Category Archives: အချစ်ရေး

သူငယ်ချင်းစုံတွဲနဲ့အတူ အပြင်သွားမိတဲ့ Single တစ်ယောက်ရဲ့ဒုက္ခတွေ

ဒီလိုနဲ့ပဲ နောက်ဆို သူတို့ဘယ်ခေါ်ခေါ် မလိုက်ချင်တော့ဘူး….

friends or lover_1.jpg

ကိုယ်ကသာ မစွံတာ ကိုယ့်အချစ်ဆုံးသူငယ်ချင်းက ရည်းစားနဲ့ အဆင်ကိုပြေလို့။ ခါတိုင်းဆို ဘယ်သွားသွား ဘာလုပ်လုပ် အမြဲတမ်း စိတ်တူကိုယ်တူရှိခဲ့တဲ့ သူငယ်ချင်းက ရည်းစားရပြီးနောက်မှာ ကိုယ့်ကိုလည်း အချိန်မပေးနိုင်တော့ပါဘူး။ ဒီကြားထဲမှာ သူတို့သွားလေရာကို အလိုက်ကန်းဆိုးမသိ ခေါ်သေးတယ်။ တစ်ခါတစ်လေ ကိုယ်တိုင်ကလည်း သူတို့နဲ့အတူ လျှောက်လည်ဖို့ စိတ်ကူးပေါ်လာလို့ အတူတူအပြင်သွားမိရင်တော့ စိတ်ရှုပ်စရာတွေချည်း ကြုံရတာပါပဲ။

၁။ မျက်စိနောက်တယ်

ကိုယ်တစ်ယောက်လုံး ဘေးမှာရှိနေတာတောင် အချင်းချင်း ယုယကြင်နာနေတာကို မြင်ရတော့ မျက်စိထဲ ဘယ်လိုမှကို အဆင်မပြေဘူး။ မျက်နှာကို ဘယ်နားထားရမှန်းမသိ ဖြစ်ရတယ်။ ကြာလာတော့ မျက်စိနောက်လာရော။

၂။ သူတို့ရဲ့အဖြည့်ခံ

တကယ်တမ်းကျတော့ ဘယ်စုံတွဲကမှ အပြင်သွားတိုင်း သူငယ်ချင်းကို မခေါ်ချင်ပါဘူး။ FA (ဂေါ်မစွံတဲ့ forever alone) သူငယ်ချင်းကို သူတို့နဲ့အတူလိုက်ခဲ့ပါလို့ ခေါ်တာကလည်း အကြံရှိလို့ပဲ။ အနည်းဆုံးတော့ သူတို့စုံတွဲရဲ့ ကင်မရာမန်းလုပ်ပေးရတာ။ ပုံပေါင်းတစ်ထောင်လောက် ရိုက်ပေးတာတောင်မှ စိတ်တိုင်းမကျလို့ ထပ်ရိုက်ခိုင်းလိုက်သေး။ ကိုယ့်ပုံကိုကျ ဖြစ်သလိုရိုက်ပေးကြတာမျိုး။

၃။ အခင်အမင်ပျက်ရ

ကြာလာတော့ သူတို့ကိုကြည့်ရင်း မျက်စိလည်းနောက်လာ၊ ကိုယ့်ကိုယ်ကိုယ်လည်း သနားလာပြီး သူငယ်ချင်းကိုပါ အဆက်အသွယ် မလုပ်ချင်တော့ဘူး။ သူကတော့ သူ့ရည်းစားကို အကောင်းမြင်မှာပဲ။ ဒါကို ကိုယ်က ထုတ်ပြောလိုက်ရင် သဘောထားသေးသိမ်တယ်ဆိုပြီး အခင်အမင်ပျက်ရမှာ။ ဒီလိုနဲ့ပဲ နောက်ဆို သူတို့ဘယ်ခေါ်ခေါ် မလိုက်ချင်တော့ဘူး။ သူငယ်ချင်းကလည်း ကိုယ်က သူ့ကို တကယ်မခင်တော့ဘူးလို့ မြင်သွားတတ်တယ်။

 

ဒီလိုမျိုးတွေ မကြုံချင်ဘူးဆိုရင်တော့ သူငယ်ချင်းစုံတွဲနဲ့ အပြင်မသွားတာပဲ ကောင်းပါတယ်။ သွားရင်လည်း ကိုယ့်သွားကိုသာ ဖြီးထားပါ။ ဒါမှမဟုတ် ဖုန်းကိုအားအပြည့်သွင်း နားကြပ်တပ်ပြီးတော့သာ မသိသလိုနေလိုက်။ ဘယ်လိုပဲပြောပြော သူတို့အကူအညီတောင်းတာကိုတော့ လုပ်ပေးရဦးမှာပဲဆိုတာ သေချာပါတယ်။

မိန်းကလေးတစ်ယောက်ကို စာပို့ပြီး ချိန်းဆိုနိုင်ဖို့ နည်းလမ်း(၉)ခု

Image result for date  with phone

မိန်းကလေးတစ်ယောက်ဆီကို ဖုန်းကနေတဆင့်စာပို့ခြင်းရဲ့ အကောင်းဆုံးအချက်ကတော့ စိတ်ခံစားမှုတွေကို ဖုံးကွယ်ထားနိုင်ပြီး သေချာစဉ်းစားလုပ်ဆောင်နိုင်တာပဲ ဖြစ်ပါတယ်။ မျက်နှာချင်းဆိုင်စကားပြောမယ်ဆိုရင် အဖြေတစ်ခုကို သေချာပြင်ဆင်ဖြေဆိုဖို့ အချိန်အများကြီးမရနိုင်သလို သင့်ရဲ့အသံနေအသံထားကလည်း ကိုယ့်ကိုယ်ကိုယုံကြည်မှုကင်းမဲ့နေသလို ဖြစ်စေပါတယ်။ စာပို့မယ်ဆိုရင်တော့ ဒီအခက်အခဲတွေအားလုံးကို ကျော်လွှားနိုင်မှာပါ။ စာပို့တဲ့နေရာမှာ မိန်းကလေးဖက်က ပြန်စာရရှိဖို့နဲ့ အခြေအနေကောင်းလို့ အပြင်မှာတွေ့ကြမယ်ဆိုရင်လည်း ချိန်းတဲ့နေရာကို သေချာပေါက်ရောက်လာစေဖို့ နည်းလမ်းကောင်းလေးတွေရှိပါတယ်။

၁။ သူမကို စတင်ချဉ်းကပ်ချိန်မှာကတည်းက စာပို့ပါ။

စတွေ့ပြီးသုံးရက်နေမှာ ပြန်ဆက်သွယ်ရမယ်ဆိုတဲ့ စည်းကမ်းကို မေ့ထားလိုက်ပါတော့။ သုံးရက်ဆိုတဲ့ အချိန်မှာ သင့်ကို စတွေ့ခဲ့တဲ့ပုံရိပ်က မှေးမှိန်ပျောက်ကွယ်နေနိုင်ပါတယ်။ ဒါမှမဟုတ်ရင်လည်း အခြားယောင်္ကျားလေးတစ်ယောက်ယောက်နဲ့ နောက်ထပ်အစီအစဉ်တွေရှိသွားနိုင်ပါတယ်။ ဒါ့ကြောင့် အကောင်းဆုံးနည်းလမ်းက သူမရဲ့ဖုန်းနံပါတ်ကို သိရပြီဆိုတာနဲ့ စကားပြောနေတုန်းဖြစ်စေ၊ ထွက်လာပြီးသိပ်မကြာခင်ဖြစ်စေ အချိန်တိုအတွင်းမှာကို စာပို့သင့်ပါတယ်။ ဒီလိုဆိုရင် သင့်ရဲ့ဖုန်းနံပါတ်ကိုလည်း သူမ သိရှိပြီးသားဖြစ်သွားစေနိုင်သလို နောက်ထပ်စာတွေ ပို့တဲ့အခါမှာလည်း စာပို့ရတဲ့အကြောင်းရင်းကို သိပ်ရှင်းပြစရာမလိုတော့ပါဘူး။ နောက်တစ်ချက် စတင်တွေ့ဆုံပြီးချိန်မှာပဲ စာပို့လိုက်တာက အပြန်အလှန်စာပို့ဆက်သွယ်မှုတစ်ခုကို တည်ဆောက်လိုက်တာလည်း ဖြစ်ပါတယ်။ ဒါ့ကြောင့် နောက်နေ့တွေမှာ သူအနေနဲ့ စာပြန်ပို့နိုင်ဖို့ လွယ်ကူသွားစေပါတယ်။

၂။ ပုဂ္ဂိုဟ်ရေးဆန်ပါစေ။

ပထမဆုံးစာတွေ ပေးပို့ချိန်မှာ တွေ့ဆုံချိန်က ပြောဆိုဆွေးနွေးခဲ့တဲ့အကြောင်းအရာနဲ့ ပတ်သက်ဆက်နွယ်တာပဲ ဖြစ်သင့်ပါတယ်။ သူမနဲ့ ပတ်သက်ပြီး သင်သိထားပြီးသားအကြောင်းအရာတစ်ခုခု၊ ဒါမှမဟုတ် နှစ်ယောက်စလုံးနဲ့ သက်ဆိုင်တဲ့အရာတစ်ခုခုအကြောင်း ဖြစ်သင့်ပါတယ်။ ဥပမာအနေနဲ့ သူမမှာ အိမ်မွေးတိရိစ္ဆာန်တစ်ကောင်မွေးထားတယ်ဆိုရင် အဲ့ဒီတိရိစ္ဆာန်နဲ့ပတ်သက်ပြီး တစ်ခုခုပေးပို့ပါ။ နောက်တစ်ချက်က စာတွေပေးပို့ရာမှာ သူမရဲ့နာမည်ကို ထည့်သွင်းရေးသားတာက ပိုပြီးရင်းနှီးခင်မင်စေပါတယ်။

၃။ ရည်ရွယ်ချက်တစ်ခုနဲ့ စာပို့ပါ။

သင့်အနေနဲ့ စတင်တွေ့ဆုံချိန်က စကားပြောဖြစ်ခဲ့ပြီး သူမကလည်း သင့်အကြောင်းသိချင်နေတဲ့ပုံရတယ်ဆိုရင် နောက်ရက်တွေမှာ စာပို့ပြီး တွေ့ဆုံကြဖို့ ချိန်းဆိုနိုင်ပါတယ်။ သင့်အပေါ်မှာ သူမရဲ့ယုံကြည်မှုကို တည်ဆောက်နိုင်ဖို့ ရည်ရွယ်ပြီး စာပေးပို့ပါ။ တကယ်လို့ သူမက သင့်အပေါ်စိတ်ဝင်စားပုံမပေါက်ဘူးဆိုရင်တော့ သင့်ရဲ့စာတွေက ရယ်မောစရာတွေနဲ့ ဟာသတွေဖြစ်သင့်ပါတယ်။

၎။ အသာစီးရယူပါ။

စာပေးပို့တဲ့အခါမှာ မျက်နှာချင်းဆိုင်စကားပြောရတာထက် အခွင့်အရေးတွေ ပိုရတာကို ဖော်ပြပြီးဖြစ်ပါတယ်။ ဒါ့ကြောင့် ကိုယ့်ကိုယ်ကို ယုံကြည်မှုအပြည့်ရှိကြောင်း ဖော်ပြနိုင်မယ့် စာတွေပေးပို့ပါ။ တွေ့ဆုံကြဖို့ ချိန်းတဲ့အခါမှာ သူမ အားမအားကို မေးမနေပဲ။ တွေ့မယ့်အချိန်၊ နေရာ စတာတွေကို တန်းပြောသင့်ပါတယ်။ သူမဖက်က နာရီအတော်ကြာလို့မှာ အကြောင်းပြန်မလာဘူးဆိုရင် မေးခွန်းအမှတ်အသား (?) လေးပေးပို့ပါ။ ဒီလိုမှ အချိန်အတော်ကြာတဲ့အထိ စာမပြန်သေးဘူးဆိုရင်တော့ မအားဘူးဆိုရင်လည်း ပြဿနာမရှိတဲ့အကြောင်း အိမ်နီးချင်းမိတ်ဆွေနဲ့ပဲ သွားမယ့်အကြောင်း ထပ်ပြီးပေးပို့လိုက်ပါ။ ဒီလိုဆိုရင် သူမဆီက တနည်းနည်းနဲ့ စာပြန်လာမှာ သေချာပါတယ်။

၅။ ပြတ်သားပါစေ။ သူမစိတ်ကူးပြောင်းခွင့် မပေးပါနဲ့။

သင်နဲ့ တွေ့ဆုံဖို့ သဘောတူပြီးပြီဆိုရင် ဒီအစီအစဉ်အတိုင်းဆက်ဖြစ်မဖြစ်ကို ပြန်စစ်ဆေးကြည့်ဖို့ လိုပါတယ်။ တကယ်လို့ သူမက သေချာပြတ်ပြတ်သားသားအဖြေတစ်ခုခုမပေးသေးဘူးဆိုရင် အတည်ပြုချက်ရတဲ့အထိ စာပို့ဖို့ လိုပါတယ်။

၆။ ချိန်သားကိုက်ဖို့ လိုပါတယ်။

ပထမဆုံးအနေနဲ့ သင့်အနေနဲ့ စတင်တွေ့ဆုံတဲ့နေ့ရဲ့ ညအချိန်မှာပဲ စာပို့သင့်ပါတယ်။ နောက်နေ့တွေမှာ ထပ်ပြီး နှစ်ယောက်တည်းတွေ့ကြဖို့ ချိန်းနိုင်အောင် ကြိုးစားဖို့ လိုပါတယ်။ စာပို့ဖို့ကို အချိန်ဆွဲနှောင့်နှေးနေတာက ပျင်းရိငြီးငွေ့သွားပြီး အငြင်းခံရနိုင်ပါတယ်။ အစပျိုးမှုတိုင်းမှာ စိတ်လှုပ်ရှားမှုရှိပါတယ်။ သင့်အနေနဲ့ အရှိန်မသေအောင် လှုံ့ဆော်ပေးဖို့ပဲ လိုတာပါ။

နောက်တစ်ချက်က သူမအလုပ်များနေမယ်လို့ ထင်ရတဲ့အချိန်မှာ စာမပို့ပါနဲ့။ သင့်ရဲ့စာက သူမကို အနှောက်အယှက်ဖြစ်စေနိုင်သလို ပြန်စာလည်း လာမှာမဟုတ်ပါဘူး။ တကယ်လို့ သူမရဲ့အစီအစဉ်တွေကို မသိဘူးဆိုရင် ညနေပိုင်းမှပို့တာအကောင်းဆုံးပါပဲ။

နောက်ထပ်နည်းလမ်းတစ်မျိုးက သူမဆီက ဖုန်းနံပါတ်ရပြီဆိုတာနဲ့ ဘယ်အချိန်စာပို့ရမလဲဆိုတာကိ မေးပါ။ သူမပြောတဲ့အချိန်အတိုင်း အတိအကျလိုက်နာပြီး စာပို့ပါ။ ဒီလိုဆိုရင် သူမဖက်က စာပြန်ဖို့လည်း တာဝန်ရှိသလို ဖြစ်သွားစေပါတယ်။

သူမဆီကို စာတွေပေးပို့ရမှာ ဆက်တိုက်မပို့ပါနဲ့။ သူမဆီကို စာကို ပြန်စာပေးပို့ဖို့အတွက် အချိန်တစ်ခုစောင့်ဆိုင်းပါ။ ပြီးရင် သင့်ရဲ့စာတစ်ခုနဲ့ တစ်ခုကြားမှာလည်း နာရီပိုင်းလောက်ခြားပြီးမှ ပေးပို့ပါ။ ဒီလိုပေးပို့ခြင်းအားဖြင့် အပြင်မှတွေ့ချင်စိတ်ပိုပြီး များလာစေနိုင်ပါတယ်။ သူမက အချိန်အတော်ကြာမှာ စာပြန်တတ်တယ်ဆိုရင်ရင် သင်လည်း အချိန်ကြာမှ စာပို့တာ၊ စာပြန်တာတွေ လုပ်ဆောင်ပါ။

၇။ တိုတောင်းပြီး စိတ်ဝင်စားစရာဖြစ်နေပါစေ။

စကားလုံးတွေအများကြီးနဲ့ စာတွေက ပျင်းစရာကောင်းပါတယ်။ လိုရင်းအချက်ကိုမပျောက်စေပဲ စိတ်ဝင်စားစရာဖြစ်အောင် ရေးပါ။ သင်နဲ့ ပတ်သက်ပြီး တစ်ခုခုကို လျို့ဝှက်ထားတာမျိုးကို မိန်းကလေးတွေက အရမ်းကို စိတ်ဝင်စားတတ်ကြပါတယ်။ ဒါ့ကြောင့် စာပို့တဲ့နေရာမှာ သဲလွန်စတွေပေးပြီး တစ်ခုခုကို လျို့ဝှက်ထားတာမျိုး ဖြစ်သင့်ပါတယ်။

၈။ အဖြေပြန်ရဖို့ တွန်းအားပေးပါ။

သင့်ရဲ့ချိန်းဆိုမှု စာပို့တာကို မိန်းကလေးဖက်က အကြောင်းမပြန်ဘူးဆိုရင် စာပြန်ဖို့အတွက် ထိရောက်တဲ့ စကားတစ်ခုခုကို စာပို့ပေးရမှာ ဖြစ်ပါတယ်။ ဥပမာမင်းအလုပ်များမှန်သိပါတယ်။ အချိန်ရရင် စာပြန်ပါ။ စသဖြင့် ပေးပို့ပါ။ ဒီလိုဆိုရင် ယဉ်ကျေးရာရောက်ပြီး ယောင်္ကျားပီသစေပါတယ်။

၉။ စာလုံးပေါင်းစစ်ပါ။

စာပို့တဲ့နေရာမှာ စာလုံးပေါင်းကလည်း အရေးကြီးပါတယ်။ တစ်ခါတစ်လေ စာလုံးပေါင်းအမှားတွေက တဖက်သူအတွက် အဓိပ္ပါယ်တစ်မျိုးသက်ရောက်ပြီး ရိုင်းရာကျပါတယ်။ ဒါ့ကြောင့် စာကို မပို့ခင်မှာ စာလုံးပေါင်းတွေကို သေချာစစ်ဆေးပါ။ သင်္ကေတတွေ၊ အတိုကောက်တွေနဲ့ စတစ်ကာတွေက လန်းတာမှန်ပါတယ်။ ဒါပေမယ့် အလွန်အကျွံသုံးရင်လည်း မကောင်းပါဘူး။

လမ်းခွဲပြီးတဲ့နောက် ပြတ်စဲမှုအမှတ်တရ မှတ်တမ်းတင်ဓာတ်ပုံတွေ ရိုက်ကူးခဲ့တဲ့စုံတွဲ

စုံတွဲတွေဓာတ်ပုံရိုက်ကူးတာနဲ့ပတ်သက်ရင် ရည်းစားဘ၀မှာ အမှတ်တရရိုက်တဲ့ပုံလေးတွေ၊ စေ့စပ်ကြောင်းလမ်းမှု၊ အကြိုမင်္ဂလာမှတ်တမ်း ဓာတ်ပုံတွေပဲ ကြားဖူးပါလိမ့်တယ်၊  လမ်းခွဲခြင်း မှတ်တမ်းဓာတ်ပုံရိုက်ကူးမှုဆိုတာကိုတော့ ကျွန်ုပ်တို့ တစ်ခါမကြားဖူးပါဘူး။ အဆုံးသတ်သွားတဲ့ အချစ်ရေးကိစ္စတွေ  မေ့ပျောက်ဖို့ လူတွေဟာ အချိန်၊ ငွေကြေးမြောက်များစွာ အကုန်ခံတတ်ကြပါတယ်။ ဒါပေမယ့် ဒီစုံတွဲကတော့ ဘာ့ကြောင့်များ လမ်းခွဲချိန်ရိုက်ထားတဲ့ ဓာတ်ပုံတွေနဲ့ အတိတ်ပုံရိပ်တွေ အခိုင်အမာ ကျန်ရစ်စေချင်ကြပါသလဲ။

အထက်တန်းကျောင်းသားဘဝတုန်းက ချစ်သူတွေဖြစ်ကြတဲ့ Jackie နဲ့ Harrison တို့ဟာ ၂၀၁၅ က လမ်းခွဲပြတ်စဲခဲ့ကြပါတယ်။ ကောလိပ်ကျောင်းတက်ခြင်းက သူတို့နှစ်ဦးကို ဝေးကွာစေခဲ့ပါတယ်။ အနေဝေးခြင်းက သူတို့နဲ့လုံးဝ မအပ်စပ်ခဲ့ပါဘူး။ တစ်ဦးနဲ့တစ်ဦး ၃နှစ်ခွဲကြာ ချစ်ကြိုက်အပြီးမှာ ဒီစုံတွဲနှစ်ဦး လမ်းခွဲခဲ့ကြပြီး အဲဒီကတည်းက တစ်ဦးကိုတစ်ဦး သိပ်မတွေ့ဖြစ်တော့တာပါ။

၂၀၁၆ နှစ်သစ်ကူးအကြိုနေ့မှာ Harrison ဟာ ဒီအနုပညာဆန်ဆန် စိတ်ကူးလေးရရှိခဲ့တာ ဖြစ်ပါတယ်။ Harrison အနေနဲ့ ချစ်သူရှိတဲ့ သူ့မိတ်ဆွေသူငယ်ချင်းတွေ ရိုက်ထားတဲ့ တစ်ယောက်နဲ့တစ်ယောက် အကြင်နာပေးဓာတ်ပုံတွေကို လှောင်ပြောင်သရော်ချင်လို့ ဖြစ်ပါတယ်။

အချစ်ရေးအဆင်ပြေတဲ့ သူငယ်ချင်းတွေ အင်မတန်ကောင်းမွန် ပညာသားပါတဲ့ဓာတ်ပုံတွေ ရိုက်ကူးကြတာတွေ့ရတယ်။ တစ်နေရာတည်းမှာ ပုံစံတူရိုက်ကူးဖို့ စိတ်ကူးရခဲ့ပါတယ်။ ဒါပေမယ့် ခြားနားတာက ကိုယ့်အချစ်ရေးက အချိန်နှောင်း သွားပြီလေလို့ သူက ဆိုပါတယ်။

သူ့မှာ ကင်မရာတစ်လုံး၊ tripod တစ်ခုနဲ့ ဓာတ်ပုံရိုက် lighting ပြားလေးတစ်ခုရှိတော့ Jackie ကို ဓာတ်ပုံရိုက်ဖို့ ဖျောင်းဖျခဲ့ခြင်းဖြစ်ပါတယ်။ ဒီဓာတ်ပုံတွေ ရိုက်ကူးခြင်းဖြင့် အချစ်ရေးပြန်ဆင်ပြေသွားသလို ခံစားရပါတယ်။ ဒီပုံတွေကြည့်ခြင်းဖြင့် တစ်ချိန်က ကွန်မမချစ်ကြိုက်ခဲ့တဲ့သူအကြောင်း အကုန်အစင်သတိရစေခဲ့တယ်လို့ Jackie ကဆိုပါတယ်။

Ref: Yourtango

တစ်ကိုယ်တည်းဘ၀က ဘာကြောင့် ပိုကောင်းလဲဆိုတာ

တစ်ကိုယ်တည်းသမားဖြစ်တာ ဘာကြောင့်ပိုကောင်းသလဲဆိုတဲ့ အကြောင်းပြချက်များစွာ ခုထိပြောဆိုနေကြတုန်း ဖြစ်ပါတယ်။ နောက်ဆုံး သိပ္ပံပညာရပ်က ခုလိုအခိုင်အမာပြောဆိုသွားပါတယ်။

တစ်ကိုယ်တည်းသမားတွေဟာ အိမ်ထောင်သည်တွေထက် ပိုအဓိပ္ပါယ်ရှိတဲ့အလုပ်တွေ တန်ဖိုးထားလုပ်ဆောင်ကြပြီး မိဘတွေ၊ မိတ်ဆွေသူငယ်ချင်းတွေ၊ ညီအစ်ကိုမောင်နှမတွေ၊ အိမ်နီးနားချင်းတွေ၊ လုပ်ဖော်ကိုင်ဖက်တွေနဲ့ ပိုမိုထိတွေ့ဆက်ဆံကြတယ်လို့ ကယ်လ်လီဖိုးနီးယားတက္ကသိုလ်က သိပ္ပံပညာရှင် Bella DePaulo ရဲ့ ပြောဆိုချက်အရ သိရပါတယ်။ လူတွေဟာ အိမ်ထောင်ကျသွားရင် တသီးတခြား ပိုဖြစ်လာကြတယ်လို့ DePaulo က ရှင်းပြပါတယ်။

ပြီးတော့ အချုပ်အချယ်ကင်းကင်းနေရင် ပိုအဆင်ပြေတယ်။ တစ်သက်စာခွဲခြမ်းလေ့လာမှုပြုလုပ်ခဲ့တဲ့ ကိုယ့်ခြေထောက်ပေါ်ရပ်တည်နိုင်သူ single တွေဟာ အနုတ်လက္ခဏာဆောင်တဲ့ ခံစားချက်တွေ ဖြစ်နိုင်ခြေ ပိုနည်းတယ်လို့ DePaulo က လေ့လာတွေ့ရှိခဲ့ပါတယ်။ ဒီအချက်က အိမ်ထောင်သည်တွေအတွက် ဆန့်ကျင်ဘက်ကနေ မှန်နေပါတယ်။

ဒါ့အပြင် အရင်ထက် single တွေ ပိုများလာတယ်။ Bureau of Labor Statistics အလုပ်သမားစာရင်းအင်းဌာနအရ အသက် ၁၆ နှစ်အထက် အိမ်ထောင်မပြုသူ အမေရိကန်နိုင်ငံသား ၁၂၄.၆ မီလျံပြီး တစ်ဝက်ကျော်တယ်လို့ DePaulo က ထောက်ပြပါတယ်။ ၁၉၇၆ မှာ လူဦးရေရဲ့ ၃၇% သာ single ဖြစ်ခဲ့ကြတာပါ။

အမေရိကန်နိုင်ငံသားတွေဟာ သူတို့အဖို့ အဆင်ပြေဆုံး လမ်းကြောင်းတွေ ရွေးချယ်နိုင်သူတွေ အရင်ထက် ပိုများတယ်လို့ သူမ သုံးသပ်ထားပါတယ်။ သူများတွေ ဘာလုပ်နေလဲ ဒါမှမဟုတ် တခြားလူတွေ ဘာလုပ်စေချင်လဲဆိုတာ အရေးမကြီးပါဘူး။ ဒါပေမယ့် ကိုယ်နဲ့ အမှန်တကယ် အံဝင်ခွင်ကျဖြစ်တဲ့ နေရာ၊ ဝန်းကျင်နဲ့ လူတွေကို ရှာတွေ့ဖို့အရေးပြီး အကောင်းဆုံးဘဝကို ရှင်သန်နေထိုင်စေပါလိမ့်မယ်။

Ref: Seventeen

အိမ်ထောင်ပြုဖို့ အဆင်သင့်ဖြစ်မဖြစ် သိရှိနိုင်စေမယ့် အချက်(၅)ချက်

 သင်ဟာ တကယ်သင့်တော်တဲ့ လက်တွဲဖော်တစ်ယောက်နဲ့ ချစ်သူရည်းစားဖြစ်လာခဲ့တာ သက်တမ်းတစ်ခု အကြာမှာ သူနဲ့ အတူနောက်တစ်ဆင့်ကို တက်လှမ်းဖို့ စိတ်ဝင်စားလာမှာပါ။ အဲဒီအခါမှာ သင်ဟာ အိမ်ထောင်ပြုခြင်းဆိုတဲ့ အဆင့်ကို တကယ်သွားသင့်၊ မသွားသင့် စဉ်းစားရတော့မယ့် အချက်တွေကို သိထားသင့်ပါတယ်။
၁။အိမ်ထောင်ရေးရဲ့ အဓိပ္ပာယ်ကို ၂ ယောက်လုံးက တူညီစွာ နားလည်သဘောပေါက်နေရင်
သင့်ရဲ့ အိမ်ထောင်ဖက်ဖြစ်လာမယ့်သူနဲ့ သင်နဲ့ဟာ အိမ်ထောင်ရေး အပေါ်မှာတူညီတဲ့အမြင် တစ်ခုရှိနေပြီဆိုရင်တော့ ဒါဟာ ကောင်းတဲ့ လက္ခဏာပါ။ အိမ်ထောင်ရေးဆိုတာကတော့ ဆွေးနွေးမှုပါပဲ။ တူညီတဲ့အမြင်ရှိဖို့ကို အရင်ဆွေးနွေးရပါမယ်။
၂။ချစ်သူအနားမှာနေရာတာပျော်နေပြီဆိုရင်
သင်ဟာ relationship တစ်ခုမှာ တကယ်ကျေနပ်နေလားဆိုတာက အရေးကြီးပါတယ်။ သင်ဟာဒီအိမ်ထောင်ဘက်နဲ့ အတူနေရတဲ့အခါ တစ်သက်လုံး ပျော်ရွှင်နိုင်မယ်ဆိုတာ သေချာရင် လက်ထပ်ဖို့ ဆုံးဖြတ်သင့်ပါပြီ။
၃။သင်ဟာ သင့်ရဲ့အကောင်းဆုံး အနေအထားမှာရှိနေပြီဆိုရင်
ချစ်သူရည်းစားနှစ်ယောက်ရဲ့ သက်တမ်းဟာ အတိုင်းအတာတစ်ုကိုရောက်လာတာနဲ့အမျှ အဲဒီ Relationship က သင့်ကို ပိုပြီး ယုံကြည်မှုရှိလာစေမယ်၊ ပိုပြီးပျော်ရွှင်လာစေမယ် ၊ ချစ်သူနဲ့အတူတူ ရှိနေရရင် အရာရာကို ရင်ဆိုင်နိုင်စွမ်းတွေ ရှိလာမယ်ဆိုရင်တော့ သင်တို့နှစ်ယောက်ဟာ လက်ထပ်သင့်နေပါပြီ။
၎။သင်ဟာတခြားအခွင့်အရေးတွေ လက်လွှတ်ရမှာကို ကျေနပ်နိုင်ပြီဆိုရင်
သင်ဟာ အိမ်ထောင်မပြုခင်မှာ အလွယ်တကူရနေတဲ့ အခွင့်အရေးတွေဖြစ်တဲ့ အလုပ်အသစ်လက်ခံခြင်း၊ မိတ်ဆွေသူငယ်ချင်းတွေနဲ့တွေ့ဆုံခြင်း၊ အ၀တ်အစားဝယ်ယူခြင်း ကဲ့သို့သော အခွင့်အရေးမျိုးတွေကို ဆုံးရှုံးရတဲ့အခါမှာ ကျေနပ်နိုင်တယ်ဆိုရင်တော့ သင်ဟာ အိမ်ထောင်ရေးမှာလည်းကျေနပ်နေရမှာပါ။
၅။သင်ဟာရည်းစားဟောင်းတွေနဲ့ မပတ်သတ်တော့တာ သေချာပြီဆိုရင်
လူတွေဟာ အထက်တန်းကျောင်းကတည်းက ရည်းစားနဲ့ အိမ်ထောင်ကျလေ့ မရှိပါဘူး။အဲဒီအတွက် အိမ်ထောင်တစ်ခု မထူထောင်ခင်မှာ ရှိခဲ့တဲ့ ရည်းစားဟောင်းတွေနဲ့ပတ်သက်ပြီး သူ၊သူမ မှာ ချစ်သူအသစ် ရသွားတာကို သ၀န်တိုတာမျိုး မဖြစ်တော့တာ သေချာပါစေ။ သင်ရဲ့လက်ရှိ လက်တွဲဖော်ဟာ သင်နဲ့အတူ ဘ၀အသစ်ကို ထူထောင်ရမှာပါ။
Ref:womenshealthmag

အသည်းကွဲနေတဲ့ ကောင်မလေးကို ဘယ်လို ချစ်ပေးရမလဲ

 သင်စိတ်ဝင်စားနေတဲ့ ကောင်မလေးက အသည်းကွဲနေတယ်ဆိုရင် သူမကို ချဉ်းကပ်ဖို့ဘယ်လိုလုပ်ရမှန်းမသိဖြစ်နေပါလိမ့်မယ်။ တခြားကောင်မလေးတွေနဲ့မတူပဲ အသည်းကွဲဖူးတဲ့ကောင်မလေးတစ်ယောက်ကို စိတ်ဝင်စားနေပြီဆိုိရင်တော့ သင့်အနေနဲ့ ဒီအချက်တွေကို ပြုမူလုပ်ဆောင်သင့်ပါတယ်။
စိတ်ရှည်ပါ။ အဆုံးစွန်ထိ စိတ်ရှည် သည်းခံပေးပါ။ သူဟာ သူယုံကြည်မြတ်နိုးတန်ဖိုးထားရတဲ့ အရာကို ဆုံးရှုံးထားရတာ သင့်ရဲ့ ဂရုစိုက်ဖေးမမှုတွေ လိုအပ်နေပါတယ်။ သူက သိပ်သန်မာနေသလို ဟန်ဆောင်ကောင်းဟန်ဆောင်နေလိမ့်မယ်။ ဒါပေမယ့် တကယ်တော့ အဲ့လို မဟုတ်ဘူးဆိုတာ နားလည်ပေးထားပါ။ သူဟာ နာကျင်လွယ် ခံစားလွယ်နေလိမ့်မယ်။ ဘာကြောင့်လဲဆိုတော့ အတိတ်က သူ့ရဲ့ တစ်ဦးတည်းသောအဖော်က သူ့ရဲ့ နှလုံးသားကို ဖျက်ဆီပြီး သူ့ကိုနာကျင်စေခဲ့တယ် ထားရစ်ခဲ့တယ် ခံစားချက်တွေ မာကြောအေးခဲသွားအောင် လုပ်ခဲ့တယ်လေ။
သူ့ကိုယ်သူ ပြန်လည်တည်ဆောက်ဖို့အချိန်အတိုင်းအတာ တခုခု လိုအပ်တယ်ထင်ရင် ပေးလိုက်ပါ။ သင့်ကို ထပ်ချစ်နိုင်တော့မှာ မဟုတ်ဘူးလို့လဲ မထင်ပါနဲ့။ သူလည်းပဲ ပြန်လည်တည်ဆောက်နိုင်ဖို့ အချိန်တွေ လိုအပ်ပါတယ်။
သူက မနက်ဖြန်ဆိုတာ ရှိမလာစေချင်သလို မိနစ်တိုင်းဟာ သူ့အတွက် နောက်ဆုံးမိနစ်ဖြစ်စေချင်သလို ဖြစ်နေပါလိမ့်မယ်။ ကြိုးစားပါ။ သင့်ရဲ့ ကြိုးစားအားထုတ်မှုဟာ အလွန်ကို အရေးပါပါတယ်။ သင့်အတွက်လည်း အချိန်တွေ ပေးဆပ်ရတာ အကျိုးရှိစေသလို သူ့အတွက်လည်း သင်ဟာ အရေးပါ အရာရောက်တဲ့ လူတစ်ယောက်လို့ ခံစားရစေပါလိမ့်မယ်။
ခွင့်လွှတ်ပေးတတ်ပါစေ။ သူက အေးတိအေးစက်နဲ့ သင့်ကို မျက်ရည်ကျလောက်စေတဲ့ အပြုအမူမျိုးတွေ တုန့်ပြန်လာရင်တောင် ခွင့်လွှတ်ပေးလိုက်ပါ။ သူကိုယ်တိုင်တောင် မရည်ရွယ်ဘဲ လုပ်လိုက်မိတဲ့ အပြုအမူသဘောထားတွေဟာ သင့်ကို အော်ဟစ်ပြီး လက်မြှောက်အရှုံးပေးစေလောက်အောင် ညှင်းပန်းကောင်းညှင်းပန်းပါလိမ့်မယ်။ ဒါပေမယ့် ခွင့်လွှတ်ပေးလိုက်ပါ။ သူဘာလုပ်မိနေသလဲဆိုတာတောင် သူ့ကိုယ်သူ သတိထားမိမှာ မဟုတ်လောက်ပါဘူး။
နောက်ဆုံးအချက်က သူ့ဘေးမှာ ရှိနေပေးပါ။ သင့်အတွက် ဘယ်လောက်ထိ ခက်ခဲတဲ့ အနေအထားမျိုးမှာပဲ ဖြစ်ဖြစ် သူ့ဘေးမှာ ရှိနေပေးလိုက်ပါ။ သင့်စိတ်တွေ ရှုပ်ထွေးသွားစေမယ့် ကိစ္စမျိုးတွေ ဘယ်လောက်ပဲ ဖြစ်လာဖြစ်လာ သင်ရင်ဆိုင်ကျော်ဖြတ်ပြီး သူ့ဘေးမှာ ရှိနေပေးလိုက်ပါ။ သူ့ကို ထားခဲ့တဲ့ လူတွေလို ဘယ်တော့မှ ထပ်မလုပ်မိပါစေနဲ့။ သူ့နားမှာ နေပေးပါ။ သူသင့်ကို လိုအပ်ပါတယ်။ သူဟန်ဆောင်နေပေမယ့် သူ့ဘေးမှာ သူ့ကို သည်းခံနားလည်ပြီး ဂရုစိုက်တတ်တဲ့ သင်လိုလူတစ်ယောက် လိုအပ်နေတယ်ဆိုတာ နားလည်ထားပေးပါ။
Ref: Facebook : Truth Slap

ဗယ်လင်တိုင်းနေ့နဲ့ပတ်သက်ပြီး လူတွေသိပ်မသိတဲ့သမိုင်းကြောင်းနဲ့ ယုံတမ်းပုံပြင်

နှစ်စဉ်နှစ်တိုင်း ဖေဖော်ဝါရီရောက်ပြီးဆိုလျှင် လူငယ်တွေကြားမှာ လှုပ်လှုပ်ရှားရှား ဖြစ်တတ်ကြပါတယ်။ ဘာကြောင့်လဲဆိုတော့ အားလုံးသိကြတဲ့အတိုင်း Valentine’s Day လို့ ခေါ်တဲ့ ချစ်သူများနေ့ဟာ ဖေဖော်ဝါရီလ ဆယ့်လေးရက်နေ့ဖြစ်နေလို့ပါပဲ။ “သဘောနားလည်သူကြင်သည်ကို၊ ဆိမ့်ကြည့်လေးပင်၊ မြင်းတို့ချင်ငဲ့” ဆိုတဲ့ ဆရာမကြည်အေးရေးခဲ့ဖူးတဲ့ စာသားလေးအတိုင်းပါပဲ လူငယ်ဆိုတာ အချစ်ဆိုတဲ့အရာကို မြည်းတို့ချင်တဲ့စိတ် ကလေးတွေရှိကြတာ သဘာဝပါ။  အဲဒီလိုချစ်တတ်တဲ့လူငယ်လေးတွေက ချစ်သူများနေ့ဆိုတာကို ရင်ခုန်စွာနဲ့ မျှော်လင့်တကြီးစောင့်မျှော်နေတတ်တာကို အပြစ်တစ်ခုရယ်လို့ မဆိုချင်ပါ။
ဟုတ်ပါတယ်။ ဖေဖော်ဝါရီလ ရောက်ပြီးဆိုရင် Valentine’s Day ဆိုတဲ့ ရက်လေးတစ်ရက်အတွက် လူတော်တော်များများ အလုပ်ရှုပ်ကြရပါတယ်။ ပန်းစည်းတွေမှာဖို့၊ ချောကလက်ဝယ်ဖို့၊ လက်ဆောင်ပစ္စည်းဝယ်ဖို့နဲ့ စုံနေတာပါပဲ။
ဒါနဲ့ ဘာရယ်ကြောင့်များ ဖေဖော်ဝါရီလ တစ်ဆယ့်လေးရက်နေ့ကို Valentine’s Day ဆိုပြီး နာမည်ပေးထားပါလိမ့်။ ကြည်နူးဖွယ်ရာ နေ့ရက်လေးရဲ့ နောက်ကွယ်မှာ ရင်နင့်စရာ ဒဏ္ဍာရီလေးတစ်ပုဒ်ရှိခဲ့ပါတယ်။ တကယ်တော့ St.Valentine ကို ရည်စူးပြီး Valentine’s Day လို့ နာမည်ပေးခဲ့တာပါ။ St. Valentine အကြောင်းပြန်ပြောရမယ်ဆိုရင် ရင်နင့်စရာကောင်းလှပေမယ့် ဖေဖော်ဝါရီလဆိုတဲ့ လလေးကတော့ ကျွန်မတို့အတွက် ချစ်ခြင်းမေတ္တာတွေနဲ့ ထုံမွမ်းထားတဲ့ နှစ်သက်စရာလလေးတစ်လပါပဲ။
ဒဏ္ဍာရီတစ်ခုမှာတော့ St.Valentine’s ဆိုတာ သုံးရာစုနှစ်လောက်တုန်းက ရောမနိုင်ငံမှာရှိတဲ့ ဘုန်းတော်ကြီးတစ်ပါးရဲ့အမည်လို့ အခိုင်အမာပြောဆိုထားပါတယ်။ အဲဒီအချိန်တုန်းက ရောမအင်ပါယာကြီး တစခုလုံးကို အုပ်ချုပ်တဲ့သူဟာ Cladius (II) တဲ့ ။ သူကသူ့ရဲ့ စစ်တပ်ထဲမှာ လူပျိုစစ်သားတွေပဲထားလိုတယ်။ လူပျိုဆိုတော့ အိမ်ထောင်သည် စစ်သားတွေလို ဇနီးမယားနဲ့ သားသမီးတွေကို လွမ်းဆွတ်တဲ့ အနှောင်အဖွဲ့ သံယောဇဉ်တွေ မရှိဘူးလေ။ ဒါကြောင့် တိုင်းပြည်မှာရှိတဲ့ လူငယ်တွေ လုံးဝလက်မထပ်ရဆိုတဲ့ဥပဒေ တစ်ရပ်ကို ထုတ်ပြန်ခဲ့ပါတယ်။ St. Valentine က ဒီလိုဥပဒေမျိုး ဟာ လုံးဝမတရားဘူးဆိုပြီး တစ်ဦးနဲ့တစ်ဦး မေတ္တာသက်ဝင် ချစ်ခင်နေကြတဲ့ လူငယ်တွေကို တိတ်တဆိတ်လက်ထပ်ပေးပါတယ်။ ဒီလိုတရားမ၀င်တဲ့ မင်္ဂလာပွဲတွေကို ကျင်းပပေးတဲ့ St. Valentine’s အကြောင်းကို ဧကရာဇ်ဘုရင်မင်းမြတ် သိရှိသွားတဲ့အခါမှာတော့ မျက်မာန်တော်ရှလို့ ထောင်သွင်းအကျဉ်းချပြီး သေမိန့်ပေးလိုက်ပါတော့တယ်။
St. Valentine ဟာ သူထောင်ကျနေတုန်း ထောင်ဝင်စာလာတွေတဲ့  ကောင်မလေးနဲ့ မေတ္တာမျှခဲ့တယ်လို့ တချို့တွေက ပြောကြပါသေးတယ်။ သူမသေခင် ကောင်မလေးကို မင်းရဲ့ Valentine’s လို့ လက်မှတ်ထိုးပြီး စာတစ်စောင်ပေးခဲ့ပါတယ်။ အဲ့ဒီလိုနဲ့ ကိုယ့်ချစ်သူကို မင်းရဲ့ Valentine’s လို့ရေးပေးတဲ့ အရေးအသားမျိုး ပေါ်ပေါက်လာတာ ဖြစ်ပါတယ်။  တစ်ချို့တွေက St. Valentine က ခေါင်းဖြတ်သတ်ခံရတယ်လို့ ပြောကြတယ်။ တချို့ကတော့ အကျဉ်းကျနေတုန်းမှာ အဖျားဝင်ပြီး ဆုံးတာလို့လည်း  ဆိုပြန်တယ်။ St. Valentine’s သေဆုံးမှုကို ဒီလိုပဲ တော့ လူတွေက ထင်မြင်ချက်တွေ အမျိုးမျိုး ပေးခဲ့ကြပါတယ်။
ဘီစီ နှစ်ရာကျော်လောက်မှာတော့ မယ်သီလရှင်နှစ်ပါးဟာ St. Valentine’s သေဆုံးခဲ့တဲ့ ဖေဖော်ဝါရီ ဆယ့်လေးရက်နေ့ကို ချစ်သူများနေ့ရယ်လို့ စတင် သတ်မှတ်ခဲ့ပြီး ပွဲတွေကျင်းပကြပါတယ်။ Valentine’s Day မှာ မိန်းကလေးတစ်ယောက်ဟာ လက်ဆောင်ပစ္စည်းတစ်ခုရပြီးဆိုရင် ဒီလက်ဆောင်ဟာ ဘယ်သူပေးတာ ဖြစ်မလဲဆိုတာ ခန့်မှန်းရပါတယ်။ အကယ်၍များ ယောင်္ကျားလေးတစ်ယောက်က မိန်းကလေးတစ်ယောက်ကို အဲဒီနေ့မှာ အင်္ကျီလက်ဆောင်ပေးခဲ့မယ်ဆိုင် ငါမင်းကိုလက်ထပ်ပါရစေ ဆိုတဲ့ အဓိပ္ပါယ်ပါ။ မိန်းကလေးက လက်ခံခဲ့မယ်ဆိုရင် ငါမင်းနဲ့ လက်ထပ်ပါမယ်လို့ ကတိပေးလိုက်သလိုပါပဲတဲ့။ လွန်ခဲ့တဲ့ နှစ်ပေါင်း တစ်ရာလောက်ဆိုရင် အင်္ဂလန်မှာ ကလေးလေးတွေက လူကြီးတွေလို ၀တ်ပြီး သီချင်းတွေလိုက်ဆိုကြပါတယ်။
Valentine’s Day နဲ့ ပတ်သတ်ပြီး တချို့လူတွေက အခိုင်အမာ ပြောဆိုလက်ခံထားတာ တစ်ခုရှိပါသေးတယ်။ အဲ့ဒါ က Valentine’s Day မရောက်ခင် ညမှာ မိမိအနာဂတ်ရဲ့ ဖူးစာရှင်ကို အိမ်မက်ထဲမှာ မြင်ရတတ်တယ်တဲ့။ နည်းနည်းတော့ ယုံတမ်းပုံပြင်ဆန်ပေမယ့် ရင်ခုန်စရာကောင်းတာမို့ မအိပ်ခင် စိတ်ကူးယဉ်လို့ ရတာပေါ့နော်။