း နုနယ်သေးတဲ့ ဒီမိုကရေစီအစိုးရ အပေါ် အပြစ်မြင်ရ ကောင်းလားဆိုပြီး စိတ်ရင်းစေတနာ အမှန်နဲ့ မခံမရပ်နိုင် ဖြစ်ကြသူတွေရှိသလို မီဒီယာနဲ့ အစိုးရကို သွေးခွဲဖို့ အကွက်ချောင်းနေသူတွေက အကောင့်သစ်တွေ နေ့ချင်းညချင်းဖွင့်ပြီး ၀င်ဆွမ်းကြီးလောင်းကြတာလည်း မမြင်ချင်မှ အဆုံးပါပဲ။ ဘာပဲဖြစ်ဖြစ် ဒီမိုကရေစီအစိုးရကို အထိမခံနိုင်အောင် ချစ်ကြသူတွေများတယ် ဆိုတာကတော့ “တမင်အောင့်ကာ နမ်းနေသူတွေ” မနည်းမနော ပါနေတဲ့တိုင်အောင် မင်္ဂလာရှိတယ်လို့ ဆိုရမှာပေါ့နော်။ ဟိုအရင်က စားရမဲ့သောက်ရမဲ့ထိ အလုခံရသူချင်း အတူတူ အရိုးအရင်းမျှော်ပြီး လုသူဘက်က ၀င်ဆဲတတ်တဲ့ အခင်းအကျင်းမျိုးနဲ့ယှဉ်ရင် ကျေနပ်စရာမို့ ကိုယ်တိုင် အထုအထောင်းခံရတောင် အညောင်းတောင် ပြေသေးလို့ စိတ်ဖြေတတ်ရင် ဖြေပြေတာပေါ့ ခင်ဗျာ။

ဒီနေရာမှာ ဒီနေ့ အလွန်ခေတ်စားတဲ့ မီဒီယာဆိုတဲ့ စကားလုံးဟာ ဘယ်လို ပေါ်ပေါက်လာပါလိမ့်လို့ လေ့လာကြည့်တော့ ဒီစကားလုံးဟာ လက်တင်စကား “မီဒီယံ”က ဆင်းသက်လာတာဖြစ်ပြီး ကြားခံဖျန်ဖြေတဲ့ အဖွဲ့အစည်း၊ ဒါမှမဟုတ် အရာဝတ္ထုလို့ အဓိပ္ပာယ်ရပါသတဲ့။ အင်္ဂလိပ်ဘာသာထဲ ရောက်လာပြီးတဲ့နောက် လွန်ခဲ့တဲ့ ရာစုနှစ် နှစ်ခုလောက်ကတည်းက “သတင်းစာများ”ကို ရည်ညွှန်း သုံးနှုန်းလာပါသတဲ့။ ၁၉၂၀ လောက်ကစပြီး မူလက ဗဟုဝုစ်(Plural )အဖြစ်ကနေ အစုပြ ဧက၀ုစ် (Singular Collective)အဖြစ် ပြောင်းလဲသုံးစွဲကြပါသတဲ့။ ဒီကနေ Medias လို အသုံးတွေ ဖြစ်လာတာပါပဲ။

မီဒီယာဆိုတာက ပါးရှန်(ယခုအီရန်)မှာ ဟီရိုဒိုတပ်ဘုရင်က စသုံးတယ်ဆိုတဲ့ အဆိုလည်း ရှိပါတယ်။ ပါရှန်တို့ရဲ့ မိဒ်စ်(Midies) အင်ပါယာခေတ်မှာ မီဒီယာဆိုတာက တစ်ယောက်နဲ့ တစ်ယောက်နဲ့ သတင်းစကားပေးဖို့ ကိုယ်ပြောချင်တဲ့သူဆီ ပြောချင်တဲ့ အကြောင်းအရာကို သွားရေးရတဲ့ နံရံကို ခေါ်တာလို့ ဆိုပါတယ်။ (စာတိုက်ရဲ့ခေတ်ဦးလို့ ဆိုကြသဗျ၊ ဒါပေမဲ့ ဖေ့စ်ဘွတ် ရဲ့ခေတ်ဦးဆို ပိုမှန်မလား မသိဘူးနော်)။ သတင်းစကားပါးရာဆိုတဲ့ အဓိပ္ပာယ်ကနေ အများပြည်သူလူထုဆီ သတင်းစကားဖြန့်တဲ့ လုပ်ငန်းအဖြစ် ပြောင်းလဲ ခေါ်ဝေါ်လာတာဆိုတာတော့ သေချာပါတယ်။

ဒီနေ့မှာတော့ မီဒီယာဆိုတာဟာ နိုင်ငံအုပ်ချုပ်ရေးမှာ စတုတ္ထမဏ္ဍိုင်အဖြစ်တောင် နေရာပေး အသိအမှတ်ပြုလာတဲ့ ကာလမှာ သာမန် စီးပွားရေး လုပ်ငန်းတစ်ခုသာ မဟုတ်ဘဲ နိုင်ငံရေးရာတွေမှာလည်း အရေးပါတဲ့ အခန်းကဏ္ဍကနေ ပါဝင်နေပုံကို အစိုးရများကရော ပြည်သူများကပါ လက်ခံနားလည်နေကြပါပြီ။ ပြီးခဲ့တဲ့ အစိုးရကြီးကတောင် “ပြည်သူ့မျက်စိ ပြည်သူ့နား”ပါပဲလို့ ဆိုခဲ့တာ ကြားဖူးလိုက်သေးသဗျ။ 

ဒါပေမဲ့ အဲဒီ ပြည်သူ့မျက်စိ၊ ပြည်သူ့နားလို့ သိမှတ်ထားတဲ့ကြားက “ပြည်သူ့မျက်စိဘ၀မှာ အထက်လှန် မျက်စောင်းထိုးကြည့်မှု”၊ “ပြည်သူ့နား အဖြစ်နဲ့ မကြားသင့်တာတွေ ဇွတ်နားထောင်ပြီး ပြန်ပြောမှု” စတာစတာတွေနဲ့ တရားစွဲ ထောင်ချ လုပ်ခဲ့တာတွေကြောင့် သမိုင်းမှာ အမည်းစက်တွေ ဖြစ်ခဲ့တာပေါ့ခင်ဗျာ။ တကယ်တော့ မီဒီယာနဲ့ အစိုးရဆိုတာကလည်း အပြန်အလှန် ထိန်းကျောင်း တည့်မတ်သွားကြရတာမို့ ဘယ်နိုင်ငံမှာမဆို မီဒီယာနဲ့ အစိုးရ တစ်ကွေ့ကွေ့မှာ ငြိကြတာဆိုတာ ဖြစ်တတ်တာပါပဲ။ ဒီမိုကရေစီနိုင်ငံကြီးဆိုတဲ့ အမေရိကန်နိုင်ငံမှာတောင် မီဒီယာက ဖော်ထုတ်မှုကြောင့် အမေရိကန်သမ္မတ နစ်ကဆင်က အတိုက်အခံပါတီအပေါ် ဥပဒေမဲ့ ကျင့်ကြံခဲ့တာတွေ ပေါ်သွားပြီး ရာထူးက ဆင်းပေးလိုက်ရတဲ့ သမိုင်းရှိခဲ့တာပဲလေ။

ဒီတော့ မီဒီယာဆိုတာက ပြည်သူ့နား ပြည်သူ့မျက်စိ ဖြစ်ခဲ့ရင် အစိုးရဆိုတာကလည်း ပြည်သူ့ ဦးနှောက် ပြည်သူ့နှလုံးသား ဖြစ်မှာ သေချာပါတယ်။ အနောက်တိုင်း ဆေးပညာမှာကတော့ စိတ်ဆိုတာဟာ ဦးနှောက်မှာ တည်တယ်လို့ ယူဆကြပြီး ဗုဒ္ဓဘာသာ အယူအဆ အရတော့ ဟဒယနှလုံးမှာ တည်တယ်လို့ ဆိုပါတယ်။ ဒီတော့ ဦးနှောက်ဖြစ်ဖြစ် နှလုံးသားပဲဖြစ်ဖြစ် နားနဲ့ မျက်စိရဲ့ အကူအညီနဲ့ ခရီးတွင်အောင် လျှောက်ရမှာဆိုတာ အထူးပြောစရာ လိုမယ် မထင်ပါဘူး။ ဒီလိုပဲ ဦးနှောက်ရဲ့ ဆင်ခြင်မှု၊ နှလုံးသားရဲ့ စာနာမှုများနဲ့ မျက်စိတို့၊ နားတို့ကို ထိန်းကွပ်ပြီး မြင်သင့်တာကို မြင်အောင်ကြည့်ဖို့၊ ကြားသင့်တာကို သိအောင်လုပ်ဖို့ကလည်း လိုနေမှာပဲ ဖြစ်ပါတယ်။ ဒီလို အပြန်အလှန် တန်ဖိုးထားပြီး ခရီးဆက်ပါမှလည်း နိုင်ငံနဲ့ လူမျိုးအတွက် ရည်မှန်းချက်တူဖြစ်တဲ့ အောင်မြင်ခြင်း ပန်းတိုင်ကို ရောက်နိုင်ကြမှာပါ။   

မကြာသေးခင်က နှစ်သစ်ကူး ကာလတွင်းမှာပဲ မီဒီယာနဲ့ အစိုးရကိုယ်စားပြု အဖွဲ့အစည်းတချို့နဲ့ ၀ိရောဓိဖြစ်ခဲ့တဲ့ အဖြစ်အပျက် တချို့ ရှိခဲ့ပါတယ်။ ပဋိပက္ခအထိ မဖြစ်အောင် နှစ်ဖက်စလုံးက အပြန်အလှန် ထိန်းသိမ်းပေးခဲ့ကြလို့ အကျယ်အကျယ် မငြိမ်းဖွယ်တော့ မဖြစ်ခဲ့တာလို့ ဆိုနိုင်ကောင်းပါတယ်။ တစ်ဖက်မှာလည်း သင်္ကြန်တွင်း ကာလ ဖြစ်နေတဲ့အတွက် ပရင့်မီဒီယာတွေ အားလုံးလိုလို ပိတ်ထားတဲ့ အတွက်လည်း သတင်းမှတ်တမ်း အနေနဲ့တော့ ပုံနှိပ်မီဒီယာမှာ သိပ်ကြီးကြီးကျယ်ကျယ် ရှိခဲ့ပုံမပေါ်ပါဘူး။

 ပထမတစ်ခုက မန္တလေးမှာ ဖြစ်ခဲ့တာဖြစ်ပြီး မန္တလေးသင်္ကြန် ဗဟိုမဏ္ဍပ် ဖွင့်ပွဲကို စကိုင်းနက်က လိုက်ဖ်ထုတ်လွှင့်ရာမှာ တင်ဆက်သူများက ၀န်ကြီးချုပ်နဲ့ အပြိုင်စကားပြောပြီး ထုတ်လွှင့်ရုံမက စည်းကမ်းမဲ့ စင်ပေါ်တက်ခဲ့တယ်ဆိုပြီး ဖေ့စ်ဘွတ် ဆိုရှယ်မီဒီယာမှာ စွပ်စွဲရေးသားတာတွေ ဖတ်ခဲ့ရပါတယ်။ စကိုင်းနက်က ထုတ်လွှင့် တင်ဆက်သူတစ်ဦးက သူ့ရဲ့ ဖေ့စ်ဘွတ်ကနေ ၀န်ကြီးချုပ်က သတ်မှတ်အချိန်ထက် စောပြီး မိန့်ခွန်းပြောခဲ့လို့ ဖြစ်ရတဲ့ သဘော စိတ်ဆိုးမာန်ဆိုး ရှင်းပြတာကိုလည်း ဖတ်ခဲ့ရပါတယ်။ တကယ်တော့ အားနည်းချက် ဆိုတာလည်း နှစ်ဖက်စလုံးမှာ ရှိနိုင်ပါတယ်။ အစိုးရအနေနဲ့ကလည်း သက်တမ်းနုသေးပြီး အုပ်ချုပ်ရေးယန္တရားကို အခုမှ စကိုင်တွယ် မောင်းနှင်ခါစမှာပဲ ရှိပါသေးတယ်။ ဒီအတွက် လိုက်ဖ်လွှင့်မှုမှာ အံမကျဖြစ်ခဲ့ရင် မီဒီယာက လေးလေးစားစား တင်ပြညှိနှိုင်းဖို့သာရှိပါတယ်။ 

ဒီဟာကို တင်ဆက်သူ ဆရာလေးက စိတ်ဆိုးမာန်ဆိုးနဲ့ တုံ့ပြန်ရာမှာ မသုံးသင့်တဲ့ စကားလုံးတွေ ထုတ်သုံးသွားတာ သတိထားမိလိုက်ပါတယ်။ “ထဘီခြုံ မဟုတ်ဘူး”တို့၊ “၀န်ကြီးချုပ်ကို ကြောက်လန့်ရအောင် သူကသရဲလား”တို့၊ “စစ်တပ်ကပဲ အစိုးရလုပ်လုပ်၊ ဆရာဝန်ပဲ အမတ်ဖြစ်ဖြစ်၊ ထောင်ထွက်ကပဲ ၀န်ကြီးဖြစ်ဖြစ် ဘယ်သူမဆို မီဒီယာက တစ်သားတည်းပဲဗျ” တို့၊ “ဆရာတို့ တစ်ဖက်ပိတ်တွေ”တို့ အတော်အံ့သြစရာတွေ ဖတ်လိုက်ရပါတယ်ဗျာ။ ဒါတွေကိုဖတ်ပြီး အငြိမ်းစားကျောင်းအုပ်ကြီးတစ်ယောက်က “သြော်၊ ဒီကလေးနှယ်၊ သူ့ကို သင်ပေးခဲ့တဲ့ ဆရာတွေကိုတောင် စော်ကားနေရှာတာကိုး”လို့ စိတ်မကောင်းစွာ ပြောရှာတယ်။ ၀န်ကြီးချုပ်ကိုတောင် သရဲမဟုတ်လို့ ကြောက်စရာ မဟုတ်ပါဘူး ပြောနေတဲ့ ဒီပုဂ်္ဂိုလ်လေးဟာ လွန်ခဲ့တဲ့ အစိုးရကာလမှာတုန်းက အခုလို ဖေ့စ်ဘွတ်ကနေ “ဗိုလ်ချုပ်ဟောင်းက ၀န်ကြီးချုပ်ဖြစ်ဖြစ်” ဆိုတာမျိုး မပြောခဲ့ရဲမှာတော့ သေချာပါတယ်။ တစ်ခုခုကို “သရဲ”မှတ်ပြီး ကြောက်နေခဲ့သလားတော့ မဆိုနိုင်ဘူးပေါ့။ 
နောက်ဖြစ်ရပ် တစ်ခုကတော့ လွန်ခဲ့တဲ့ ဒီဇင်ဘာလက ဒေါ်အောင်ဆန်းစုကြည်နဲ့ ရန်ကုန်နဲ့ တနင်္သာရီက အမတ်တွေ တွေ့တဲ့ပွဲမှာ လက်အုပ်ချီသူတစ်ဦးကို ဒေါ်စုက “လက်အုပ်ချီစရာ မလိုဘူး၊ ဘုန်းကြီးတစ်ပါးမှ မပါဘူး”ဆိုတာမျိုး ပြောခဲ့တာကို အကြောင်းပြုပြီး ဆရာငြိမ်းချမ်းအေးက “လူအချင်းချင်း ရှိခိုးရခြင်း ကင်းဝေးရပါစေ” ဆိုတဲ့ ဆောင်းပါးကို ရေးပြီး လေးဒီးစ်ဂျာနယ်မှာ ရေးခဲ့တယ်လို့ မှတ်မိပါတယ်။ ဘယ်သူမှ ဘာမှမပြော၊ ဘာမှလည်း အထူးအထွေ မဖြစ်ခဲ့ပါဘူး။ ဒါပေမဲ့ အခု သင်္ကြန်ကာလမှာ ၀န်ကြီးချုပ် ဦးဖြိုးမင်းသိန်းရဲ့ ဖေ့စ်ဘွတ်က ဓာတ်ပုံကို အကြောင်းပြုပြီး ငြိမ်းချမ်းအေးက သူ့ဆောင်းပါးကို မိုးမခမှာ ပြန်တင်ပါတယ်။ အဲဒါကို လေးဒီးစ်ကလည်း သူတို့ဖော်ပြခဲ့ဖူးပြီးသား ဆောင်းပါးမို့ ပြန်ဖော်ပြခဲ့ပုံ ပေါ်ပါတယ်။ 

ဆိုလိုတာက ဒီဓာတ်ပုံကြောင့် ဒီဆောင်းပါးရေးခဲ့တာ မဟုတ်ဘူးဆိုတာပါ။ ဒါပေမဲ့ တစ်ဖက်က ကြည့်ရင်တော့ အထင်လွဲစရာတွေ ဖြစ်ခဲ့ပြီး “တရားစွဲမယ်”တို့၊ “တိုင်းရင်းသား စည်းလုံးညီညွတ်ရေး”တို့ စတဲ့ စကားမျိုးတွေနဲ့အတူ သတင်းစာ ရှင်းလင်းပွဲတို့ ဘာတို့အထိ ဖြစ်သွားပုံရပါတယ်။ လေးဒီးစ်ဂျာနယ်က တိုက်ပိတ်ထားပြီး အယ်ဒီတာများ ကိုယ်စီ ခရီးလွန်နေတာမို့ အချိန်မီ မရှင်းနိုင်ခဲ့ ဖြစ်ပုံရပါတယ်။ ဘာပဲဖြစ်ဖြစ် အခုတော့ ဆရာငြိမ်းချမ်းအေးက သွားရှင်းပြလိုက်လို့ ပြီးသွားပါပြီလို့ ဆိုကြပါတယ်။

အမှန်တော့ အစိုးရရော မီဒီယာရောက ပြည်သူကို ကိုယ်စားပြုပြီး ပြောဆိုရသူတွေလို့ ယုံကြည်တတ်ကြသူတွေပါ။ ယုံကြည်တဲ့ အတိုင်းလည်း မှားတယ်လို့ မဆိုသာပါဘူး။ ဒီလိုပဲ ကိုယ်က လမ်းညွှန်ထိန်းချုပ်ရမယ်လို့ နှစ်ဖက်စလုံးက အပြန်အလှန် ယုံကြည်တတ်ကြ ပါတယ်။ ဒါကြောင့်လည်း အတူလျှောက်ရာ လမ်းပေါ်မှာ ငြိတတ်တာက ပြည်တွင်းပြည်ပ သာဓကတွေ အများကြီးရှိပါတယ်။ ဒီမိုကရေစီ ခေတ်ပါလို့ ဂုဏ်ယူကြတဲ့ ဖဆပလခေတ်မှာ အာဏာရ ပါတီဝင်တွေက သတင်းစာတွေကို ရိုက်ချိုးခဲ့တဲ့ အမည်းစက်မျိုး လွန်ကျူးခဲ့ဖူးတယ်။ ဒီလိုပဲ သတင်းစာကလည်း အာဏာရပါတီ သိက္ခာကျမယ့် သတင်းဆို ဟုတ်ဟုတ်မဟုတ်ဟုတ်၊ ပုံကြီးချဲ့ခဲ့သလို ၀န်ကြီးချုပ်ကို ၀တ္ထုဇာတ်ကောင်လုပ်ပြီး သရော်တဲ့ ၀တ္ထုရှည်မျိုး မဂ္ဂဇင်းမှာ ထည့်တာမျိုးလည်း လုပ်ရဲခဲ့ကြတယ်။ 

အစိုးရကလည်း မီဒီယာကို သည်းခံပြီး ခွင့်လွှတ်ရတာတွေ အများကြီးရှိတယ်။ ဗြိတိန်ဝန်ကြီးချုပ် ဂေါ်ဒွန်ဘရောင်းဟာ မဲဆွယ်ခရီးမှာ မဲဆန္ဒရှင် အမျိုးသမီးကြီးတစ်ဦးအပေါ် စိတ်ဆိုးမာန်ဆိုး အပုပ်ချပြောတဲ့စကား အမှတ်မထင် စကားပြောမိုက်ထဲ ၀င်သွားရာမှာ လိုက်ဖ်လွှင့်နေသူက မဖြတ်ဘဲလွှင့်ပေးခဲ့လို့ အရှက်ကွဲပြီး ရွေးကောက်ပွဲ ရလဒ်အထိ ထိခိုက်ခဲ့ရတယ်။ ဒီလိုပဲ နိုင်ငံတကာ ခေါင်းဆောင်တွေအပေါ် သံမဏိမယ်ပဲလို့ တင်းမာပြတ်သားတဲ့ မာဂရက် သက်ချာဟာ သူ့ပြည်တွင်းမီဒီယာ ဘီဘီစီက ဖောက်ကလန်စစ်ပွဲမှာ သူ့တပ် အရေးနိမ့်မှုကို ဖွင့်ချကြေညာခဲ့တာကို မတားနိုင်ဘဲ အောင့်ခံခဲ့ရရှာတာပါပဲ။ ဒီလိုပဲ ၀န်ကြီးချုပ်ဦးနုလည်း ထွန်းနေ့စဉ် ဦးထွန်းဖေက “ဘ၀ရှင်မင်းတရားကြီး”လို့ ကင်မွန်းတပ်တာကို ခံရတာပါပဲ။

ဒီလို အစိုးရဘက်က သည်းခံရတာ ရှိသလို မီဒီယာများဘက်ကလည်း ဒီမိုကရေစီ အစိုးရမို့လို့ ကိုယ့်မှာ ပြောပိုင်ဆိုပိုင်ခွင့် ရှိနေလို့ ကို ရိုင်းရိုင်းပျပျ ကြမ်းကြမ်းတမ်းတမ်း ထိထိခိုက်ခိုက် မပြောမရေးဖြစ်ဖို့ ဂရုပြုဖို့ လိုပါလိမ့်မယ်။ ဦးနှောက်တို့ နှလုံးသားတို့က နားတို့ မျက်စိတို့ဆီကရတဲ့ သတင်းအချက်အလက်များနဲ့ မှန်မှန်ကန်ကန် ဆုံးဖြတ်နိုင်ဖို့ ကြိုးစားရမှာ ဖြစ်သလို နားတို့ မျက်စိတို့ကလည်း ဦးနှောက်ကို ဆုံးဖြတ်ချက်လွဲအောင်၊ နှလုံးသားကို ကြမ်းတမ်းမည်းညစ်အောင် တွန်းပို့တာ၊ အချွန်နဲ့မတာ၊ အကြပ်ကိုင်တာ စသည်တွေအစား လမ်းကြောင်းမှန်ကို စေတနာနဲ့ ထိန်းကျောင်းပေးဖို့ကို အာရုံပြုသင့်ပါတယ်။

ရှိမှန်းတောင် မသိတဲ့ အစိုးရမျိုးက အဖိုးတန်သလိုပဲ အစိုးရကို ထိမ်းကျောင်းနေမှန်း မသိသာစေဘဲ သူ့အလုပ်သူ ပါးပါးနပ်နပ် လုပ်သွားတဲ့ မီဒီယာမျိုးကသာ နိုင်ငံဝန်ကို တကယ်ထမ်းနိုင်မှာပါ။ ကျွန်တော်တို့တစ်တွေ တန်ဖိုးထားမြတ်နိုးရတဲ့ ဦးနှောက်တွေ၊ နှလုံးသားတွေ၊ နားမျက်စိတွေ အပေးအယူမျှမျှနဲ့ နိုင်ငံတော်ဆိုတဲ့ ခန္ဓာကိုယ်ကြီးကို ပန်းတိုင်အရောက် အမြန်သယ်ပို့နိုင်ပါစေလို့ ဆုတောင်းကြစို့လားဗျာ။
ရီနေနိုင်

The Ladies News

သင်ဘယ်တော့မှချမ်းသာမှာမဟုတ်ဘူးဆိုတာ သေချာစေတဲ့အချက် (၉) ချက်

  

လူတိုင်းလိုလိုချမ်းသာချင်ကြပါတယ်။ ချမ်းသာအောင်လည်း အချိန်တိုင်းကြိုးစားနေကြပါတယ်။ ဒါပေမယ့် ဘာလို့ လူတိုင်းမချမ်းသာတာလဲ။ အချို့ကတော့ ဘဝပေးကုသိုလ်ဆိုပြီးပြောကြပါလိမ့်မယ်။ ဒါပေမယ့် တကယ်တော့မဟုတ် ပါဘူး။ မချမ်းသာရခြင်း အကြောင်းအရင်းကတော့ အခြေခံလိုအပ်ချက် လေးတွေကိုတောင် မပြုပြင်နုိုင်လို့ပါ။ အောက် မှာပါ အချက်တွေထဲက တစ်ချက်ချက်ကို သင်လုပ်နေပြီဆိုရင်တော့ သင်ချမ်းသာဖို့ဆိုတာ အတော်လေးကိုဖြစ်နုိုင်ချေ နည်းသွားပါပြီ။
(၁)သင်ဟာ ပိုက်ဆံ စုခြင်းကို အရမ်းဝါသနာပါပြီး ပိုက်ဆံပိုမရှာနုိုင်ဘူး။

ပိုက်ဆံ စုခြင်းက ချမ်းသာဖို့ကြိုးစားတဲ့နေရာမှာ အရေးကြီးပါတယ်။ ဒါပေမယ့် ပုိုက်ဆံစုတာချည်းပဲ အာရုံစိုက်နေလို့ မရပါဘူး။ စုတာကိုပဲ အာရုံစိုက်နေရင် သင်လက်ရှိရနေတဲ့ ပိုက်ဆံထက်ဘယ်လို ထပ်ရှာရမလဲကို သင်စိတ်မဝင်စား နုိုင်တော့ပါဘူး။ အကယ်၍ ချမ်းသာတဲ့သူတွေလိုတွေးမယ်ဆိုရင် သင်ပိုက်ဆံကုန်သွားမှာကို စိတ်မပူသင့်တော့ပါဘူး။ ပိုက်ဆံပိုရှာနုိုင်အောင်ပဲ ဂရုစိုက်သင့်ပါတယ်။
(၂) သင်ရင်းနှီးမြုပ်နှံခြင်းမလုပ်သေးဘူး။

ပျမ်းမျှအားဖြင့် ချမ်းသာသူတွေဟာ သူတုို့ဝင်ငွေရဲ့ ၂၀%ကိုပြန်လည်ရင်းနှီးမြုပ်နှံပါတယ်။ တကယ်တော့ ဘဝမှာ စောစောရင်းနှီးမြုပ်နှံနုိုင်လေ ကောင်းလေလေပါပဲ။ အများကြီးမရင်းနှီးနုိုင်ရင်တောင် ဖြေးဖြေးချင်းကစလို့ရပါတယ်။ ဒါပေမယ့် စီးပွားရေးလုပ်ငန်းတစ်ခုခုပေါ်မှာ ရင်းနှီးမမြပ်နှံနုိုင်သေးရင် သင့်ကိုယ်သင်တိုးတက်အောင် အရင်ရင်းနှီး မြုပ်နှံပါ။ လစာထဲက အနည်းငယ်ကိုဖယ်ပြီး သင့်အရည်အချင်းတွေ တိုးတက်အောင် ပြုလုပ်တဲ့နေရာမှာ သုံးစွဲပါ။
(၃) တည်ငြိမ်တဲ့လစာဝင်ငွေပေါ်မှာ သင်သာယာနေတယ်။

သာမန်လူတော်တော်များများဟာ သူတို့ရဲ့အချိန်အတွက် ငွေပေးချေခြင်းကို ခံယူလိုလေ့ရှိပါတယ်။ ဥပမာ တစ်လ ကို ဘယ်လောက်၊ တစ်ပတ်ကိုဘယ်လောက်၊တစ်နာရီကိုဘယ်လောက်စသဖြင့်ပေါ့။ ဒါပေမယ့် ချမ်းသာသူတွေက တော့ ဖြစ်ပေါ်လာတဲ့ရလဒ်ပေါ်မူတည်ပြီး ပိုက်ဆံ ရှာပါတယ်။ များသောအားဖြင့် သူများဆီမှာလည်း အလုပ်လုပ် လေ့မရှိပါဘူး။ သူတို့က Self-employedလို့ခေါ်တဲ့ ကိုယ့်ဘာသာကိုယ်အလုပ်ပြန်ခန့်ထားတာမျိုးပဲလုပ်ပါတယ်။ လစာအပေါ်သာယာနေခြင်းဟာ ချမ်းသာခြင်းဆီကိုသွားရာမှာ နှောင့်နှေးစေပါတယ်။
(၄) သင်ကသင်မတတ်နုိုင်တဲ့ပစ္စည်းတွေဝယ်လေ့ရှိတယ်။

သင့်ရဲ့လိုအပ်ချက်တိုင်းကို လိုက်လံဖြည့်ဆည်းနေရင် သင်ဘယ်တော့မှ ချမ်းသာမှာမဟုတ်ပါဘူး။ အကယ်၍ ပုံမှန်ထက် ဝင်ငွေတိုးတက်လာရင် သင့်ကိုယ်သင် ပိုမိုကောင်းမွန်တဲ့ Lifestyleတစ်ခုကို မပြောင်းလိုက်ပါနဲ့အုံး။ ဒါဟာ ခက်ခဲတဲ့ အချက်ဖြစ်ပြီးတော်တော်များများမလုပ်နုိုင်ပါဘူး။ သန်းကြွယ် သူဌေးတစ်ယောက်ဖြစ်တဲ့ Grant Cardoneက”ရင်းနှီး မြုပ်နှံမှုတွေက ဝင်ငွေသေသေချာချာမဝင်သေးပဲနဲ့ ကျွန်တော်ကား အကောင်းစားမပြောနဲ့ နာရီအကောင်းစားတောင် မဝယ်ခဲ့ပါဘူး”လို့ဆိုခဲ့ပါတယ်။ သင်လည်း လစာတိုးတာနဲ့ iPhoneကောက်ပြီး မဝယ်ပါနဲ့အုံး။

(၅) သင်ဟာ သင့်အိမ်မက်နောက်ကိုလိုက်ရဲတဲ့ သတ္တိမရှိဘူး။

အကယ်၍ ဘဝမှာ အောင်မြင်ချင်ရင် မိမိလုပ်နေတာကို အရင်ဆုံး ချစ်မြတ်နိုးဖို့လိုပါတယ်။ ဒါ့ကြောင့် သင်ဘာကိုချစ် မြတ်နိုးတယ်ဆိုတာလည်း သိဖို့လိုသလို အိမ်မက်တွေနောက်ကို လုိုက်ရဲတဲ့ သတ္တိလည်းရှိဖုိ့လိုပါတယ်။ ဒါပေမယ့် လူ တော်တော်များများကတော့ မိဘရဲ့ရည်မှန်း ချက်နောက်ကိုလိုက်နေ တာများပါတယ်။
(၆) သင်ဟာ Comfort Zoneထဲက မထွက်ရဲဘူး။

ကိုယ်ပိုင်စီးပွားရေးလုပ်ရင် လက်ရှိဝင်နေတဲ့ လစာလေး မဝင်တော့မှာ စိုးရိမ်ကြတာများပါတယ်။ ဒီလိုနဲ့ သူများအိမ် မက်တွေကိုပုံဖော်ပေးရင်းနဲ့ပဲ သင့်ဘဝကုန်ဆုံးသွားပါလိမ့်မယ်။ အကယ်၍ ဘဝမှာချမ်းသာချင်ရင် စွန့်စားရဲတဲ့သတ္တိ ရှိရပါတယ်။ သက်တောင်သက်သာ ရှိတဲ့နေရာမှာပဲ နေထိုင်နေရုံနဲ့တော့ မချမ်းသာလာပါဘူး။
(၇) သင့်ပိုက်ဆံတွေကို ဘယ်လိုအသုံးချမယ်ဆိုတာ ကြိုတင်ပြင်ဆင်ထားခြင်း မရှိဘူး။

အကယ်၍ ချမ်းသာချင်တယ်ဆိုရင် ပိုက်ဆံ ကို ဘယ်လိုအကျိုးရှိရှိအသုံးချရမယ်ဆိုတာ သိဖို့လိုပါတယ်။ သင်ရလာတဲ့ ဝင်ငွေကို ဘယ်နေရာတွေမှာသုံးမယ်။ ဘယ်လောက်ကိုစုမယ်၊ ဘယ်လောက်ကိုရင်းနှီးမြုပ်နှံရမှာသုံးမယ် စသဖြင့်သေ သေချာချာသိဖို့လိုပါတယ်။
(၈) သင်ကသုံးလို့ပိုတာကိုစုတယ်။

သင်က လစာရတာနဲ့ ဘာတွေသုံးရမလဲ စစဉ်းစားပါတယ်။ ပြီးမှလကုန်လို့ ကျန်တာကိုစုတယ်ဆိုရင်တော့ သေချာပါ တယ်။ သင့်မှာ ဘာမှကျန်မှာမဟုတ်ပါဘူး။ ကျန်လည်း နည်းနည်းပါပဲ။ တကယ်တော့ အရင်စုပြီးမှ ပိုတာကို သုံးရမှာ ပါ။ ဝင်ငွေ၁၀%ကိုဖြစ်ဖြစ်စုပါ။ ပြီးမှပိုတာကို ဘာတွေသုံးမလဲ စဉ်းစားပါ။

(၉) သင်ကချမ်းသာခြင်းဆိုတာ မဖြစ်နုိုင်ပါဘူးလို့ထင်နေတယ်။

လူတော်တော်များများက ချမ်းသာခြင်းဆိုတာ ကံကောင်းတဲ့သူတွေဆီကိုပဲ ရောက်ရှိလေ့ရှိတဲ့အရာလို့ ခံယူထားပါ တယ်။ ဒါ့ကြောင့်လည်း အဲ့ဒိလူတော်တော်များများက ဘယ်တော့မှ မချမ်းသာပါဘူး။ မိမိကိုယ်ကိုမှ မယုံရင် ဘာမှ လုပ်လို့မရပါဘူး။ ကြိုးစားသူတိုင်း အတွက်နေရာ ရှိပါတယ်။ သင့်အတွက်လည်းနေရာရှိပါတယ်။
အကယ်၍ အထက်ပါအချက်တွေထဲက တစ်ချက်ချက် သင့်မှာရှိနေပြီဆိုရင်တော့ သင်ပြင်ဆင်သင့်ပါပြီ။အကယ်၍ ချမ်းသာချင်တယ်ဆိုရင်ပေါ့။

Ref : မိုးရှင်း (I.M.T)

အာရှတိုက်ရဲ့ ထိပ်တန်းစာရင်းဝင် အပြည်ပြည်ဆိုင်ရာ ကျောင်းများ

အာရှတိုက်မှာရှိတဲ့ ထိပ်တန်းစာရင်းဝင် ကျောင်းအချို့ကို အောင်မြင်မှုကို လိုလားကြသူတိုင်းအတွက် စုစည်းမိတ်ဆက်ပေးလိုက်ပါတယ်။

နိုင်ငံတကာမှာရှိတဲ့ ထိပ်တန်းစာရင်းဝင် အပြည်ပြည်ဆိုင်ရာကျောင်းတွေကို ကြည့်မယ်ဆိုရင် မြင့်မားတဲ့ စာမေးပွဲအောင်ချက်တွေနဲ့ ကောင်းမွန်ပြည့်စုံတဲ့ ကျောင်းပြင်ပ လုပ်ဆောင်မှုနေရာများစွာတို့ ဖန်တီးပေးထားခြင်း စတဲ့ စံတင်လောက်တဲ့ ဝန်ဆောင်မှုတွေကို တွေ့မြင်ရပါတယ်။ ဒါတွေအားလုံးဟာ ကျောင်းသားတိုင်းအတွက် အလိုအပ်ဆုံး အဓိကကဏ္ဍတွေဖြစ်ပြီး၊ ဒီလို အဆင့်မီကျောင်းတွေဟာလည်း အောင်မြင်မှုကိုလိုလားကြသူတိုင်း အမြဲမက်လေ့ရှိတတ်တဲ့ အိပ်မက်ကမ္ဘာတစ်ခုပါ။ ဒါကြောင့် အာရှတိုက်မှာရှိတဲ့ ထိပ်တန်းစာရင်းဝင် ကျောင်းအချို့ကို အောင်မြင်မှုကို လိုလားကြသူတိုင်းအတွက် စုစည်းမိတ်ဆက်ပေးလိုက်ပါတယ်။

Tanglin Trust School: Singapore

 

စင်္ကာပူမှာရှိတဲ့ Tanglin Trust School ကျောင်းကတော့ သက်တမ်းအားဖြင့် ၈၆ နှစ်တောင် ကြာခဲ့ပါပြီ။ သင်ကြားမှုတစ်လျှောက်လုံးမှာလည်း ယူကေ နိုင်ငံရဲ့ အဆင့်မီသင်ရိုးညွှန်းတမ်းတွေအတိုင်း သင်ကြားပို့ချလာခဲ့တာဖြစ်ပြီး Expats ကိုင်ဆောင်ထားသူတွေလည်း တက်ရောက်နိုင်ပါတယ်။ ကျောင်းရဲ့ ကောင်းမွန်သေသပ်တဲ့ ကျောင်းခန်းအသစ်တွေနဲ့အတူ မြင့်မားအဆင့်မီတဲ့ စာမေးပွဲအောင်ချက်တွေကြောင့် ကျောင်းသားပေါင်း ၉၈ ရာနှုန်းခန့်ဟာ ဆိုရင် သူတို့ ရွေးချယ်မျှော်လင့်ထားကြတဲ့ ပထမဦးစားပေး တက္ကသိုလ်တွေကို တက်နိုင်ခွင့် ရခဲ့ကြပါတယ်။

Garden International School: Kuala Lumpur

 

ဒီကျောင်းကတော့ မလေးရှားနိုင်ငံမှာရှိတဲ့ အကြီးမားဆုံး ပုဂ္ဂလိကကျောင်းတစ်ကျောင်းပါ။ ဒီကျောင်းကို ၁၉၅၁ ခုနှစ်မှာ စတင် တည်ထောင်ခဲ့ကြပါတယ်။ သူလည်းပဲ ဗြိတိန်နိုင်ငံရဲ့ သင်ရိုးညွှန်းတမ်းတွေအတိုင်း သင်ကြားပို့ချပေးနေတာဖြစ်ပြီး နိုင်ငံပေါင်း ၅၀ ကျော်က ကျောင်းသားပေါင်း ၂၀၀၀ ကျော် တက်ရောက်နေပါတယ်။ ကျောင်းမှာဆိုရင် ဒရာမာ၊ ဂီတ၊ ပန်းချီနဲ့ ဘာသာစကား စတဲ့ ကိုယ်နှစ်သက်ရာ စိတ်ကြိုက်ရွေးချယ်တက်ရောက်နိုင်တဲ့ အတန်းတွေအပြင် အကြီးစားရေကူကန်တစ်ခု၊ တင်းနစ်ကွင်းတစ်ကွင်း၊ အားစကွင်းရုံတွေနဲ့ နည်းပညာမြင့် အထူးစာသင်ခန်းတွေလည်း ပါရှိပါတယ်။

Dulwich College: Beijing

 

ဘေဂျင်းနိုင်ငံမှာရှိတဲ့ Dulwich College ဟာဆိုရင် Dulwich College Group ကနေပြီးတော့ လန်ဒန်မှ ဆိုးလ်မြို့ထိ ဖွင့်လှစ်ထားတဲ့ ကျောင်းတွေထဲက တစ်ခုအပါအ၀င်ဖြစ်ပါတယ်။ ကျောင်းသားတွေကိုလည်း အဖွဲ့(၄)ဖွဲ့ ခွဲကာ ရင်းရင်းနှီးနှီး ပြိုင်ဆိုင်မှုမျိုးရှိအောင် ထားရှိပါသေးတယ်။ Dulwich College ဟာဆိုရင် သာမရိုးကျ အင်္ဂလိပ်ကျောင်းတွေလို အသင်းအဖွဲ့တွေဖွဲ့ပေးပြီး တူညီဝတ်စုံတွေနဲ့အတူ အတန်းခေါင်းဆောင်တွေကိုလည်း ရွေးချယ်ခန့်အပ်လေ့ရှိပါတယ်။ ပညာသင်ကြားမှုအပိုင်းကတော့ ဗြိတိန်နိုင်ငံရဲ့ သင်ရိုးညွှန်းတမ်း အတိုင်း သင်ကြားပေးပါတယ်။ Dulwich College ဟာ ပျမ်းမျှ IB points of 36 နဲ့ တစ်ကမ္ဘာလုံးအတိုင်းအတာအရဆိုရင်တော့ ပျမ်းမျှ IB points of 29 ကို ရရှိထားပြီး ယခုစာရင်းမှာပါရှိတဲ့ ကျောင်းတွေထဲမှာ အမြင့်ဆုံးဆိုရင်လည်း မမှားပါဘူး။

St Christopher’s: Bahrain

 

ဘာရိမ်းနိုင်ငံမှာ ဗြိတိန်ကျောင်းပုံစံမျိုး ဖွင့်လှစ်ထားတဲ့ St. Chrisopher’s ကျောင်းဟာဆိုရင် ကောင်းမွန်တဲ့ စာမေးပွဲအောင်မြင်မှု ရလဒ်တွေကို ပိုင်ဆိုင်ထားပါတယ်။ Dulwich College လိုမျိုး ကျောင်းသားတွေကို အဖွဲ့(၄)ဖွဲ့ ခွဲထားတဲ့အပြင် အင်္ဂလိပ်ပုဂ္ဂလိကပညာ သင်ကြားရေးစနစ်နဲ့ သင်ကြားပေးပါတယ်။ စာမေးပွဲရလဒ်တွေကတော့ အနည်းငယ် စိတ်ကြိုက်မဖြစ်နိုင်ပေမဲ့ ပညာသင်ကြားရေးအတွက် ကုန်ကျစရိတ်ကတော့ သက်သာပါတယ်။

Dulwich College: Shanghai

 

ဘေဂျင်းနိုင်ငံမှာရှိတဲ့ Dulwich College အတိုင်းဖြစ်ပေမဲ့ ပညာရေးရလဒ်မှာတော့ ရှန်ဟိုင်းက Dulwich College ဟာ အနည်းငယ် အမှတ်နည်းပါတယ်။ ကောင်းမွန်တဲ့ ကျောင်းစာပြင်ပလှုပ်ဆောင်မှုတွေလည်း ပါရှိသလို ဂီတ၊ အားကစားနဲ့ ဒရာမာတွေကိုလည်း ဟန်ချက်ညီစွာ ပို့ချပေးပါတယ်။

Harrow International School, Hong Kong

 

၂၀၁၂ ခုနှစ်ကတည်းက ဟောင်ကောင်မှာ ဖွင့်လှစ်ခဲ့တဲ့ Harrow International School, Hong Kong ဟာ ဟောင်ကောင်ရဲ့  ပထမဆုံး အပြည်ပြည်ဆိုင်ရာ နေ့ကျောင်းတစ်ကျောင်း ဖြစ်ပါတယ်။ အဆိုပါ ကျောင်းဟာ ဗြိတိန် ပညာရေးသင်ရိုးညွှန်းတမ်းများအတိုင်း သင်ကြားကာ IGCSE စာမေးပွဲများအတွက်လည်း ပြင်ဆင်ပေးပါတယ်။ အတန်းကိုတော့ Early Year ကနေ Year 13 အထိ ဖွင့်လှစ်ထားတဲ့အပြင် သန့်ရှင်းသပ်ရပ် ကောင်းမွန်တဲ့ စာသင်ကျောင်းတစ်ကျောင်းပါ။ ဟောင်ကောင်မှာ ဖွင့်လှစ်ထားတဲ့ အပြည်ပြည်ဆိုင်ရာကျောင်းတွေထဲမှာ နာမည်ကြီး ခမ်းနားတဲ့ ကျောင်းတစ်ကျောင်းလည်း ဖြစ်ပါတယ်။

British International School, Phuket

 

British International School, Phuket (BISP) ဟာ အင်္ဂလိပ်ပညာရေး သင်ရိုးညွှန်းတမ်းနဲ့ သင်ကြားပို့ချတဲ့ နေ့ကျောင်းဖြစ်ပြီး ၁၉၉၆ ခုနှစ်က ဖူးခက်မှာ စတင်တည်ထောင်ခဲ့ပါတယ်။ ယခင်က Dulwich College အနေနဲ့ရှိခဲ့ပေမဲ့ လက်ရှိအချိန်မှာတော့ ဒေသခံ တာဝန်ရှိသူများက ကျောင်းကို စီမံခန့်ခွဲနေပါတယ်။ ကျောင်းသားများအတွက် အဆောင်များ၊ ကမ္ဘာ့အဆင့်မီ အားကစားရုံများနှင့် အနုပညာခန်းမများလည်း ရှိပါတယ်။

အမြဲတမ်း ရှောင်သင့်တဲ့ ကိုယ်ဟန်အမူအရာ (၁၀) မျိုး

ရှာင်သင့်တဲ့ ကိုယ်ဟန်အမူအရာ (၁၀) မျိုး

လူတွေနဲ့ ထိတွေ့ဆက်ဆံရတဲ့အခါ ဘယ်တော့မှ မလုပ်သင့်တဲ့ ကိုယ်အမူအရာ (၁၀) မျိုး ရှိပါတယ်။

လူတွေနဲ့ ပြောဆိုဆက်ဆံရေးမှာ ခန္ဓာကိုယ်ရဲ့ ပြောဆိုလှုပ်ရှားမှုဟန်ပန်ဟာ အလွန်အရေးကြီးပါတယ်။ လုပ်ငန်းခွင် အင်တာဗျူးမှာ သင့်ရဲ့ကိုယ်ရေးအချက်အလက်ကလည်း အရေးကြီးသလို အင်တာဗျူးသူနဲ့ တွေ့တဲ့အခါ သင့်ရဲ့ ဟန်ပန်ကလည်း အရေးကြီးပါတယ်။

သင်ဟာ လူမှုဆက်ဆံရေးမှာ အောင်မြင်သူ ဖြစ်ချင်တယ်ဆိုတော့ အခုဖော်ပြမယ့် ခန္ဓာကိုယ် ဟန်ပန်အမူအရာတွေကို ရှောင်ရှားသင့်ပါတယ်။

၁။ စကားပြောနေသူနှင့် မျက်လုံးလွှဲထားတာမျိုး မလုပ်သင့်ပါဘူး။

၂။ အပြုံးအရယ် မရှိတဲ့ မျက်နှာနဲ့လည်း လူကြားထဲမှာ မနေသင့်ပါဘူး။ အထူးသဖြင့် သင်စကားနေပြာနေတဲ့ အချိန်မှာ ပြုံးပါ။

၃။ အစည်းအဝေးတွေနဲ့ တွေ့ဆုံပွဲတွေမှာ အခြားသူ စကားပြောနေချိန် ကိုယ်က ဘောပင်၊ စာရွက်တွေနဲ့ ဆော့ကစားမိနေတာမျိုး မလုပ်သင့်ပါဘူး။

၎။ ခန္ဓာကိုယ်ဟန်ပန်က ပျင်းရိလေးကန်နေသယောင် ခြေပစ်လက်ပစ် ဖြစ်နေတာလည်း မလုပ်သင့်ပါဘူး။ ဒါမလေးစားတဲ့ ပုံစံ ဖြစ်ပါတယ်။

၅။ ဆံပင်ခဏခဏ သပ်တာ၊ မျက်နှာပွတ်တာနဲ့ လက်ချောင်းတွေ ကစားနေတာမျိုး ရှောင်ပါ။

၆။ လက်ပိုက်ပြီး လက်ကို အထဲဖွက်ထားတာမျိုး မလုပ်သင့်ပါဘူး။ လက်ဖဝါးတွေကို အပြင်မှာ ထားပါ။

၇။ လက်ဆွဲနှုတ်ဆက်တဲ့အခါ တစ်ဖက်သူရဲ့ လက်ကို တင်းတင်းကျပ်ကျပ် ကိုင်ပါ။ အားမရှိတဲ့ ပုံစံမျိုးနဲ့ မနှုတ်ဆက်မိအောင် ရှောင်ပါ။

၈။ စကားပြောရင်း လက်နဲ့ သရုပ်ဖော်လွန်းတာ အလွန်အကျွံမဖြစ်အောင် ရှောင်ပါ။ တစ်ဖက်သူ မျက်စိနောက်နိုင်ပါတယ်။

၉။ အလွန်အကျွံခေါင်းငြိမ့်တာမျိုးလည်း ရှောင်ပါ။

၁၀။ နာရီနဲ့ ဖုန်းကို တတ်နိုင်သမျှ မကြည့်ပါနဲ့။

Source & Photos : Business Insider

တုနှိုင်းမဲ့ အမေ့မေတ္တာ

   
 အားနွဲ့တဲ့ မျိုးသမီးတစ်ယောက်ဟာ အားကောင်းသန်မာတဲ့ ကျားသစ်လို သားရဲတစ်ကောင်နဲ့ ယှဉ်ပြိုင် တိုက်ခိုက်ဝံ့တယ်လို့ ပြောရင် ယုံပါ့မလား။

ဒါမှ မဟုတ်၊ ပုံပြင်ထဲမှာပဲ ရှိတယ်လို့ ထင်နေမလား။

တကယ်တော့ ပုံပြင်မဟုတ်ပါဘူး။

အမျိုးသမီးတွေဟာ သာမန်အချိန်မှာသာ အားနွဲ့တာပါ။ သားသမီးတွေ အန္တရာယ်တစ်စုံတရာ ကျရောက်နေပြီဆိုရင်တော့ အသက်နဲ့လဲပြီး ကွာကွယ်တတ်ကြပါတယ်။ အသက်ပေးပြီး ချစ်တဲ့ မိခင်မေတ္တာပေါ့။

ဒီနေ့မနက်မှာ နိပေါနိုင်ငံ၊ တနေရာမှာတော့ လူသားမိခင်တစ်ဦးနဲ့ သားရဲ ကျားသစ် တစ်ကောင်တို့ အပြင်းအထန် တိုက်ခိုက်နေကြပါတယ်။

တောမှားပီး ၀င်လာတဲ့ ကျားသစ်ဟာ ကလေးငယ်တစ်ဦးကို ဖမ်းယူစားသောက်ဖို့ ကြိုးစားတာပေါ့။

ဒါကို မြင်တော့ ကလေးအမေဟာ ကျားသစ်ကို တိုက်ခိုက်ပါတယ်။ နောက်ဆုံးတော့ ကျားသစ်ဟာ မိခင်မေတ္တာအရှိန်အဟုန်နဲ့ တိုက်ခိုက်တဲ့ အမျိုးသမီးရဲ့ လက်ချက်နဲ့ပဲ သေဆုံးရပါတယ်။

အမေဟာ အသက်နဲ့ လဲပီး သူ့သားကို ကယ်တင်နိုင်ခဲ့ပါတယ်။

အမေပြောတာကတော့ “ အဲ့ဒီတိုက်ပွဲမှာ တစ်ယောက်ကတော့ သေမှာ သေချာတယ်။ ငါမသေရင် ကျားသစ်သေမှာပဲ။ ကျားသစ်မသေရင်တော့ ငါသေမှာပဲ။”

သူမဟာ ကျားသစ်ကို သတ်လိုက်ရလို့ စိတ်မကောင်းဖြစ်နေမိပါတယ်။

အခုအခါမှာတော့ သူ့ကလေးလည်း သေတွင်းက လွတ်မြောက်သွားပါပြီ။ သူမကိုလည်း ရရှိတဲ့ ဒဏ်ရာတွေ ကုသဖို့ ဆေးရုံမှာ တင်ထားပါတယ်။

Source: The Voice of Sikkim
Mettā Moe Wai Bsk

#True Man