Category Archives: ပြည်တွင်းသတင်း

ARSA တပ်ဖွဲ့ဝင် အမည်စာရင်း မြန်မာက ဘင်္ဂလားဒေ့ရှ် ပေးအပ်

ဘင်္ဂလားဒေ့ရ်ှဘက်ကို ထွက်ပြေးလာတဲ့ရိုဟင်ဂျာ တချို့ (သြဂုတ်လ ၂၀၁၇)

ဘင်္ဂလားဒေ့ရ်ှဘက်ကို ထွက်ပြေးလာတဲ့ရိုဟင်ဂျာ တချို့ (သြဂုတ်လ ၂၀၁၇)

ARSA လို့ခေါ်တဲ့ ရခိုင်ရိုဟင်ဂျာကယ်တင်ရေးတပ်ဖွဲ့ဝင် ၁၃၀၀ ကျော်ရဲ့ အမည်စာရင်းတွေကို မြန်မာအစိုးရက ဘင်္ဂလားဒေ့ရှ် အာဏာပိုင်တွေထံ ပေးအပ်လိုက်ပါတယ်။

နိုဝင်ဘာလ ၁၄ ရက်နေ့က နေပြည်တော်မှာ ကျင်းပခဲ့တဲ့ ဘင်္ဂလားဒေ့ရှ် နဲ့ မြန်မာ နှစ်နိုင်ငံ နယ်စပ်လုံခြုံရေးနဲ့ ငြိမ်ဝတ်ပိပြားမှု ပူပေါင်းဆောင်ရွက်ရေး ဗဟိုအဆင့် အစည်းအဝေးမှာ အခုလိုပြုလုပ်ခဲ့တာဖြစ်တယ်လို့ မြန်မာပြန်ကြားရေးဝန်ကြီးဌာနက ဗုဒ္ဓဟူးနေ့မှာ ပြောကြားကြောင်း ဘင်္ဂလားဒေ့ရှ် နိုင်ငံထုတ် Daily Star သတင်းမှာဖေါ်ပြထားပါတယ်။

ဘင်္ဂလားဒေ့ရ်ှကလည်း ၁၉၈၀ ခုနှစ် မြန်မာ ဘင်္ဂလားဒေ့ရှ် နယ်စပ်သဘောတူညီချက်အရ အာဆာ (ARSA) အစွန်းရောက်အဖွဲ့ဝင်တွေကို သက်ဆိုင်ရာ အပစ်ကျူးလွန်ခဲ့တဲ့နိုင်ငံထံ လွှဲပြောင်းပေးခဲ့ကြောင်း အသိပေးခဲ့ပြီး သူတို့ကို ဥပဒေအရ အရေးယူနိုင်ပြီ ဖြစ်ကြောင်း နိုင်ငံခြားရေးဝန်ကြီးဌာနရဲ့ ပြောကြားချက်ကို ကိုးကားပြီးဖေါ်ပြထားပါတယ်။

မြန်မာအစိုးရက ပြည်ဝင်ခွင့်ပေးဖို့နဲ့ ပူးပေါင်းဆောင်ရွက်ဖို့ ငြင်းဆန်ထားခံရတဲ့ မြန်မာနိုင်ငံဆိုင်ရာ ကုလလူ့အခွင့်အရေး အထူး စုံစမ်းရေးမှုး Yanghee Lee ဟာ ဒီကနေ့ ကြာသာပတေးနေ့မှာ ဘင်္ဂလားဒေ့ရှ် နိုင်ငံကို ဆိုက်ရောက်လာဖို့ရှိပါတယ်။ သူဟာ ဘင်္ဂလားဒေ့ရှ် နိုင်ငံမှာ ဇန်န၀ါရီလ ၂၄ ရက်နေ့အထိ နေထိုင်မှာဖြစ်ပြီး အဲဒီကနေ ထိုင်းနိုင်ငံကို ဇန်န၀ါရီလ ၃၀ ရက်နေ့ အထိ သွားရောက်မှာ ဖြစ်ပါတယ်။

ဘင်္ဂလားဒေ့ရ်ှနိုင်ငံမှာ နေထိုင်စဉ် ဒက္ကာမြို့နဲ့ ဒုက္ခသည်စခန်းတွေရှိရာ Cox’s Bazar တို့ကို သွားရောက်ပြီး မြန်မာလုံခြုံရေးတပ်ဖွဲ့တွေရဲ့ ညှင်းပမ်းနှိပ်စက် မှုတွေကြောင့် အိုးအိမ်စွန့်ခွာပြီး နယ်စပ်ဖြတ်ကျော် ထွက်ပြေးလာကြတဲ့ ဒုက္ခသည်တွေ၊ လူမှုအသိုင်းဝိုင်း ခေါင်းဆောင်တွေနဲ့ တွေ့ဆုံမှာ ဖြစ်ပါတယ်။

ဒေါက်တာအေးမောင်ကို နိုင်ငံတော်သစ္စာဖောက်မှုနဲ့ စွဲဆိုဖွယ်ရှိ

အမ်းမြို့နယ် ပြည်သူ့လွှတ်တော်ကိုယ်စားလှယ်ဒေါက်တာအေးမောင်

အမ်းမြို့နယ် ပြည်သူ့လွှတ်တော်ကိုယ်စားလှယ်ဒေါက်တာအေးမောင်

အမ်းမြို့နယ် ပြည်သူ့လွှတ်တော်ကိုယ်စားလှယ် ဒေါက်တာ အေးမောင်နဲ့ စာရေးဆရာ ဝေဟင်အောင်တို့ကို မတရားအသင် အက်ဥပဒေပုဒ်မ ၁၇ (၁) အပြင် နိုင်ငံတော်သစ္စာဖောက်ဖျက် ပုန်ကန်မှု – ပြစ်မှုဆိုင်ရာ ဥပဒေ ပုဒ်မ ၁၂၁ (ခ) (ဂ) နဲ့ နိုင်ငံတော်ကို အကြည်ညိုပျက်စေမှု ပုဒ်မ ၅၀၅ တို့နဲ့ အမှုဖွင့် အရေးယူဖို့ရှိပါတယ်။ ဒေါက်တာအေးမောင်ကို အရေးယူဖို့ ပြည်သူ့လွှတ်တော် ဥက္ကဋ္ဌကလည်း ခွင့်ပြုလိုက်ပြီလို့ သိရပါတယ်။

မခွာညိုက ဆက်ပြီးပြောပြမှာပါ။

ရခိုင်စာရေးဆရာတဦးဖြစ်တဲ့ ဝေဟင်အောင်နဲ့ ဒေါက်တာအေးမောင်တို့ကို မတရားသင်းပုဒ်မ ၁၇ (၁) နဲ့ တရားစွဲဆိုမယ်ဆိုတဲ့ သတင်းတွေ ထွက်လာပြီးနောက် အခုနောက်ဆုံးမှာ တော့ နိုင်ငံတော်သစ္စာဖောက်ဖျက် ပုန်ကန်မှု – ပြစ်မှုဆိုင်ရာ ဥပဒေ ပုဒ်မ ၁၂၁ (ခ) (ဂ) နဲ့ နိုင်ငံတော်ကို အကြည်ညိုပျက်စေမှု ပုဒ်မ ၅၀၅ တို့နဲ့ပါ စွဲဆိုတော့မယ်လို့ သိရပါတယ်။

ဒေါက်တာအေးမောင်ဟာ ပြည်သူ့လွှတ်တော် ကိုယ်စားလှယ်တဦးဖြစ်တဲ့အတွက် သူ့ကို တရားစွဲဖို့ ပြည်သူ့လွှတ်တော် ဥက္ကဋ္ဌရဲ့ သဘောတူ ခွင့်ပြုချက် လိုအပ်တာဖြစ်ပြီး ပြည်သူ့လွှတ်တော် ဥက္ကဋ္ဌကလည်း ခွင့်ပြုလိုက်ပြီဖြစ်ကြောင်း နိုင်ငံတော် အတိုင်ပင်ခံရုံး ဝန်ကြီးဌာန ညွှန်ကြားရေးမှူးချုပ်ဦးဇော်ဌေးကို ကိုးကားပြီး သတင်းမီဒီယာတွေမှာ ဖော်ပြနေကြပါတယ်။

ပြည်သူ့လွှတ်တော် ကိုယ်စားလှယ်ဖြစ်တဲ့ ဒေါက်တာအေးမောင်ကို အခုလို တရားစွဲဖို့ ဘာကြောင့်ဆုံးဖြတ်ခဲ့တာလဲဆိုတာနဲ့ပတ်သက်လို့ ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေက ဗွီအိုအေကို အခုလို ပြောပါတယ်။

“အဲဒါက ရသေ့တောင်မှာ သူတို့ ပြောဆိုသွားတဲ့ ကိစ္စနဲ့ ပတ်သက်ပြီးတော့ ကျနော်တို့က ဒီဥစ္စာသည် ထာဝရ ငြိမ်းချမ်း ရေး ဆောင်ရွက်နေတဲ့ အချိန်မှာ ပြည်သူလူထုကို ထင်ယောင် ထင်မှားဖြစ်အောင် ပြောဆိုတဲ့ စကားလေးတွေ သုံးနှုန်းသွားတာတွေ ရှိပါ တယ်။ နည်းနည်း မဟုတ်ပါဘူး။ အများကြီး ပြောသွားတာပါ။ အဲဒါနဲ့ ပတ်သက်ပြီးတော့ ကျနော်တို့က ဒါ အရေးယူဖို့ အတွက် အမှုဖွင့်မှာလေ။ အမှုဖွင့်တော့ စာရေးဆရာ ဝေဟင်အောင် နဲ့ ဆရာ ဒေါက်တာ အေးမောင်ရယ် ၂ ယောက်ပေါ့။ အမှုဖွင့်မှာ။”

ရခိုင်ဘုရင့် အချုပ် အခြာ အာဏာ ကျ ဆုံးတဲ့ ၂၃၃ နှစ်ပြည့် အထိမ်းအမှတ်ပွဲကျင်းပရေးနဲ့ ပတ်သက်ပြီး အာဏာပိုင်တွေနဲ့ ဒေသခံရခိုင်ပြည်သူတွေ ကြား အခြေအနေ တင်းမာလာရာကနေ ပြီးခဲ့တဲ့ အင်္ဂါနေ့က ရခိုင်ပြည်နယ်၊ မြောက်ဦးမြို့က ခရိုင်အုပ်ချုပ်ရေး စခန်းရှေ့မှာ ပစ်ခတ်မှုတွေဖြစ်ခဲ့ပြီး လူ ခုနစ်ဦး သေဆုံး၊ တဒါဇင်လောက် အရေးပေါ်အခြေအနေမှာ ဆေးကုသခံ နေရပြီးတဲ့နောက် အခုလို ဒေါက်တာအေးမောင်ကို ဖမ်းဆီး၊ တရားစွဲဆိုဖို့ ရခိုင်ပြည်နယ် အစိုးရက ဆောင်ရွက်ခဲ့တာပါ။

ရခိုင့်အချုပ်အခြာ အာဏာကျဆုံးတဲ့ အထိမ်းအမှတ် စာပေဟောပြောပွဲမှာ ဝေဟင်အောင်က – နိုင်ငံရေးမှာ လက်ဝါးဖြန့်တောင်း မရလို့ လက်ညှိုးကွေး တောင်းတဲ့အဖွဲ့ ပေါ်လာကြောင်းနဲ့ AA ရခိုင့်တပ်မတော်က ရခိုင်နိုင်ငံတော် အချုပ်အခြာအာဏာပြန်ရဖို့နဲ့ ဗမာ့ကျွန်အဖြစ်က လွတ်မြောက်ဖို့ အားလုံးမှာ တာဝန်ရှိကြောင်း ပြောကြားခဲ့တယ်လို့ ပြန်ကြားရေးဝန်ကြီးဌာနရဲ့ ဝဘ်ဆိုက်မှာ ဖော်ပြထားပါတယ်။

တဆက်တည်းမှာပဲ ဒေါက်တာအေးမောင်ကလည်း ရခိုင်လူမျိုးတွေကိုဗမာ့ကျွန် အဖြစ်လောက်သာ ထားပြီး တန်းတူအခွင့်အရေး မပေးကြောင်း၊ အချုပ်အခြာ အာဏာရရှိရေးအတွက် နည်းလမ်း ၂ ခုသာရှိကြောင်း၊ လက်နက်ကိုင် တော်လှန်ရေးနည်းဖြစ်ပြီး ဒေါက်တာအေးမောင်ကိုယ်တိုင်ကတော့ နောက်တနည်းဖြစ်တဲ့ လူထုဗဟိုပြု နိုင်ငံရေးနည်းဖြင့် ဆောင်ရွက်နေကြောင်း၊ လက်ရှိ နိုင်ငံရေး အားနည်းချက်ကို အခွင့်ကောင်းယူ၍ ပန်းတိုင်ရောက်အောင် ဆောင်ရွက်သွားကြရန် တိုက်တွန်းလိုကြောင်း – စသဖြင့် ဟောပြောသွားတယ်လို့ ဆက်လက် ဖော်ပြထားပါတယ်။

ပြီးခဲ့တဲ့ အင်္ဂါနေ့ – ဇန်နဝါရီလ ၁၅ ရက်မှာ နှစ်စဉ် ကျင်းပနေကျ ရခိုင့်အချုပ်အခြာ အာဏာ ကျဆုံးတဲ့အထိမ်းအမှတ်ပွဲကို နန်းတော်ရာကုန်းမှာ ကျင်းပမြဲအတိုင်း ကျင်းပဖို့ ခွင့်တောင်းခံခဲ့ရာမှာ ငြိမ်းစုစီ ဥပဒေအရ ပြန်လည် ခွင့်ပြုမိန့်တောင်းခံဖို့ ပြောခဲ့ပြီးနောက် ပွဲကျင်းပဖို့ ၄၈ နာရီ မတိုင်ခင်မှာ ခွင့်ပြုမိန့်တင်ရမယ့်စည်းကမ်းချက်အရ သတ်မှတ်ချိန် မလုံလောက်တဲ့အတွက် အစိုးရဘက်က ကျင်းပခွင့်မပေးခဲ့ရာကနေ အခြေအနေတင်းမာလာပြီး လှည့်လည် ဆန္ဒပြရာကနေ လူအုပ်ကို ပစ်ခတ်ဖြိုခွဲခဲ့ရာကနေ လူ သေဆုံးတဲ့အထိ ဖြစ်သွားခဲ့ရတာပါ။

အဓိကရုဏ်းအတွင်း လူသေဆုံးမှုနဲ့ပတ်သက်လို့ မြောက်ဦးမြို့ ဒေသခံ ကိုကျော်ထွီးက ဗွီအိုအေကို အခုလို ပြောပါတယ်။

“အခုဆုံးသွားတာကတော့ ၇ ယောက်ပါ။ အဲဒီ၇ ယောက်ကိုလည်း မြောက်ဦးမြို့နယ်ရဲ့ သုသာန် ကိုရောက်နေပါပြီ။ နောက်တဦးကတော့ ဆေးရုံမှာကျန်တာက ခြေသလုံးတို့၊ ပေါင်တို့ ပြီးလို့ရှိရင် ဒီ မေးစေ့မှာ ဒဏ်ရာရတဲ့လူ ၄ ယောက်ရှိပါတယ်။ စစ်တွေကို အရေးပေါ် တင်သွား တာက ၈ ယောက်ပါ။ အဓိက ကြားနေရတာတော့ သွေးထွက်လွန်တာ တို့ဖြစ်လို့ ပြောပါတယ်။”

နိုင်ငံတော် အတိုင်ပင်ခံရုံး ဝဘ်ဆိုက်မှာတော့ ခရိုင်အုပ်ချုပ်ရေးမှူးရုံး အဝင်တခါးကို ချိုးဖျက်ဝင်ရောက်လာကြပြီး လူအင်အားကလည်း ၄ ထောင်ဝန်းကျင်အထိ ဖြစ်လာချိန်မှာ ရဲတပ်ဖွဲ့အင်အားက ၃၀ သာရှိကြောင်း ဖော်ပြထားပါတယ်။

ပစ်ခတ်မှုနဲ့ပတ်သက်လို့အရပ်သား သေဆုံးမှုတွေအပေါ် သေမှုသေခင်းဖွင့်ထားသလို ရဲတပ်ဖွဲ့ဝင်တွေရဲ့ ဆောင်ရွက်ချက်တွေဟာ လုပ်ထုံးလုပ်နည်းနဲ့ ညီညွတ်မှု ရှိမရှိကိုလည်း စုံစမ်းစစ်ဆေးရေး ခုံရုံးဖွဲ့ စစ်ဆေးသွားမယ်လို့ ဖော်ပြထားပါတယ်။

တကယ်လို့ ဒေါက်တာအေးမောင်နဲ့ စာရေးဆရာ ဝေဟင်အောင်တို့ဟာ နိုင်ငံတော်သစ္စာဖောက်ဖျက် ပုန်ကန်မှု – ပြစ်မှုဆိုင်ရာ ဥပဒေ ပုဒ်မ ၁၂၁ (ခ) (ဂ) တို့နဲ့ ပြစ်မှုထင်ရှားကြောင်း စီရင်ချက်ချခံရမယ်ဆိုရင် သေဒဏ်အထိ စီရင်ချက် ချမှတ်နိုင်ပါတယ်။

မြန်မာ – အိန္ဒိယ နယ်စပ်အနီးက ဒေသခံတွေ လွတ်လပ်စွာသွားလာခွင့် ရရှိတော့မည်

(မြန်မာ-အိန္ဒိယနယ်စပ်ကို တွေ့ရစဉ်) Photo:defenceaviationpost.com

မြန်မာနဲ့ အိန္ဒိယ နယ်စပ်မျဉ်း တဖက်တချက် ၁၀ မိုင်ခန့်အတွင်းက နှစ်နိုင်ငံဒေသခံတွေ လွတ်လွတ်လပ်လပ် ဖြတ်သန်းသွားလာခွင့် ရရှိနိုင်တော့မယ်လို့ The Hindu သတင်းစာက ဖေါ်ပြပါတယ်။

မြန်မာနဲ့ ထိဆက်နေတဲ့ အိန္ဒိယ ပြည်နယ် ၄ ခု ဖြစ်တဲ့ မီဇိုရမ်၊ မဏိပူ၊ နာဂလဲန်၊ အရူနာချီပရာဒက် ပြည်နယ်တွေမှာ နယ်စပ်နဲ့ ၁၀ မိုင်ခန့်အတွင်းက ဒေသခံတွေ အပြန်အလှန် ကူးသန်းနိုင်တော့မယ်လို့ ဆိုပါတယ်။

လာမယ့်သီတင်းပတ်အတွင်း မြန်မာအစိုးရ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အိန္ဒိယနိုင်ငံကို လာရောက်တဲ့အခါ ဒီကိစ္စကို နှစ်နိုင်ငံသဘောတူ လက်မှတ်ရေးထိုးကြဖွယ်ရှိတယ်လို့လည်း ဖေါ်ပြပါတယ်။

ဒေါ်အောင်ဆန်းစုကြည်ဟာ အိန္ဒိယနိုင်ငံ နယူးဒေလီမြို့မှာ ကျင်းပမယ့် သမ္မတနိုင်ငံနေ့အတွက် အာဆီယံအဖွဲ့ဝင် နိုင်ငံခေါင်းဆောင် ၉ ဦးနဲ့အတူ ဧည့်သည်တော်အဖြစ် တက်ရောက်မှာဖြစ်ပါတယ်။

RFA Burmese
https://www.facebook.com/rfaburmese

ဒေါ်အောင်ဆန်းစုကြည် နေအိမ်မှာ ပြည်ထောင်စု ဝန်ကြီးများ ခေါ်တွေ့

 ပြည်ထောင်စု ဝန်ကြီးတွေကို ခေါ်ယူတွေ့ဆုံတာဟာ မကြာခင် အစိုးရအဖွဲ့ကို အပြောင်းအလဲလုပ်ဖို့ ခေါ်ပြောတာ ဖြစ်နိုင်တယ်

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဟာ နေပြည်တော် နေအိမ်မှာ တနင်္ဂနွေည ၇ နာရီ ဝန်းကျင်မှာ ပြည်ထောင်စု အဆင့် ဝန်ကြီး အားလုံးကို ခေါ်ယူတွေ့ဆုံခဲ့တယ်လို့ နေပြည်တော် ဘီဘီစီ သတင်းထောက်က ပြောပါတယ်။

အစိုးရ သက်တမ်း ၂ နှစ်တာ ကာလအတွင်း အခုလို ကက်ဘိနက် အစည်းအဝေး အရေးပေါ် ခေါ်ယူတဲ့ ပုံစံ ပြုလုပ်တာ ပထမဆုံး အကြိမ်လို့ ဆိုပါတယ်။

ဒီကနေ့မှာ ပြည်ထောင်စု လွှတ်တော် စတင်ဖို့ ရှိနေသလို အခုလို ပြည်ထောင်စု ဝန်ကြီးတွေကို ခေါ်ယူတွေ့ဆုံတာဟာ မကြာခင် အစိုးရအဖွဲ့ကို အပြောင်းအလဲလုပ်ဖို့ ခေါ်ပြောတာ ဖြစ်နိုင်တယ်လို့ နိုင်ငံရေး လေ့လာသူတွေက သုံးသပ်နေတယ်လို့ ဘီဘီစီသတင်းထောက်က ပြောပါတယ်။

အရင်က ပြည်ထောင်စု ဝန်ကြီးအားလုံးကို နေအိမ်မှာ အခုလို ခေါ်ယူတွေ့ဆုံတာ မရှိခဲ့ဖူးဘူး လို့လည်း ဆိုပါတယ်။

BBC Burmese
http://www.bbc.com/burmese

အိန္ဒိယ-မြန်မာ နယ်စပ်တင်းမာမှုဖြစ်

အိန္ဒိယ-မြန်မာနယ်စပ် မဏိပူရပြည်နယ် Tengnoupal ခရိုင်ဘက်မှာ တနင်္ဂနွေနေ့က နှစ်ဘက် တင်းမာမှုတွေ ဖြစ်ပေါ်နေပါတယ်။ မဏိပူရပြည်နယ်၊ ပိုင်ဆိုင်မှုသတ်မှတ်ထားခြင်းမရှိတဲ့ နယ်မြေမှာ မြန်မာစစ်တပ်က မြေညှိမှုတွေ လုပ်ဆောင်ပြီး နောက်တနေ့မှာ အခုလို တင်းမာမှုတွေ ဖြစ်ပေါ်ခဲ့တာလို့ အိန္ဒိယ သတင်းမီဒီယာတွေမှာ ရေးသား ဖော်ပြထားပါတယ်။

Tengnoupal ခရိုင် အခွန်ကောက်ခံသူ K Raghumani က ရဲမှူး S. Ibomcha နဲ့အတူ စစ်ဆေးစဉ် ပိုင်ဆိုင်မှု သတ်မှတ်ထားခြင်းမရှိတဲ့ နယ်စပ်ဒေသမှာ ၀က်ခြံဆောက်ထားတာကို တွေ့ခဲ့ရကြောင်း၊ အဲဒီ ၀က်ခြံတွေကို အချိန်မှ ဖျက်ဆီးမပေးရင် တရားမ၀င် လုပ်ဆောင်မှုနဲ့ ခရိုင် အုပ်ချုပ်ရေးအဖွဲ့က အရေးယူမှာဖြစ်ကြောင်း ပိုင်ရှင်တွေကို ပြောကြားခဲ့တယ်လို့ ဆိုပါတယ်။

စနေနေ့မှာ မြန်မာဘက်က အဲဒီ ပိုင်ဆိုင်မှု သတ်မှတ်ထားခြင်းမရှိတဲ့ ဒေသမှာ မြေတွေ ညှိခဲ့တယ်လို့ ဆိုပါတယ်။

နှစ်နိုင်ငံနယ်စပ်ဒေသက ပိုင်ဆိုင်မှု သတ်မှတ်ထားခြင်းမရှိတဲ့ ဒေသကို ဘယ်သူမှ ကျူးကျော် ၀င်ရောက်ခွင့်မရှိကြောင်း၊ အဲဒီလို လုပ်ဆောင်မှုကို ရဲက တားမြစ်မှာဖြစ်ကြောင်း ရဲမှူး S. Ibomcha က ပြောပါတယ်။ ဒီကိစ္စနဲ့ပတ်သက်လို့ မြန်မာဘက်က တရားဝင် အကြောင်းပြန်ကြားတာ မရှိဘူးလို့ မစ္စတာ Raghumani က ပြောပါတယ်။

နယ်စပ်ဒေသမှာ သီးခြား နယ်နိမိတ် သတ်မှတ်ထားခြင်းမရှိတဲ့အတွက် မကြာခန အငြင်းပွားမှုတွေ ဖြစ်ပေါ်လေ့ရှိတယ်လို့ ဆိုပါတယ်။ ပြီးခဲ့တဲ့ လတုန်းကလည်း Tengnoupal ခရိုင် အတွင်းက Hollenphai ရွာထဲကို မြန်မာစစ်တပ် ၀င်လာပြီး အဲဒီရွာဟာ မြန်မာပိုင် ဖြစ်တယ်လို့ ပြောဆိုပြီး သစ်စက်တွေကို ဖြုတ်ယူသွားခဲ့တယ်လို့ ဆိုပါတယ်။

ဒါပေမယ့် ဒေသခံတွေကတော့ အဲဒီရွာဟာ မဏိပူရပြည်နယ်အတွင်းမှာ နှစ်ပေါင်းများစွာကတည်းက တည်ရှိခဲ့တာလို့ ဆိုပါတယ်။ အဲဒီရွာဟာ မြန်မာပိုင်နက်အတွင်းမှာရှိတယ်လို့ မြန်မာဘက်က ပြောနေတာကြောင့် နယ်စပ် မိုရေးမြို့မှာ တရားဝင် နယ်စပ်ကုန်သွယ်ရေးဂိတ် တည်ဆောက်တဲ့ လုပ်ငန်းတွေလည်း ရပ်ဆိုင်းထားရတယ်လို့ ဆိုပါတယ်။

ဗွီအိုအေ (မြန်မာပိုင်း)

ဒီဇင်ဘာလအထိ ဒုက္ခသည် လူစီးကြောင်း ဆက်ရှိနေခဲ့

လူစီးကြောင်း ဆက်ရှိခဲ့

၂ဝ၁၇ ဒီဇင်ဘာလထဲမှာ ဘင်္ဂလားဒေ့ရ်ှဘက် ရောက်လာတဲ့ ရိုဟင်ဂျာ ဒုက္ခသည် နှစ်ထောင့် ခုနှစ်ရာကျော် ဆက်ရှိ နေခဲ့တယ်လို့ အဲဒီဘက်မှာ ကောက်ခံကြည့်တဲ့ စစ်တမ်းတွေက ဆိုပါတယ်။

ရိုဟင်ဂျာ မိသားစု ခုနှစ်ရာ့ရှစ်ဆယ်ကျော် ကော့ဆက်ဘဇားနယ်ထဲ ဝင်ရောက် ခဲ့တာ ဖြစ်ပါတယ်။

ဒုက္ခသည် ပြန်လည် လက်ခံရေးနဲ့ ပတ်သက်ပြီး မြန်မာ-ဘင်္ဂလားဒေ့ရှ် နှစ်နိုင်ငံကြား သဘောတူ လက်မှတ် ရေးထိုးပြီး နောက်ပိုင်းမှာကို အဲဒီလို လူစီးကြောင်း ဆက်ရှိ နေတာ ဖြစ်တယ်လို့ တက်နက်ဖ် ခရိုင် အရာရှိတွေကို ကိုးကားပြီး ဘင်္ဂလားဒေ့ရှ် နာမည်ကြီး သတင်းစာ ပရိုသွမ် အာလိုက ရေးပါတယ်။

ဒီအချိန်မှာပဲ၊ ကုလသမဂ္ဂရဲ့ ဂြိုဟ်တု ဓာတ်ပုံ စီမံကိန်းက ရရှိတဲ့ အချက်အလက်တွေ အရ ဆိုရင် ဩဂုတ်လ နှောင်းပိုင်းကနေ နိုဝင်ဘာလ နှောင်းပိုင်းအထိ ရိုဟင်ဂျာရွာတွေ ရာနဲ့ချီပြီး မီးလောင် ခံခဲ့ရတာကို ပြသနေတယ်လို့ ရိုက်တာ သတင်းဌာနက ပြောပါတယ်။

မီးလောင်ခံရတဲ့ နေရာတွေဟာ ရခိုင်ပြည်နယ် မြောက်ပိုင်း တောင်ကုန်းဒေသတွေက တောက်ဘက် စစ်တွေ အနီးက ကမ်းခြေဒသတွေ အထိ ၆၈ မိုင် အတိုင်းအတာအထိ တောက်လျှောက် ရှိနေတယ်လို့လည်း ဆိုပါတယ်။

ရွာတွေ ရာနဲ့ချီပြီး မီးလောင် ခံခဲ့ရ

ရိုဟင်ဂျာ ရွာပေါင်း ၃၅၄ ရွာအထိ ရွာလုံးကျွတ်ဖြစ်စေ၊ တစိတ်တပိုင်းဖြစ်စေ ဖျက်ဆီးခံခဲ့ရတာ ဖြစ်တယ်လို့ လူ့အခွင့်အရေးဆိုင်ရာ စောင့်ကြည့်ရေး နိုင်ငံတကာအဖွဲ့ ဖြစ်တဲ့ HRW က ပြီးခဲ့တဲ့ ဒီဇင်ဘာလတုန်းက ပြောထားပါတယ်။

မီးလောင်မှုတွေဟာ အာဆာ လက်နက်ကိုင်တွေက ဖြစ်စေ၊ ရိုဟင်ဂျာ ရွာသားတွေကိုယ်တိုင် ဖြစ်စေ ကျူးလွန်တာ ဖြစ်ပြီး၊ အတင်းအဓမ္မ မောင်းမထုတ်ရပါပဲ တစ်ဘက်နိုင်ငံကို ဦးတည် ထွက်ခွာနေကြတာ ဖြစ်တယ်လို့ မြန်မာ အာဏာပိုင်တွေ ဘက်က ဆိုထားပါတယ်။

BBC Burmese

ချင်းရွှေဟော်မှာ နိုင်ငံတကာ ကုန်းလမ်းဝင်ပေါက် ထားရှိဖို့ ရည်ရွယ်

နယ်စပ်ကုန်သွယ်ရေး သိသိသာသာ မြင့်တက်

ရှမ်းပြည်နယ် အရှေ့မြောက်ပိုင်း၊ တရုတ်နဲ့ နယ်စပ်ဂိတ် ဖြစ်တဲ့ ချင်းရွှေဟော်ကို နိုင်ငံတကာ ကုန်လမ်း ဝင်ပေါက် အဆင့်မျိုး အထိ ဖြစ်လာအောင် မြန်မာ အာဏာပိုင်တွေ ရည်ရွယ်ထားပါတယ်။

ကုန်သွယ်ရေးရော၊ ခရီးသွားလုပ်ငန်း အတွက်ပါ အလားအလာကောင်းတွေ ရှိနေတဲ့ ချင်းရွှေဟော်ကို အဆင့်မြှင့် နိုင်ဖို့ ရည်မှန်းချက် ရှိတဲ့အကြောင်း အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အား ဦးစီးဌာန ပြည်ထောင်စုဝန်ကြီး ဦးသိန်းဆွေကို ကိုးကားလို့ အစိုးရပိုင် မီဒီယာမှာ ဖော်ပြထားပါတယ်။

ချင်းရွှေဟော်ကနေ ပြုလုပ်တဲ့ နယ်စပ်ကုန်သွယ်ရေးဟာလည်း ၂ဝ၁၃-၁၄ ဘဏ္ဍာရေးနှစ်ကတည်းက သိသိသာသာ မြင့်တက် လာနေတာမှာ ပြီးခဲ့တဲ့ ၂ဝ၁၆-၁၇ မှာဆိုရင် အမေရိကန် ဒေါ်လာ ၅၃၇ သန်းဖိုး အထိ ရှိခဲ့တယ်လို့ တရုတ် အစိုးရ သတင်းစာ ရှင်ဟွာက ဆိုပါတယ်။

မြန်မာဘက်ကနေ တရုတ်ကို ပဲ၊ ပြောင်း၊ နှမ်း၊ ဆန်၊ ရာဘာ၊ ရေထွက်ကုန်၊ သကြားနဲ့ ကြံတွေကို အဓိက တင်ပို့ နေတာ ဖြစ်ပြီး၊ တရုတ်ကနေ ဓာတ်မြေဩဇာနဲ့ ဆောက်လုပ်ရေးသုံး ပစ္စည်းတွေ အပါအဝင် အစားသောက်နဲ့ အဝတ်အထည်လို လူသုံးကြန် ပစ္စည်းတွေ မြန်မာပြည်ထဲ ဝင်ရောက် နေတာ ဖြစ်ပါတယ်။

ချင်းရွှေဟော်သာ နိုင်ငံတကာ ပြည်ဝင်ပေါက် ဖြစ်လာခဲ့ရင် နယ်စပ်ကုန်သွယ်ရေးအပေါ် အတိုင်းအတာ တခုအထိ ထိခိုက် လာနိုင်တယ် ဆိုတဲ့ စိုးရိမ်မှုတွေလည်း ဒေသခံ ကုန်သည်တချို့ ဆီမှာ ရှိနေတယ်လို့ အဲဒီကလာတဲ့ သတင်းတွေက ဆိုပါတယ်။

 မြောက်ပိုင်း မဟာမိတ် အုပ်စုဝင် SSPP/SSA

ရှမ်းပြည်နယ် သီပေါနဲ့ မိုင်းရှူးမြို့နယ်တွေထဲက နေရာ တချို့မှာတော့ ဒေသခံ လက်နက်ကိုင် SSPP/SSA နဲ့ အစိုးရတပ်ကြား နှစ်ဆန်း ၁ ရက်က ထိတွေ့ တိုက်ပွဲတွေ ပေါ်ပေါက် လာပြန်ပါတယ်။

နှစ်ဘက်တပ်ဖွဲ့တွေကြား ၂ဝ၁၅ တုန်းက တိုက်ပွဲ ပြင်းထန်ခဲ့ပြီး၊ ပြီးခဲ့တဲ့ လ တွေတုန်းကလည်း SSPP/SSA ရဲ့ စခန်း နေရာတွေကို အစိုးရတပ်က ဖယ်ခိုင်းလို့ စစ်ရေး တင်းမာမှုတွေ ရှိခဲ့ပါတယ်။

ရှမ်းပြည်တပ်မတော် မြောက်ပိုင်းအဖြစ် အသိများတဲ့ SSPP/SSA ဟာ တနိုင်ငံလုံး အပစ်ရပ် သဘောတူ စာချုပ် NCA နဲ့ အပြိုင် လမ်းကြောင်းကို ရှာမယ်လို့ ကြွေးကြော်ထားတဲ့ မြောက်ပိုင်း မဟာမိတ် အုပ်စုဝင် ဖြစ်ပါတယ်။

BBC Burmese